2 Pita 1:7 - Yesus Aqa Anjam Bole

⁷ Osib dena niŋgi nuŋgo Kristen was qu naŋgi kadoinjrsib geregereinjroqniye. Osib dena niŋgi qalaqalaiyo kumbra dauryosib soqniye.

2 Pita 1:7 ပူးပေါင်းရင်းမြစ်များ

Rom 12:10

Niŋgi gaigai Qotei aqa segi tamo uŋgasari naŋgi nuŋgo was tiŋtiŋ edegosib naŋgi qalaqalainjroqniye. Niŋgi nuŋgo segi ñam tentoqnsib Kristen was naŋgo ñam olo soqtoqniye.

Galesia 6:10

Deqa bati soqnimqa iga na tamo kalil naŋgi kumbra bole bole enjroqnqom. Ariya iga na olo Kristus aqa tamo uŋgasari naŋgi kumbra tulaŋ boledamu enjrqajqa siŋgilaoqnqom.

Kolosi 3:14

Osib niŋgi qalaqalaiyo kumbra yoqniye. Qalaqalaiyo kumbra a na kumbra kalil tulaŋ buŋnjreqnu. Osiqa kumbra bole kalil dego siŋgilatoqnsiq iga Kristen tamo uŋgasari kalil iga turtgeqnu. Deqa iga kalil areqalo qujaitoqnsim qalaqalaiyo kumbra dauryoqnsim sqom.

1 Tesalonaika 3:12

Gago areqalo bei dego agiende. Tamo Koba Qotei a na niŋgi siŋgilatŋgimqa qalaqalaiyo kumbra nuŋgoq di tulaŋ kobaamqa niŋgi na Qotei aqa segi tamo uŋgasari naŋgi ti tamo kalil naŋgi ti tulaŋ qalaqalainjroqnqab. Agi iga na niŋgi tulaŋ qalaqalaiŋgeqnum dego kere.

1 Tesalonaika 5:15

Ariya tamo qudei naŋgi na niŋgi kumbra uge eŋgibqa niŋgi na kamba olo naŋgi kumbra uge enjraib. Niŋgi gaigai siŋgilaoqnsib Qotei aqa tamo uŋgasari naŋgi ti tamo uŋgasari kalil naŋgi ti kumbra bole bole enjroqniye.

Hibru 13:1

Ariya Kristen was qu, bati gaigai niŋgi segi segi nuŋgo was naŋgi qalaqalainjroqniye.

1 Pita 1:22

Niŋgi nami Qotei aqa anjam bole dauryoqneb. Kumbra dena niŋgi Qotei aqa ŋamgalaq di tamo bole une saiqoji soqneb. Utru deqa bini niŋgi na Qotei aqa tamo uŋgasari naŋgi tulaŋ qalaqalainjreqnub. Ariya kumbra di niŋgi olo torei siŋgilatosib nuŋgo Kristen was naŋgi siŋgila na qalaqalainjroqniye.

1 Pita 2:17

Osib niŋgi tamo kalil naŋgi kumbra bole enjroqniye. Osib Qotei aqa tamo uŋgasari naŋgi qalaqala-injroqniye. Niŋgi Qotei ulaiyoqnsib aqa sorgomq di soqniye. Sosib mandor kokba naŋgo ñam soqtoqniye.

1 Pita 3:8

Ariya e na ijo anjam endi kobotqa osiy niŋgi endegsi merŋgwai. Niŋgi kalil koba na geregere are qujaitosib soqniye. Sosibqa tamo kalil naŋgi qa duloqnsib Qotei aqa tamo uŋgasari naŋgi dego qalaqalainjroqnsib naŋgi qa are boleiŋgoqneme. Osib nuŋgo segi ñam aguq atoqniye.

1 Jon 3:14

Iga na gago Kristen was naŋgi qalaqalainjreqnum deqa iga endegsi qalieonum, iga padalqa gam uratosim agi ŋambile gaigai sqajqa gamq di unum. Ariya tamo naŋgi naŋgo Kristen was naŋgi qalaqalainjro-saieqnub qaji naŋgi padalqa gamq di unub.

1 Jon 3:16

Yesus a aqa segi ŋambile uratosiq iga qa moiej. Aqa kumbra dena a na iga qalaqalaiyo kumbra osorgej. Deqa iga dego gago Kristen was naŋgi qa are qalsim gago segi ŋambile uratosim naŋgi qa moreŋqom.

1 Jon 4:21

Iga dal anjam di Kristus aqaq na em. Dal anjam agiende. Tamo a Qotei qalaqalaiyoqnqas di a na aqa Kristen was naŋgi dego qalaqalainjroqneme.