2 Pita 2:8 - Yesus Aqa Anjam Bole

⁸ Od, Lot a tamo tiŋtiŋo. Ariya a Sodom qureq di sosiqa a tamo uŋgasari naŋgo kumbra uge uge unoqnsiq naŋgo anjam uge uge bati gaigai quoqnej. Aqa are miligi tulaŋ boledamu deqa tamo uŋgasari naŋgi Qotei aqa dal anjam gotraŋyeqnabqa di unoqnsiq a prugugetoqnsiqa aqa are tulaŋ jaqatiŋkobaiyoqnej.

2 Pita 2:8 ပူးပေါင်းရင်းမြစ်များ

1 Timoti 1:9

Qotei a tamo naŋgi kumbra bole bole yeqnub qaji naŋgi qa osiq dal anjam atosai. Tamo naŋgi dal anjam gotraŋyoqnsib diqeqnub qaji naŋgi qa osiq dal anjam atej. Tamo naŋgi di naŋgo kumbra agiende. Naŋgi Qotei qoreiyoqnsib une ateqnub. Osib Qotei aqa kumbra dauryqa uratoqnsib olo mandam qa kumbra uge uge yeqnub. Naŋgi naŋgo ai wo abu wo ñumsib moiotnjreqnub. Osib tamo qudei naŋgi dego ñumeqnub.

Hibru 11:4

Abel a nami Qotei qa aqa areqalo siŋgilatej deqa a iŋgi iŋgi osiq Qotei atraiyej. Onaqa Qotei a Abel aqa iŋgi deqa tulaŋ arearetej. Abel aqa aube Kein a dego iŋgi iŋgi osiq Qotei atraiyej. Ariya Qotei a Kein aqa atraiyo iŋgi qa arearetosai. Abel a Qotei qa aqa areqalo siŋgilatej utru deqa Qotei a Abel aqa atraiyo iŋgi iŋgi qa arearetej. Kumbra dena iga osorgwo, Qotei na Abel a tamo bole une saiqoji qa minjej. Abel a nami moiej ariya a Qotei qa aqa areqalo siŋgilatej deqa bini a Qotei aqa anjam palontosiq iga mergobuleqnu.

Jems 5:16

Deqa was qu, niŋgi nuŋgo segi segi une palontosib Kristen was qu naŋgi minjroqniye. Osib niŋgi segi segi qa pailyoqniye. Yim Qotei a na niŋgi boletŋgwas. Tamo naŋgi kumbra tiŋtiŋ yeqnub qaji naŋgo pail siŋgila koba. Deqa naŋgi pailyeqnab Qotei a quoqnsiqa naŋgi aqaryainjreqnu.