2 Korin 8:20 - Yesus Aqa Anjam Bole

²⁰ Iga silali di taqateqnum deqa tamo qudei naŋgi iga qa yomuqab kio. Degaib deqa iga na was bei di osim koba na silali di taqateqnum.

2 Korin 8:20 ပူးပေါင်းရင်းမြစ်များ

Matyu 10:16

Osiqa Yesus a olo anjam endegsi minjrej, “Niŋgi quiye. Niŋgi kaja du du bul deqa e na niŋgi qariŋgitqa gilsib bauŋ juwaŋ naŋgo ambleq dia walweloqnqab. Deqa niŋgi amal naŋgo kumbra dauryoqniye. Amal naŋgi geregere ŋam atoqnsib laqnub. Dego kere niŋgi geregere are qaloqnsib walweloqniye. Niŋgi binoŋ naŋgo kumbra dego dauryoqniye. Binoŋ naŋgi kumbra uge yosaieqnub. Dego kere niŋgi kumbra uge yqajqa are qaloqnaib.

Rom 14:16

Niŋgi mareqnub, iga iŋgi di uyqom di kumbra bole. Ariya nuŋgo kumbra bole di tamo qudei naŋgi unsib olo uge qa maraib deqa niŋgi geregere ŋam atoqniye.

1 Korin 16:3

E botqa niŋgi na tamo qudei naŋgi giltnjrib e na neŋgreŋ bei naŋgi enjrsiy qariŋnjrit naŋgi silali di osib Jerusalem qureq osi gilqab.

2 Korin 11:12

Ariya tamo qudei naŋgi naŋgo segi ñam soqtqajqa gam ŋameqnub. Yim naŋgi tamo kalil naŋgo ŋamgalaq di iga bul sqajqa deqa. Ariya e na olo naŋgo gam di getentetnjrqajqa waueqnum. E degyoqnsiy sqai.

2 Korin 8:19

Di segi sai. Kristen tamo uŋgasari qure qure kalilq di unub qaji naŋgi na was di gilteb deqa a iga ti koba na walweloqnsim silali koroiyqajqa wau di taqateqnum. Wau di aqa utru agiende. Qotei a Kristen naŋgi qa are tulaŋ boleiyosiq aqaryainjrej deqa naŋgi silali di koroiyeb. Wau di iga na taqateqnum. Di kiyaqa? Iga wau dena Tamo Koba Yesus aqa ñam soqtimqa tamo kalil naŋgi unsib qalieqab, bole, iga wau di yqajqa are tulaŋ pruggeqnu.

2 Korin 8:21

Di kiyaqa? Iga kumbra bole segi dauryqajqa deqa. Iga Tamo Koba Qotei aqa ŋamgalaq di segi kumbra bole yqajqa are qalosai. Iga tamo uŋgasari naŋgo ŋamgalaq di dego kumbra bole yqajqa are qaleqnum.

Efesus 5:15

Deqa was qu, niŋgi nuŋgo segi walwel gereiyosib soqniye. Niŋgi nanari tamo bulosib walwelaib. Niŋgi powo ti sosib walweloqniye.

1 Tesalonaika 5:22

Osib kumbra uge kalil uratoqniye.