2 Korin 7:8 - Yesus Aqa Anjam Bole

⁸ E qalieonum, anjam e nami neŋgreŋyem qaji di niŋgi sisiyosib dena niŋgi are gulubeiŋgej. Ariya e deqa are ugeibosai. Bole, nami e are ugeibej. Ariya bini sai. E qalieonum, anjam e neŋgreŋyem qaji dena niŋgi are gulubeiŋgonaqa jemaiŋgej. Ariya sokiñalayonaq nuŋgo are gulube di olo koboej.

2 Korin 7:8 ပူးပေါင်းရင်းမြစ်များ

Jon 16:6

E na anjam endi merŋgonumqa niŋgi qusib are gulubeiŋgwo.

Jon 21:17

Osiqa olo nenemyoqalubtej, “O Saimon, Jon aqa ŋiri, ni e qalaqalaibeqnum e?” Yesus na Pita anjam di nenemyoqalubtej deqa Pita a are gulubeiyonaq minjej, “O Tamo Koba, ni iŋgi iŋgi kalil qa qalie. Deqa ni qalieonum, e ni qalaqalaimeqnum.” Onaqa Yesus na olo minjej, “Deqa ni na ijo kaja naŋgi geregereinjroqnime.

2 Korin 7:11

Niŋgi geregere are qaliye. Are gulube Qotei na niŋgi eŋgej qaji dena niŋgi siŋgilatŋgej deqa niŋgi are bulyosib agi kumbra bole bole yeqnub. Are gulube dena Qotei na nuŋgo are tigeltetŋgonaqa niŋgi nuŋgo une gereiyosib tamo qujai une yej qaji di a ŋiriŋteb. Osib niŋgi Qotei ulaiyosib aqa sorgomq di soqneb. Qotei na nuŋgo are tigeltetŋgej deqa niŋgi iga qa are koba qaleqnub. Osib niŋgi tamo qujai une yej qaji di aqa une olo gereiyetqa dego are qaleqnub. Niŋgi segi na nuŋgo une di gereiyqajqa are qaleqnub. Nuŋgo kumbra dena iga qalieonum, bole, niŋgi une saiqoji.

2 Korin 7:12

O was qu, e nami anjam neŋgreŋyosim niŋgi qa qariŋyem. Niŋgi na tamo une atej qaji aqa une gereiyetqajqa e deqa are qalsim anjam di neŋgreŋyosai. Tamo agi tamo dena une yej qaji a qa dego are qalsim anjam di neŋgreŋyosai. Niŋgi na iga tulaŋ qalaqalaigeqnub nuŋgo kumbra di Qotei a unsim boleq atim niŋgi qalieqajqa deqa e anjam di neŋgreŋyem.

2 Korin 7:6

Ariya Qotei a na gaigai tamo uŋgasari are gulubeinjreqnu qaji naŋgo are olo latetnjreqnu. Deqa a na Taitus qariŋyonaqa a iga qa bonaqa iga a unsimqa dena gago are olo laej.

2 Korin 7:7

Ariya gam dena segi Qotei na gago are latetgosai. Taitus a nami nuŋgo ambleq di sonaqa niŋgi na aqa are lateteb a degsi mergonaq qunamqa gam dena dego Qotei na gago are latetgej. Niŋgi na e olo nubqajqa are koba qaleqnub. Niŋgi nuŋgo une qa are ugeiŋgeqnu. Niŋgi e ombla are qujaitosib sqajqa are koba qaleqnub. Taitus a nuŋgo kumbra deqa e saibej deqa e tulaŋ areboleboleibqo.

2 Korin 7:9

Deqa e bini areboleboleibqo. Niŋgi are gulubeiŋgej e deqa areboleboleibosai. Ariya nuŋgo are gulube ti jemai ti dena niŋgi olo are bulyeb deqa e areboleboleibqo. E qalieem, Qotei a segi na are gulube ti jemai ti di niŋgi eŋgej. Deqa gago anjam neŋgreŋyem qaji dena niŋgi ugeugeiŋgosai.

Uli Anjam 3:19

Tamo naŋgi e qalaqalainjreqnum qaji di e na olo ŋiriŋtnjroqnsim gereinjreqnum. Deqa ni are siŋgilatosim ino segi kumbra gereiyosim are bulye.