2 Pita 2:17 - Yesus Aqa Anjam Bole

¹⁷ Tamo uge naŋgi di ya robu bul jeŋo qaji. Jagwa na awa puyeqnaqa urur koboeqnu dego kere tamo naŋgi di babaŋ na tamo bole ariya naŋgi kumbra bole babtosaieqnub. Deqa mondoŋ Qotei na naŋgi sawa ambruq breinjrqas. Sawa di Qotei na nami naŋgi gereiyetnjrej unu.

2 Pita 2:17 ပူးပေါင်းရင်းမြစ်များ

Matyu 22:13

Onaqa mandor koba a na aqa kaŋgal tamo naŋgi minjrej, ‘Tamo di siŋga ti baŋ ti tontetosib oqeq waiyibqa sawa ambruq di soqnem. Sawa dia tamo naŋgi akamkobayoqnsib pailoqnsib naŋgo jaqatiŋ qa qalagei anjam ateqnu.’

Matyu 25:30

Deqa niŋgi na kaŋgal tamo uge di qalaq di waiyibqa sawa ambruq di soqnem. Sawa dia naŋgi akamkobayoqnsib pailoqnsib naŋgo jaqatiŋ qa qalagei anjam atoqnqas.’ Tamo koba dena aqa kaŋgal tamo naŋgi degsi minjrej.”

Matyu 8:12

Ariya tamo qudei Qotei na nami taqatnjrqa osiq metnjrej qaji naŋgi aqaq bqa asginjrej deqa Qotei a naŋgo Mandor Koba sosim taqatnjrqasai. A na naŋgi osim qalaq di breinjrimqa naŋgi sawa ambruq di sqab. Sawa dia naŋgi akamkobayoqnsib pailoqnsib naŋgo jaqatiŋ qa qalagei anjam atoqnqas.”

Efesus 4:14

Deqa iga olo aŋgro kiñilala bul sqasai. Tamo qudei naŋgi gisaŋ kumbra ti maqu kumbra ti tulaŋ qalieosib yeqnub. Deqa naŋgi gisaŋ anjam koba marsib laqnub. Jagwa na yuwal tigelteqnaqa oqe aieqnu dego kere anjam dena tamo qudei naŋgo areqalo niñaqyetnjreqnu. Ariya iga aŋgro kiñilala bul sqasai deqa anjam dena gago areqalo niñaqyetgwasai.

Hibru 12:18

Nami Israel naŋgi Sainai mana utru jojomyosib dia ŋamyuo ti ambru ti jagwa ti unoqneb. Naŋgo baŋ na mana di ojoqneb. Ariya was qu, niŋgi iŋgi iŋgi deq bosai.

2 Pita 2:4

Niŋgi qalie, nami laŋ aŋgro qudei naŋgi une ateb. Onaqa Qotei a na naŋgi uratnjrosai. A naŋgi osiqa tontnjrsiqa sub guma kobaq di breinjrej di unub. Sub di ambru koba. Sub dia ŋamyuo unu. Ariya laŋ aŋgro uge naŋgi di subq dia tariŋesoqnibqa mondoŋ Qotei a naŋgo une qa peginjrsim awai uge enjrqas.

Jut 1:6

Niŋgi laŋ aŋgro uge uge naŋgi qa are qaliye. Tulaŋ nami laŋ aŋgro qudei laŋ qureq dia Qotei aqa wau ojoqneb qaji naŋgi wau deqa areboleboleinjrosai deqa naŋgi laŋ qure uratosib jaraieb. Deqa Qotei a na naŋgi osiq sawa ambruq di breinjrsiq tontnjrej. Deqa naŋgi sawa dia tariŋsokobaiyib mondoŋ tamo peginjrqa batiamqa Qotei na naŋgi olo osimqa naŋgo une qa naŋgi peginjrqas.