2 Pita 1:13 - Yesus Aqa Anjam Bole

¹³ E mandamq endi sosiy nuŋgo areqalo tigeltetŋgitqa niŋgi ijo anjam deqa olo are qalqajqa deqa e niŋgi merŋgonum. E are qalonum, ijo kumbra di bole.

2 Pita 1:13 ပူးပေါင်းရင်းမြစ်များ

2 Korin 5:8

Ariya e maronum, iga are siŋgilatosim unum. Deqa iga gago jejamu endi uratosim oqsim Tamo Koba Yesus ombla sqajqa are qaleqnum. Yim bati deqa aqa laŋ qure di gago qure utru sqas.

Filipai 1:7

Niŋgi ijo are miligiq di unub deqa e kere niŋgi qa degsim are qaleqnum. E tonto talq endi sqai kio e Kristus aqa anjam bole siŋgilatoqnsiy laqnqai kio di uŋgum. Qotei a e qa are tulaŋ boleiyosiq wau ebej deqa niŋgi kalil e beterbosib e ti koba na Qotei aqa wau ojeqnum.

Filipai 3:10

Deqa e Kristus qa bole qalieqajqa are koba unu. A subq na tigelej deqa a siŋgila ti unu. E siŋgila deqa qalieqajqa are koba unu. A jaqatiŋ osiq moiej deqa e a beteryosiy a ombla jaqatiŋ osiy moiobulqai. E a ombla areqalo qujaitosiy moiobulqajqa are qaleqnum.

2 Timoti 1:6

Nami e ijo baŋ ino gateq di atnamqa Qotei na ni siŋgila emej. Yim ni aqa wau ojqajqa deqa. Deqa e olo ino areqalo tigeltetmitqa ni siŋgila deqa are qalsim ino wau di siŋgilat. Tamo a ŋam puyim puloŋosim kobaqas dego kere ni na ino wau di olo siŋgilatim kobaqas.

Hibru 13:3

Ariya Qotei aqa tamo uŋgasari qudei naŋgi tonto talq di unub. Deqa niŋgi naŋgi uratnjraib. Niŋgi naŋgi qa are qaloqnsib koba na tonto talq di sobulosib naŋgi geregereinjroqniye. Ariya jeu tamo naŋgi na Kristen tamo qudei naŋgi ugeugeinjroqnsib jaqatiŋ enjreqnub. Deqa niŋgi naŋgi qa dego are qaloqnsib koba na jaqatiŋ obuloqnsib naŋgi geregereinjroqniye. Di kiyaqa? Niŋgi naŋgi ti Kristen was qu deqa. Niŋgi qalie, niŋgi mandamq endi sonabqa jeu tamo naŋgi na niŋgi dego ugeugeiŋgeqnub.

2 Pita 1:12

Bole, niŋgi ijo anjam bole di qalieonub deqa agi niŋgi siŋgila na ojejunub. Ariya niŋgi anjam deqa olo are walŋgaim deqa e bati gaigai niŋgi olo merŋgwajqa are qaleqnum.

2 Pita 1:14

E qalieonum, sokiñala e ijo jejamu uratosiy moiqai. Gago Tamo Koba Yesus Kristus a na e degsi merbej.

2 Pita 3:1

O ijo was bole, e nami anjam neŋgreŋyosim niŋgi qa qariŋyem agi bini olo anjam qariŋyonum. E nuŋgo are tigeltetŋgitqa niŋgi iŋgi bole bole mondoŋ brantqas qaji deqa olo are qalqajqa deqa osim neŋgreŋyonum. Nami Qotei aqa medabu o qaji tamo naŋgi iŋgi deqa anjam palontoqnsib laqneb. Tamo Koba Yesus agi iga eleŋej qaji aqa dal anjam qa dego niŋgi are qalqajqa deqa e anjam endi neŋgreŋyonum. Dal anjam di Yesus aqa wau tamo naŋgi nami niŋgi qa bosib palontosib niŋgi merŋgeqnab quoqneb.