2 Korin 7:11 - Yesus Aqa Anjam Bole

¹¹ Niŋgi geregere are qaliye. Are gulube Qotei na niŋgi eŋgej qaji dena niŋgi siŋgilatŋgej deqa niŋgi are bulyosib agi kumbra bole bole yeqnub. Are gulube dena Qotei na nuŋgo are tigeltetŋgonaqa niŋgi nuŋgo une gereiyosib tamo qujai une yej qaji di a ŋiriŋteb. Osib niŋgi Qotei ulaiyosib aqa sorgomq di soqneb. Qotei na nuŋgo are tigeltetŋgej deqa niŋgi iga qa are koba qaleqnub. Osib niŋgi tamo qujai une yej qaji di aqa une olo gereiyetqa dego are qaleqnub. Niŋgi segi na nuŋgo une di gereiyqajqa are qaleqnub. Nuŋgo kumbra dena iga qalieonum, bole, niŋgi une saiqoji.

2 Korin 7:11 ပူးပေါင်းရင်းမြစ်များ

Mak 3:5

Onaqa Yesus a naŋgi koqnjrej. Naŋgi Yesus aqa anjam quqwajqa are sosai deqa a naŋgi qa are minjiŋ oqej. Osiqa tamo baŋ qandamyej qaji di minjej, “Ni ino baŋ waiy.” Degsi minjnaqa aqa baŋ waiyonaq boleej.

Jon 2:17

Onaqa Yesus aqa aŋgro naŋgi aqa kumbra di unsibqa Qotei aqa anjam bei nami neŋgreŋyeb qaji deqa olo are qaleb. Agi nami endegsib neŋgreŋyeb, “O Abu, e ino tal qa tulaŋ arearetbqo. Deqa e ino tal bole sqajqa waukobaeqnum.”

Aposel 17:16

Onaqa Pol a naŋgi aiyel qa Atens qureq di tariŋesoqnej. Sosiqa qure ambleq di walweloqnsiqa qotei gisa gisaŋ naŋgo sulum gargekoba unoqnsiqa are tulaŋ gulubekobaiyoqnej.

Rom 11:20

Di bole. Ariya Qotei aqa kumbra di aqa utru agiende. Israel naŋgi Qotei qa naŋgo areqalo siŋgilatosai deqa Qotei na naŋgi giŋgeŋnjrsiqa breinjrej. Ariya niŋgi Qotei qa nuŋgo areqalo siŋgilatejunub deqa Qotei na niŋgi olo eleŋej. Di nuŋgo wau na sai. Deqa niŋgi nuŋgo segi ñam soqtosib diqaib. Niŋgi ulaoiye.

Rom 14:18

Tamo naŋgi kumbra dena Kristus aqa wau ojoqnqab di Qotei a naŋgi qa tulaŋ arearetoqnqas. Yim tamo kalil naŋgi na naŋgi unjrsib marqab, “Naŋgi tamo bole.”

Rom 3:5

Deqa was qu, niŋgi na kamba olo e endegsib merbqab kio, “Iga kumbra uge yoqnqom dena Qotei aqa kumbra tiŋtiŋ olo brantoqnqas di iga kiersi marqom? Qotei a gago une qa minjiŋ oqim awai uge egwas di a kumbra uge yqo. Degsi marqom e?” O was qu, iga degsi marqasai. Qotei a gaigai kumbra tiŋtiŋ segi yeqnu. A kumbra tiŋtiŋ yqasai di a kiersim tamo uŋgasari naŋgo kumbra qa peginjrqas? Nuŋgo areqalo di mandam tamo naŋgo areqalo.

1 Korin 12:25

Gago jejamu a poosim segisegiaim deqa Qotei a degyeqnu. Yim jejamu sarqei kalil naŋgi segi segi geregereinjroqnqajqa deqa.

1 Korin 5:13

Tamo naŋgi Yesus qaliesai qaji naŋgo une qa Qotei a segi na peginjrqas. Ariya Qotei aqa anjam bei nami endegsib neŋgreŋyeb unu, “Niŋgi na tamo uge di osib nuŋgo ambleq dena taqal waiyiye.”

1 Korin 5:2

Tamo di a sambala kumbra di yeqnu deqa niŋgi are ugeiŋgonaq akamosaieqnub. Niŋgi diqoqnsib laqnub. Niŋgi are ugeiŋgej qamu niŋgi tamo di osib nuŋgo ambleq dena taqal waiyeb qamu.

2 Korin 13:7

O was qu, niŋgi kumbra uge yoqnaib deqa iga niŋgi qa Qotei pailyeqnum. Niŋgi iga nugsib iga Kristus aqa wau tamo bole degsib are qalqajqa iga deqa pailyosai. Niŋgi iga gisaŋ wau tamo degsib are qalqab di uŋgum. Gago areqalo qujai agiende. Niŋgi kumbra bole tiŋtiŋ yoqnqajqa deqa iga Qotei pailyeqnum.

2 Korin 2:6

Ariya nuŋgo ambleq di tamo gargekoba naŋgi tamo di aqa une qa minjsib awai uge yeb di kereqo.

2 Korin 6:4

Iga Qotei aqa wau tamo deqa iga gaigai tamo uŋgasari kalil naŋgo ŋamgalaq di kumbra bole yeqnum. Gulube bei bei gagoq di branteqnaqa iga siŋgila na tigeloqnsim gulube di qoboiyeqnum. Tamo qudei naŋgi na iga ugeugeigeqnab iga naŋgi qa ulaosaieqnum. Une bei bei na iga padaltgwa laqnaqa iga na olo gotraŋyeqnum.

2 Korin 7:1

O ijo was bole, iŋgi bole kalil di Qotei a nami iga egwa marej. Agi a na bini iga egeqnu. Deqa iga kumbra jigat kalil gago jejamu ti gago are miligi ti di unub qaji di torei uratekritqom. Osim dena iga Qotei aqa ŋamgalaq di une saiqoji sosim a qa ulaoqnsim gago jejamu ti gago are miligi ti torei Qotei yekritosim aqa segi kumbra boleq di sosim dauryoqnqom.

2 Korin 7:7

Ariya gam dena segi Qotei na gago are latetgosai. Taitus a nami nuŋgo ambleq di sonaqa niŋgi na aqa are lateteb a degsi mergonaq qunamqa gam dena dego Qotei na gago are latetgej. Niŋgi na e olo nubqajqa are koba qaleqnub. Niŋgi nuŋgo une qa are ugeiŋgeqnu. Niŋgi e ombla are qujaitosib sqajqa are koba qaleqnub. Taitus a nuŋgo kumbra deqa e saibej deqa e tulaŋ areboleboleibqo.

2 Korin 7:9

Deqa e bini areboleboleibqo. Niŋgi are gulubeiŋgej e deqa areboleboleibosai. Ariya nuŋgo are gulube ti jemai ti dena niŋgi olo are bulyeb deqa e areboleboleibqo. E qalieem, Qotei a segi na are gulube ti jemai ti di niŋgi eŋgej. Deqa gago anjam neŋgreŋyem qaji dena niŋgi ugeugeiŋgosai.

2 Korin 9:2

E qalieonum, niŋgi wau di yqajqa are tulaŋ prugŋgeqnu. Deqa e gaigai Masedonia Kristen naŋgo ŋamgalaq dia nuŋgo ñam soqteqnum. Osim endegsi minjreqnum, “Wausau bei nami tamo uŋgasari Akaia sawaq di unub qaji naŋgi silali koroiyqajqa wau di tigeltqa mareb.” O was qu, niŋgi wau di yqajqa tulaŋ siŋgilaeqnub deqa e na Masedonia Kristen naŋgi minjreqnam quoqnsib naŋgi gargekoba dego wau di yqajqa are prugnjreqnu.

Efesus 4:26

Niŋgi minjiŋ oqimqa ariya niŋgi geregere ŋam atiye. Niŋgi olo une ato uge. Niŋgi urur minjiŋ kobotiye. Niŋgi minjiŋ ti soqnib seŋ aiaiq.

Efesus 5:11

Tamo naŋgi ambruq di sosib kumbra uge uge yeqnub qaji naŋgi ti beteroqnaib. Kumbra naŋgi yeqnub qaji dena kumbra bole bei babtosaieqnu. Deqa niŋgi na tamo naŋgi di endegsib minjroqniye, “Nuŋgo kumbra di uge.”

Filipai 2:12

Ariya was qu, e qalieonum, niŋgi gaigai ijo anjam dauryeqnub. Ariya bini niŋgi olo siŋgila na dauryoqniye. E niŋgi koba na sqai bati deqa segi sai. Bini e isaq endi unum deqa niŋgi ijo anjam dauryqa urataib. Niŋgi ijo anjam olo siŋgila na dauryoqniye. Qotei na niŋgi padalo sawaq dena eleŋej deqa niŋgi ulaosib siŋgila na wauoqniye.

1 Tesalonaika 4:6

Niŋgi na Kristen was qu naŋgi kumbra uge bei enjraib. Osib naŋgi gisaŋnjrsib naŋgo ŋauŋ ugetnjraib. Tamo Koba Qotei a na tamo naŋgi kumbra deqaji yeqnub qaji naŋgi awai uge enjrqas. Iga nami niŋgi siŋgila na degsi merŋgoqnem.

1 Timoti 5:20

Kristen gate bei a une yimqa ni na a osim Kristen gate kalil naŋgo ulatamuq di tigeltosim aqa une boleq atsim minjimqa Kristen gate kalil naŋgi kumbra di unsib naŋgi dego ulaqab.

2 Timoti 2:15

Ni Qotei aqa wau tamo boledamu sqajqa siŋgilaoqnim Qotei a nuŋgo wau qa tulaŋ arearetoqnqas. Deqa ni Qotei aqa anjam bole geregere palontoqne. Ni degyqam di ni aqa ŋamgalaq di jemaimqasai.

Taitus 3:8

Qotei aqa anjam di tulaŋ boledamu. Deqa iga anjam di gago areqaloq di siŋgilatqom. O Taitus, ni Qotei aqa anjam di siŋgila na palontoqnimqa tamo uŋgasari Qotei qa naŋgo areqalo siŋgilateqnub qaji naŋgi quoqnsib kumbra bole bole yoqnqab. Kumbra deqaji na tamo uŋgasari naŋgi aqaryainjreqnu. Kumbra di bolequja.

Hibru 4:1

Ariya Qotei na iga dego mergej, “Niŋgi ijo aqarato sawa miligiq gilqab.” Deqa was qu, iga ulaqom. Nuŋgo ambleq di Qotei na tamo bei saidyim aqa aqarato sawa miligiq gilosaio uge.

Jems 3:17

Ariya tamo naŋgi Qotei aqaq dena areqalo bole ti powo ti eqnub qaji naŋgi kumbra tulaŋ boledamu yeqnub. Naŋgi kumbra jigat dauryosaieqnub. Naŋgi lawo na sosib tamo naŋgi jiŋga na gereinjroqnsib naŋgi qa duloqnsib kumbra bole bole enjreqnub. Naŋgi na tamo kalil naŋgi turtnjroqnsib kumbra qujai enjreqnub. Naŋgi gisaŋoqnsib laŋa babaŋ na kumbra bole dauryosaieqnub. Naŋgi bole dauryeqnub.

1 Pita 1:17

Niŋgi Qotei metoqnsib minjeqnub, “O gago Abu.” Abu di a gago ñam qa are qalsiq iga pegigosaieqnu. A gago segi segi kumbra unoqnsiq dena iga pegigeqnu. Deqa bati niŋgi mandamq endi sosibqa niŋgi endegsib maroqniye, “Mandam endi gago qure utru sai.” Degsib maroqnsib Qotei qa ulaoqnsib aqa sorgomq di geregere soqniye.

1 Pita 2:2

Iga qalie, aŋgro mom naŋgi muŋgum qaq uyqajqa qarnjreqnu. Dego kere niŋgi muŋgum qaq boledamu Qotei aqaq dena beqnu qaji di oqajqa are qaloqniye. Muŋgum qaq di agi Qotei aqa anjam. Muŋgum qaq di jiga bei saiqoji. Muŋgum qaq dena nuŋgo qunuŋ aqaryaiyimqa niŋgi tulaŋ boleosib siŋgilaqab. Yim Qotei na niŋgi oqas.

Jut 1:23

Ariya tamo qudei naŋgi une ti unub deqa naŋgi ŋamyuoq aiqa laqnub. Deqa niŋgi naŋgi urur minjribqa naŋgi naŋgo une uratosib are bulyqab. Osib deqa naŋgi ŋamyuoq aiqasai. Qotei na naŋgi oqas. Ariya tamo qudei naŋgi naŋgo areqalo namij dauryeqnub deqa naŋgi gara sari bulosib tulaŋ jiga ti unub. Deqa niŋgi naŋgi qa olo duloqniye. Osib naŋgo une qa ulaosib kumbra jigat deqaji kalil uratosib isaq giliye.

Uli Anjam 3:19

Tamo naŋgi e qalaqalainjreqnum qaji di e na olo ŋiriŋtnjroqnsim gereinjreqnum. Deqa ni are siŋgilatosim ino segi kumbra gereiyosim are bulye.