2 Korin 4:9 - Yesus Aqa Anjam Bole

⁹ Gago jeu tamo naŋgi na iga gulube egeqnub. Ariya Qotei a deqa iga uratgosaieqnu. Naŋgi na iga lugoqnsib ŋeiotgeqnub. Ariya Qotei na olo iga aqaryaigeqnu deqa naŋgi iga torei ugeugeigosaieqnub.

2 Korin 4:9 ပူးပေါင်းရင်းမြစ်များ

Jon 15:20

E nami merŋgonum, kaŋgal tamo na aqa tamo koba buŋyqa keresai. Niŋgi ijo anjam deqa geregere are qaliye. Jeu tamo naŋgi na e ugeugeibeqnub dego kere niŋgi dego ugeugeiŋgoqnqab. Naŋgi ijo anjam dauryoqneb qamu naŋgi nuŋgo anjam dego dauryonub qamu.

Rom 8:35

Kristus a segi na iga tulaŋ qalaqalaigeqnu. Deqa tamo yai na aqa qalaqalaiyo kumbra di olo getentimqa a na iga qalaqalaigwasai? Tamo dego bei sosai. O was qu, iga gulube osimqa kio, jaqatiŋ osimqa kio, tamo qudei na iga ugeugeigibqa kio, iga mam koba osimqa kio, gara saigimqa kio, kumbra uge bei na ugetgimqa kio, qoto bei gagoq di brantimqa kio Kristus a deqa iga qalaqalaigwasai e? Sai.

2 Korin 7:6

Ariya Qotei a na gaigai tamo uŋgasari are gulubeinjreqnu qaji naŋgo are olo latetnjreqnu. Deqa a na Taitus qariŋyonaqa a iga qa bonaqa iga a unsimqa dena gago are olo laej.

2 Timoti 3:12

Bole, jeu tamo naŋgi na tamo kalil Kristus Yesus beteryosib Qotei aqa kumbra dauryqa siŋgilaeqnub qaji naŋgi kumbra uge uge enjroqnqab.

Hibru 13:5

Niŋgi silali qa mamaulŋgaiq. Niŋgi endegsib maroqniye, “Iga silali ti iŋgi ti yala eqnum di kere.” Agi Qotei na iga segi segi endegsi mergej, “E ni uratmqasai. E ni qoreimqasai dego.”