2 Korin 4:18 - Yesus Aqa Anjam Bole

¹⁸ Iŋgi iŋgi iga gago ŋamdamu na uneqnum qaji di sokiñalayosim koboqas. Deqa iga iŋgi iŋgi di kokoqyosaieqnum. Ariya iŋgi iŋgi iga gago ŋamdamu na unqa keresai qaji di bati gaigai sqas. Deqa iga iŋgi iŋgi di kokoqyoqnsim sqom.

2 Korin 4:18 ပူးပေါင်းရင်းမြစ်များ

Matyu 25:46

E na tamo uge ijo baŋ qonaŋq di unub qaji naŋgi degsi minjrsiyqa naŋgo awai uge enjrsiy breinjrit ŋamyuoq aiqab. Dia naŋgi bati gaigai jaqatiŋ oqnsib sqab. Ariya tamo bole ijo baŋ woq di unub qaji naŋgi ŋambile gaigai sqab.”

2 Korin 5:7

Bini iga a qa gago areqalo siŋgilatosim walweleqnum. Iga a unosaiunum.

2 Tesalonaika 2:16

Gago Tamo Koba Yesus Kristus wo gago Abu Qotei wo naŋgi aiyel na iga tulaŋ qalaqalaigeqnub. Qotei a iga qa are boleiyoqnsiq deqa a gaigai gago are boletetgeqnu. Osiqa a na iga siŋgilatgeqnu. Deqa mondoŋ a na iga boletgwajqa deqa iga tariŋoqnsim unum.

Hibru 11:1

Iga Qotei qa gago areqalo siŋgilateqnum. Kumbra di aqa utru agiende. Iŋgi iŋgi kalil Qotei a nami iga egwa marej qaji di agi iga egwas. Iga iŋgi iŋgi di oqajqa tariŋesonamqa ariya mondoŋ Qotei na iga egwas. Iga Qotei qa gago areqalo siŋgilateqnum deqa iga bole qalieonum, Qotei na iŋgi iŋgi di egwas. Iga gago ŋamdamu na iŋgi iŋgi di unqa keresai di uŋgum. Iŋgi iŋgi di unu.

Hibru 11:13

O was qu, Abel na Enok na Noa na Abraham na Sara na naŋgi kalil Qotei qa naŋgo areqalo siŋgilatesosib gilsib moreŋeb. Naŋgi mandam endia sosibqa iŋgi bole bole Qotei na nami naŋgi enjrqa minjrej qaji di naŋgi eleŋosai. Ariya naŋgi iŋgi di oqajqa tariŋesosibqa tarosib laŋ qure koqyosib isaq na iŋgi di unsib deqa areboleboleinjrej. Deqa naŋgi maroqneb, “Iga mandam endi so boleiyqasai. Iga mandamq endia yauŋ tamo bulosim sokiñala sosim bunuqna iga mandam endi uratqom.” O was qu, naŋgi anjam di marqajqa jemainjrosai.

Hibru 9:11

Ariya bini Kristus a brantosiqa a gago atra tamo kobaquja sosiqa iŋgi bole bole Qotei na iga egej qaji di osi bosiqa laŋ qaji atra tal miligiq gilej. Atra tal di tulaŋ bolequja. Atra tal dena mandam qaji atra tal di tulaŋ buŋyejunu. Mandam tamo naŋgi na atra tal di gereiyosai.

1 Jon 2:25

Nami Kristus a na iga endegsi mergonaq quem, “E na niŋgi ŋambile eŋgitqa niŋgi ŋambile gaigai sqab.”