2 Korin 8:3 - Yesus Aqa Anjam Bole3 E deqa niŋgi merŋgwai. Masedonia Kristen naŋgi naŋgo segi areqalo dauryosib silali di koroiyosib ateb. Naŋgo silali kiñala soqnej di naŋgi koroiyeb. Osib naŋgo kumbra di buŋyosib silali koba olo koroiyosib ateb. အခန်းကိုကြည့်ပါ။ |
Nuŋgo ambleq di tamo bei a anjam palontqa wau osimqa a Qotei aqa anjam geregere palontoqneme. Nuŋgo ambleq di tamo bei a tamo naŋgi aqaryainjrqajqa wau osimqa Qotei na a siŋgila yimqa a siŋgila dena wauoqneme. Yimqa wau kalil niŋgi yeqnub qaji di tamo naŋgi unsibqa Yesus Kristus aqa ñam na Qotei aqa ñam tulaŋ soqtoqnqab. Yesus Kristus a bati gaigai ñam koba ti siŋgila ti sqas. Bole.
Qotei aqa tamo uŋgasari naŋgi kaja du du bul deqa a na naŋgi joqsiqa nuŋgo baŋq di atej unub. Deqa niŋgi na naŋgi geregere taqatnjroqniye. Qotei na niŋgi wau di eŋgej deqa niŋgi are bole na wau di yoqniye. Tamo qudei naŋgi siŋgila na niŋgi waiŋgibqa niŋgi deqa wau di yaib. Niŋgi silali qa osib wau di yaib. Niŋgi are bole na wau di yoqniye.