2 Pita 3:10 - Yesus Aqa Anjam Bole

¹⁰ Ariya diŋo bati brantimqa Tamo Koba Yesus a bajiŋ tamo bul urur boqujatqas. Bamqa bati deqa laŋ a poŋosim koboqas. Iŋgi iŋgi kalil dego ŋamyuo na tulaŋ kaŋkaŋam yusib koboqab. Deqa mandam ti aqa iŋgi iŋgi ti kalil olo bunu sqasai.

2 Pita 3:10 ပူးပေါင်းရင်းမြစ်များ

Matyu 24:35

Laŋ ti mandam ti koboqab. Ariya ijo anjam koboqa keresai.”

Mak 13:31

Laŋ ti mandam ti koboqab. Ariya ijo anjam koboqa keresai.”

Luk 12:39

“Niŋgi are qaliye. Bati gembu bajiŋ tamo bosim tal paratqas di tal lanja a qalieqasai. A nami qalieosiq qamu a ŋam atsiq sonaq qamu bajiŋ tamo bosiq tal paratqa yonaq unsiq wiyej qamu.

Rom 8:20

Bini iŋgi iŋgi kalil naŋgi di ugeosib unub. Naŋgo segi areqalo na naŋgi ugeosai. Qotei a segi na naŋgi ugetnjrej. Di kiyaqa? Naŋgi kumbra bole bole mondoŋ Qotei na enjrqas qaji deqa tariŋoqnsib sqajqa deqa.

1 Korin 1:8

Yesus Kristus a na niŋgi siŋgilatŋgoqnqas deqa niŋgi siŋgila na tigelesosib gilsib gilsib diŋo bati itqab. Yimqa gago Tamo Koba Yesus Kristus a olo laŋ qureq na brantimqa bati deqa niŋgi Qotei aqa ŋamgalaq di une saiqoji sqab.

1 Korin 5:5

Niŋgi koroesosibqa tamo di ojsib Satan aqa baŋq di atibqa Satan na a osim aqa jejamu gulube yqas. Yim mondoŋ Tamo Koba Yesus a olo bqajqa batiamqa Qotei na tamo di aqa qunuŋ olo oqas.

1 Tesalonaika 5:2

Niŋgi segi qalie, Tamo Koba Yesus bqajqa bati di bajiŋ tamo bul brantqas. Bajiŋ tamo naŋgi qolo beqnub dego kere Yesus bqajqa bati di lumu bosim tamo naŋgi pruqtnjrqas.

1 Tesalonaika 5:4

Ariya was qu, niŋgi ambruq di sosai deqa bati di bqas dena niŋgi pruqtŋgwasai. Bajiŋ tamo naŋgi boqnsib tamo naŋgi pruqtnjreqnub dego kere bati di bqas dena niŋgi pruqtŋgwasai.

2 Pita 3:11

Ariya niŋgi are qaliye. Iŋgi iŋgi kalil degsi koboqas deqa niŋgi kumbra kie dauryqajqa merŋgwai? Niŋgi kumbra endegyiye. Niŋgi nuŋgo segi jejamu Qotei yekritosib aqa segi kumbra boleq di sosib dauryoqniye.

2 Pita 3:12

Osib nuŋgo kumbra dena niŋgi Qotei aqa bati koba brantim unqajqa deqa tariŋoqniye. Osib bati di urur brantqajqa deqa niŋgi siŋgila na wauoqniye. Bati di brantimqa laŋ a ŋamyuo na yusim koboqas. Mandam ti iŋgi iŋgi kalil Qotei na atej qaji de ti dego ŋamyuo na tulaŋ kaŋkaŋam yusib ya bulosib koboqab.

2 Pita 3:7

Ariya bini laŋ ti mandam ti tariŋoqnsib unub. Mondoŋ Qotei a olo anjam marimqa laŋ ti mandam ti ŋamyuo na yusib koboqab. Bati deqa Qotei na tamo naŋgi a qoreiyeqnub qaji naŋgo une qa peginjrsim naŋgi torei padaltnjrqas.

Jut 1:6

Niŋgi laŋ aŋgro uge uge naŋgi qa are qaliye. Tulaŋ nami laŋ aŋgro qudei laŋ qureq dia Qotei aqa wau ojoqneb qaji naŋgi wau deqa areboleboleinjrosai deqa naŋgi laŋ qure uratosib jaraieb. Deqa Qotei a na naŋgi osiq sawa ambruq di breinjrsiq tontnjrej. Deqa naŋgi sawa dia tariŋsokobaiyib mondoŋ tamo peginjrqa batiamqa Qotei na naŋgi olo osimqa naŋgo une qa naŋgi peginjrqas.

Uli Anjam 16:15

Onaqa Yesus a marej, “Niŋgi quiye. E bajiŋ tamo bul niŋgi qa boqujatqai. Deqa tamo bei a ŋam sosim aqa gara tigsim sqas di a areboleboleiyqas. Di kiyaqa? A yosi laqasai. Deqa tamo uŋgasari naŋgi aqa jemai unqasai.”

Uli Anjam 20:11

Ariya e olo ŋam atsimqa awo jaram kobaquja tulaŋ qat unem. Qotei a awo jaram dia awesonaqa aqa ulatamuq dena mandam ti laŋ ti jaraiosib loumnab unjrem.

Uli Anjam 21:1

Onaqa e olo ŋam atsimqa laŋ bunuj ti mandam bunuj ti unjrem. Laŋ namij ti mandam namij ti koboeb. Yuwal dego koboej.

Uli Anjam 3:3

Anjam bole ni nami qusim dauryem qaji deqa olo are qale. Are qalsim anjam di geregere dauryosim are bulye. Ni ŋam sirosim tigelqasai di e bajiŋ tamo bul ni qa boqujatqai. Bati gembu e inoq bqai di ni qalieqa keresai.

Uli Anjam 6:14

Laŋ dego loumej. Qobuŋ rer qalsib lubteqnub dego kere. Mana ti nui ti kalil naŋgo soqneb qaji sawa uratosib jaraieb.