2 Korin 7:13 - Yesus Aqa Anjam Bole

¹³ Nuŋgo kumbra dena gago are tulaŋ laejunu. Gago are laejunu deqa iga areboleboleigwo. Ariya niŋgi na Taitus aqa are gulube kobotetosib are boleteteb deqa iga olo tulaŋ areboleboleigwo.

2 Korin 7:13 ပူးပေါင်းရင်းမြစ်များ

Rom 12:15

Kristen was qudei naŋgi areboleboleinjrimqa niŋgi kamba dego naŋgi koba na areboleboleiŋgeme. Ariya was qudei naŋgi akamoqnibqa niŋgi kamba dego naŋgi koba na akamoiye.

Rom 15:32

Deqa Qotei na marim e niŋgi qa bosiy nuŋgsiy dena e areboleboleibqas. Osiy niŋgi koba na aqaratosiy dena siŋgila oqai.

1 Korin 12:26

Deqa jejamu sarqei bei a jaqatiŋ oqas di jejamu sarqei kalil naŋgi dego jaqatiŋ oqab. Jejamu sarqei qujai a ñam koba oqas di jejamu sarqei kalil naŋgi a ombla na areboleboleinjrqas.

1 Korin 16:13

Ariya was qu, niŋgi geregere ŋam atoqniye. Osib niŋgi siŋgila na tigelesosib Yesus qa nuŋgo areqalo siŋgilatoqniye. Niŋgi iŋgi bei qa ulaaib. Niŋgi siŋgila na soqniye.

1 Korin 16:18

Bosib e ti niŋgi ti gago are latetgonub. Deqa niŋgi tamo deqaji naŋgi qa tulaŋ areboleboleiŋgeme.

2 Korin 2:13

Ariya e dia ijo was Taitus itosai deqa e a qa are koba qaloqnem. Deqa e Troas tamo uŋgasari naŋgi olo uratnjrsim Masedonia sawaq gilem.

2 Korin 2:3

Deqa e niŋgi qa olo bosiy are gulube oqa uratonum. Utru deqa e nami anjam bei di neŋgreŋyosim niŋgi qa qariŋyem. O was qu, e qalieonum, e iŋgi bei qa areboleboleibqas di niŋgi kalil dego e ti koba na areboleboleigwas.

2 Korin 7:14

Nuŋgo kumbra boledamu deqa e nami Taitus saiyosim nuŋgo ñam soqtem. E ijo anjam deqa jemaibosai. Gago anjam kalil nami iga niŋgi merŋgoqnem qaji di bole. Dego kere bini Taitus a qalieqo, anjam iga niŋgi qa saiyosim minjem qaji di dego bole.

2 Korin 7:15

Taitus a niŋgi qa bonaqa niŋgi a ulaiyosib a osib aqa anjam dauryoqneb. Nuŋgo kumbra bole di Taitus aqa areqaloq di unu deqa a na niŋgi tulaŋ qalaqalaiŋgeqnu.

2 Korin 7:6

Ariya Qotei a na gaigai tamo uŋgasari are gulubeinjreqnu qaji naŋgo are olo latetnjreqnu. Deqa a na Taitus qariŋyonaqa a iga qa bonaqa iga a unsimqa dena gago are olo laej.

Filipai 2:28

Deqa was qu, e arebolebole na Epafroditus qariŋyonam niŋgi qa bej. Niŋgi a unsibqa tulaŋ areboleboleiŋgwajqa deqa marsim a qariŋyonam niŋgi qa bej. Deqa e dego olo are gulubeibqasai.

2 Timoti 1:16

E endegsi Qotei pailyeqnum, “O Tamo Koba, ni Onesiforus aqa tal qujai naŋgi qa ti dulame.” O Timoti, Onesiforus a bati gargekoba ijo are boletetboqnej. E tonto talq di soqnem bati deqa a e qa jemaiyosai.

Filemon 1:20

O ijo was Filemon, ni que. Ni Tamo Koba Kristus aqa ñam na kumbra bole di e ebe. Aqo ombla Kristus aqa tamo unum deqa ni kumbra di yosim dena ijo are boletetbe.

Filemon 1:7

Od, was, ni na Qotei aqa segi tamo uŋgasari kalil naŋgi tulaŋ qalaqalainjreqnum. Ino kumbra dena ni na naŋgo are tulaŋ siŋgilatetnjreqnum. E ino kumbra deqa qusim dena ijo are latetbqoqa e tulaŋ areboleboleibqo.

1 Pita 3:8

Ariya e na ijo anjam endi kobotqa osiy niŋgi endegsi merŋgwai. Niŋgi kalil koba na geregere are qujaitosib soqniye. Sosibqa tamo kalil naŋgi qa duloqnsib Qotei aqa tamo uŋgasari naŋgi dego qalaqalainjroqnsib naŋgi qa are boleiŋgoqneme. Osib nuŋgo segi ñam aguq atoqniye.