2 Pita 3:13 - Yesus Aqa Anjam Bole

¹³ Ariya Qotei a nami endegsi marej, “E na laŋ bunuj ti mandam bunuj ti olo gereiyqai.” A degsi marej deqa iga di unqajqa tariŋoqnsim unum. Laŋ bunuj ti mandam bunuj ti dia kumbra bole tiŋtiŋ gaigai sqas.

2 Pita 3:13 ပူးပေါင်းရင်းမြစ်များ

Rom 8:21

Qotei na iŋgi iŋgi kalil di naŋgi ugetnjrsiq tonto talq di breinjrobulej unub. Ariya bunuqna bati Qotei a nami atej qaji di brantimqa a na iŋgi iŋgi kalil di olo boletnjrimqa naŋgi Qotei aqa aŋgro naŋgi ti koba na tulaŋ boledamu sqab.

2 Pita 1:4

Osiqa laŋ goge qaji iŋgi bole bole kalil a nami iga egwa marej qaji di iga egej. Are prugwajqa kumbra mandamq endi tulaŋ koba unu. Kumbra dena iga ugeugeigeqnu. Ariya Kristus a na laŋ goge qaji iŋgi bole bole di iga egej. Aqa kumbra dena a na niŋgi aqaryaiŋgimqa niŋgi kumbra uge uge kalil di uratosib ŋambile osib Qotei aqa segi kumbra bole ti soqniye.

Uli Anjam 21:1

Onaqa e olo ŋam atsimqa laŋ bunuj ti mandam bunuj ti unjrem. Laŋ namij ti mandam namij ti koboeb. Yuwal dego koboej.

Uli Anjam 21:27

Ariya iŋgi jiga ti tamo naŋgi kumbra uge uge yeqnub qaji naŋgi ti tamo naŋgi gisaŋ anjam mareqnub qaji naŋgi ti qure di miligiq gilqa keresai. Tamo uŋgasari naŋgo ñam ŋambile qa buk miligiq di Qotei na neŋgreŋyej qaji naŋgi segi qure di miligiq gilqa kere. Ŋambile qa buk di agi Kaja Du aqa segi buk.