2 Korin 7:6 - Yesus Aqa Anjam Bole

⁶ Ariya Qotei a na gaigai tamo uŋgasari are gulubeinjreqnu qaji naŋgo are olo latetnjreqnu. Deqa a na Taitus qariŋyonaqa a iga qa bonaqa iga a unsimqa dena gago are olo laej.

2 Korin 7:6 ပူးပေါင်းရင်းမြစ်များ

Matyu 5:4

“Tamo uŋgasari akamoqnsib unub qaji naŋgi dego tulaŋ areboleboleinjreme. Di kiyaqa? Qotei na naŋgo are olo boletetnjrqas.

Jon 14:16

Amqa e na ijo Abu minjitqa a na Aqaryaiŋgo tamo bei qariŋyimqa nuŋgoq bosim siŋgilatŋgwas. Osim bati gaigai niŋgi koba na sqas.

Rom 15:5

Qotei a segi na gago areqalo siŋgilatetgeqnu. A segi na iga aqaryaigeqnu deqa iga siŋgila na tigeleqnum. Ariya Qotei na niŋgi aqaryaiŋgimqa niŋgi Kristus Yesus aqa kumbra dauryosib areqalo qujaitosib soqniye.

2 Korin 7:13

Nuŋgo kumbra dena gago are tulaŋ laejunu. Gago are laejunu deqa iga areboleboleigwo. Ariya niŋgi na Taitus aqa are gulube kobotetosib are boleteteb deqa iga olo tulaŋ areboleboleigwo.

2 Korin 7:14

Nuŋgo kumbra boledamu deqa e nami Taitus saiyosim nuŋgo ñam soqtem. E ijo anjam deqa jemaibosai. Gago anjam kalil nami iga niŋgi merŋgoqnem qaji di bole. Dego kere bini Taitus a qalieqo, anjam iga niŋgi qa saiyosim minjem qaji di dego bole.

2 Korin 7:7

Ariya gam dena segi Qotei na gago are latetgosai. Taitus a nami nuŋgo ambleq di sonaqa niŋgi na aqa are lateteb a degsi mergonaq qunamqa gam dena dego Qotei na gago are latetgej. Niŋgi na e olo nubqajqa are koba qaleqnub. Niŋgi nuŋgo une qa are ugeiŋgeqnu. Niŋgi e ombla are qujaitosib sqajqa are koba qaleqnub. Taitus a nuŋgo kumbra deqa e saibej deqa e tulaŋ areboleboleibqo.

Filipai 2:1

Kristus a na nuŋgo are siŋgilatetŋgeqnu e? A na niŋgi qalaqalaiŋgoqnsiqa nuŋgo are latetŋgeqnu e? Qotei aqa Mondor a na niŋgi beterŋgejunu e? Niŋgi nuŋgo was naŋgi qa are boleiŋgeqnaqa naŋgi qa duleqnub e?

1 Tesalonaika 3:2

Marsimqa Timoti qariŋyonam niŋgi qa bej. Timoti a gago Kristen was bole. A Qotei aqa wau tamo. A Kristus aqa anjam bole maro qaji tamo. Iga na a qariŋyonam niŋgi qa bej. A na niŋgi aqaryaiŋgosim nuŋgo areqalo Yesus qa siŋgilateqnub qaji di olo siŋgilatetŋgwajqa deqa marsim a qariŋyonam niŋgi qa bej.