2 Pita 3:7 - Yesus Aqa Anjam Bole

⁷ Ariya bini laŋ ti mandam ti tariŋoqnsib unub. Mondoŋ Qotei a olo anjam marimqa laŋ ti mandam ti ŋamyuo na yusib koboqab. Bati deqa Qotei na tamo naŋgi a qoreiyeqnub qaji naŋgo une qa peginjrsim naŋgi torei padaltnjrqas.

2 Pita 3:7 ပူးပေါင်းရင်းမြစ်များ

Matyu 10:15

Niŋgi quiye. E bole merŋgwai. Mondoŋ Qotei na tamo uŋgasari naŋgo une qa peginjrqa batiamqa qure deqaji tamo uŋgasari naŋgi ijo anjam uratonub deqa Qotei na naŋgi tulaŋ padaltnjrougetqas. Ariya Sodom qure ti Gomora qure ti naŋgi Qotei na mondoŋ degsim padaltnjrqasai. A na naŋgi gulube kiñala enjrqas. Di kiyaqa? Naŋgi ijo ñam qaliesai deqa.”

Matyu 11:22

Deqa e niŋgi endegsi merŋgwai. Mondoŋ Qotei na tamo uŋgasari naŋgo une qa peginjrqa batiamqa a na niŋgi tulaŋ padaltŋgougetqas. Ariya Qotei na Tair qure ti Saidon qure ti naŋgi degsim padaltnjrqasai. A na naŋgi gulube kiñala enjrqas. Di kiyaqa? Naŋgi ijo ñam qaliesai deqa.

Matyu 11:24

Deqa e niŋgi endegsi merŋgwai. Mondoŋ Qotei na tamo uŋgasari naŋgo une qa peginjrqa batiamqa a na niŋgi tulaŋ padaltŋgougetqas. Ariya Qotei na Sodom qure naŋgi degsim padaltnjrqasai. A na naŋgi gulube kiñala enjrqas. Di kiyaqa? Naŋgi ijo ñam qaliesai deqa.”

Matyu 12:36

“Ariya e niŋgi endegsi merŋgwai. Mondoŋ Qotei na tamo naŋgo une qa peginjrqa batiamqa tamo uŋgasari naŋgo anjam kalil naŋgi laŋa laŋa mareqnub qaji di Qotei na naŋgo jejamuq di atsim naŋgi peginjrqas.

Matyu 24:35

Laŋ ti mandam ti koboqab. Ariya ijo anjam koboqa keresai.”

Matyu 25:41

“Ariya tamo uge ijo baŋ qonaŋq di unub qaji naŋgi endegsi minjrqai, ‘Niŋgi tamo tulaŋ ugedamu. Deqa niŋgi jaraiiye. Jaraiosib aisib ŋamyuo gaigai yuejunu qaji dia soqniye. Satan aqa laŋ aŋgro naŋgi ti dia sqab. Naŋgi dia sqajqa deqa Qotei a nami ŋamyuo di gereiyej.

Mak 6:11

Tamo bei na niŋgi gereiŋgwa uratimqa kio nuŋgo anjam quqwa asgiyimqa kio niŋgi qure di uratqa oqnsib nuŋgo siŋga tatal tumbrum butuyoqniye. Yimqa naŋgi nuŋgo kumbra di unsib poinjrqas, ‘Bole, iga kumbra ugetonum.’”

Jon 12:48

Ariya tamo bei na e qoreibosim ijo anjam quqwa uratqas di aqa une qa pegiyqajqa tamo unu. Diŋo batiamqa anjam e mareqnum qaji dena tamo di aqa une qa pegiyqas.

Rom 2:5

Ino are miligi geteŋejunu deqa ni are bulyosai. Ino kumbra dena ni na ino awai uge tombol ateqnum. Deqa mondoŋ diŋo batiamqa Qotei a kumbra tiŋtiŋ na tamo naŋgo une qa minjrsimqa aqa minjiŋ boleq atsim awai tulaŋ ugedamu ni emqas.

1 Korin 3:13

Ariya mondoŋ tamo naŋgi peginjro batiamqa Qotei na tamo kalil naŋgo wau segi segi boleq atsim ŋamyuo na pegiyosim naŋgo wau bole kio uge kio di unqas.

Filipai 1:28

E endegsi qalieqai. Niŋgi nuŋgo jeu tamo naŋgi qa ulaosaieqnub. Niŋgi siŋgila na Yesus aqa wau ojeqnub. Nuŋgo jeu tamo naŋgi nuŋgo kumbra di unsibqa naŋgi endegsib qalieqab, “Bole, iga padalqom.” Ariya niŋgi padalqasai. Qotei na niŋgi olo eleŋam niŋgi so bole gaigai sqab.

2 Tesalonaika 2:3

Tamo qudei naŋgi gisaŋ anjam deqaji niŋgi merŋgibqa niŋgi qusib dauryaib. Naŋgi gisaŋ kumbra dego niŋgi osorŋgibqa niŋgi bole edegaib. Niŋgi quiye. Yesus a olo bqajqa bati laŋa brantqasai. Bati di brantqa laqnimqa kumbra qudei namoqna endegsi bqas. Tamo gargekoba naŋgi boqnsib naŋgi tulaŋ diqoqnsib Qotei qoreiyoqnsib sqab. Satan a na aqa tamo kobaquja dego qariŋyim bqas. Tamo di a Qotei aqa dal anjam gotraŋyo qaji tamo. A ŋamyuoq di padalougetqas.

1 Timoti 6:9

Ariya tamo naŋgi silali koba oqajqa are qaleqnub qaji naŋgi Satan na walawalainjroqnsiq uneq breinjreqnu. Agi aliem na wagme naŋgi eleŋeqnu dego kere. Deqa tamo naŋgi di kumbra uge uge yqajqa are prugnjroqnimqa kumbra dena naŋgi tulaŋ ugetnjroqnim naŋgi torei padalqab.

Hibru 12:29

Iga degyqom. Di kiyaqa? Ŋamyuo na iŋgi iŋgi kalil koiteleŋeqnu dego kere gago Qotei a na tamo uŋgasari naŋgo une qa peginjrsim naŋgi tulaŋ padaltnjrougetqas.

2 Pita 2:9

Ariya was qu, Tamo Koba Qotei a nami degsiqa tamo uge uge naŋgo une qa maroqnsiq naŋgi padaltnjroqnej. Deqa iga qalieonum, tamo naŋgi Qotei dauryeqnub qaji naŋgi gulube iteqnabqa a na olo naŋgi eleŋeqnu. Naŋgi eleŋqajqa gam di Qotei a bole qalie. Tamo uge uge naŋgo kumbra di dego Qotei a qalie. Deqa mondoŋ a na naŋgi osim naŋgo une qa peginjrsim awai uge enjrqas.

2 Pita 3:10

Ariya diŋo bati brantimqa Tamo Koba Yesus a bajiŋ tamo bul urur boqujatqas. Bamqa bati deqa laŋ a poŋosim koboqas. Iŋgi iŋgi kalil dego ŋamyuo na tulaŋ kaŋkaŋam yusib koboqab. Deqa mandam ti aqa iŋgi iŋgi ti kalil olo bunu sqasai.

2 Pita 3:12

Osib nuŋgo kumbra dena niŋgi Qotei aqa bati koba brantim unqajqa deqa tariŋoqniye. Osib bati di urur brantqajqa deqa niŋgi siŋgila na wauoqniye. Bati di brantimqa laŋ a ŋamyuo na yusim koboqas. Mandam ti iŋgi iŋgi kalil Qotei na atej qaji de ti dego ŋamyuo na tulaŋ kaŋkaŋam yusib ya bulosib koboqab.

1 Jon 4:17

Iga degsi sqom di qalaqalaiyo kumbra di gago are miligiq di tulaŋ kobaosim siŋgilaesqas. Deqa mondoŋ Qotei na tamo naŋgo une qa peginjrqa batiamqa iga ulaqasai. Bole, iga mandamq endi unum. Ariya iga Kristus bulosim aqa kumbra bole dauryeqnum deqa mondoŋ iga ulaqasai.

Jut 1:7

Nami Sodom ti Gomora ti qure kalil jojomq di soqneb qaji naŋgi ti laŋ aŋgro uge naŋgo kumbra di dauryoqnsib sambala kumbra tulaŋ ugedamu yoqneb. Naŋgo sambala kumbra di tulaŋ bei. Deqa mondoŋ Qotei na naŋgi ŋamyuo kobaq di breinjrim naŋgi bati gaigai dia sqab. Deqa was qu, iga kumbra uge deqa are qaloqnsim ulaoqnqom. Osim kumbra uge di dauryqa uratqom.

Uli Anjam 17:11

Wagme juwaŋ nami soqnej bini sosai qaji a dego mandor koba bei. A mandor kokba 7-pela naŋgo ambleq di unu. A mandor koba namba 8. A dego torei padalqas.

Uli Anjam 17:8

Wagme juwaŋ ni unonum qaji di a nami soqnej. Ariya a bini sosai. Bunuqna a olo sub guma kobaq dena brantosim torei padalqas. Amqa tamo uŋgasari kalil mandamq di unub qaji naŋgi na wagme juwaŋ di unsibqa naŋgi prugugetqab. Wagme juwaŋ di agi a nami soqnej. A bini sosai. A olo bunuqna brantqas. Tamo uŋgasari naŋgi di Qotei a nami mandam atosaisosiqa naŋgi ŋambile gaigai sqajqa saidosiq ŋambile qa buk miligiq di naŋgo ñam neŋgreŋyosai.

Uli Anjam 20:11

Ariya e olo ŋam atsimqa awo jaram kobaquja tulaŋ qat unem. Qotei a awo jaram dia awesonaqa aqa ulatamuq dena mandam ti laŋ ti jaraiosib loumnab unjrem.

Uli Anjam 21:1

Onaqa e olo ŋam atsimqa laŋ bunuj ti mandam bunuj ti unjrem. Laŋ namij ti mandam namij ti koboeb. Yuwal dego koboej.