2 Korin 4:15 - Yesus Aqa Anjam Bole

¹⁵ E degsi maronum. Di kiyaqa? E qalieonum, kumbra kalil gagoq di branteqnu qaji di niŋgi aqaryaiŋgwajqa deqa. Qotei a iga qa are tulaŋ boleiyeqnu aqa kumbra di tamo uŋgasari gargekoba naŋgi qa gileqnu. Deqa tamo uŋgasari naŋgi di Qotei aqa kumbra di unsib a tulaŋ biŋiyoqnsib aqa ñam soqtoqnqab.

2 Korin 4:15 ပူးပေါင်းရင်းမြစ်များ

Rom 8:28

Iga qalieonum, Qotei na tamo uŋgasari kalil a tulaŋ qalaqalaiyeqnub qaji naŋgi geregere taqatnjreqnu. Deqa kumbra kalil naŋgoq di branteqnu qaji dena naŋgi olo boletnjreqnu. Tamo naŋgi di Qotei na nami oqa marsiq metnjrej.

1 Korin 9:19

E kumbra bei yqa are sqas e yqai. E tamo bei aqa sorgomq di sosai. Ariya e ijo segi areqalo na tamo kalil naŋgo sorgomq di sosim naŋgi qa wauoqnsim dena e na tamo gargekoba naŋgi are bulyetnjreqnam naŋgi Kristus aqaq beqnub.

2 Korin 1:11

Ariya niŋgi na dego nuŋgo pail na iga aqaryaigoqniye. Yim Qotei a tamo uŋgasari gargekoba naŋgo pail quoqnsim deqa iga aqaryaigoqnqas. Yoqnim tamo uŋgasari gargekoba naŋgi Qotei aqa kumbra di unoqnsib a biŋiyoqnqab.

2 Korin 8:19

Di segi sai. Kristen tamo uŋgasari qure qure kalilq di unub qaji naŋgi na was di gilteb deqa a iga ti koba na walweloqnsim silali koroiyqajqa wau di taqateqnum. Wau di aqa utru agiende. Qotei a Kristen naŋgi qa are tulaŋ boleiyosiq aqaryainjrej deqa naŋgi silali di koroiyeb. Wau di iga na taqateqnum. Di kiyaqa? Iga wau dena Tamo Koba Yesus aqa ñam soqtimqa tamo kalil naŋgi unsib qalieqab, bole, iga wau di yqajqa are tulaŋ pruggeqnu.

Galesia 1:24

O was qu, Qotei na e are bulyetbej anjam di naŋgi quoqnsib deqa naŋgi tulaŋ areboleboleinjrnaqa Qotei aqa ñam soqtoqneb.

Kolosi 1:24

E niŋgi aqaryaiŋgwa osim deqa e jaqatiŋ koba eqnum. E ijo jaqatiŋ deqa tulaŋ areboleboleibeqnu. E na Kristus aqa segi tamo uŋgasari naŋgi aqaryainjreqnum. Naŋgi aqa segi jejamu bul. A naŋgo gate. A na naŋgi aqaryainjrqa marsiq jaqatiŋ koba ej. Aqa jaqatiŋ di koboosaiunu. Deqa e dego tamo uŋgasari naŋgi qa osimqa ijo segi jejamuq di jaqatiŋ koba eqnum. Ijo kumbra dena e na Kristus aqa jaqatiŋ dauryosim kereteqnum.

1 Timoti 1:14

Osiqa a e qa are tulaŋ boleiyosiq ijo are tigeltetbej deqa bini e gago Tamo Koba Kristus Yesus qa ijo areqalo siŋgilatoqnsimqa tamo uŋgasari naŋgi qalaqalainjreqnum.

2 Timoti 2:10

Deqa e na ijo are miligi siŋgilatoqnsim gulube kalil di qoboiyoqnsim unum. E tamo uŋgasari Qotei na aqa segi qa giltnjrej qaji naŋgi aqaryainjrqajqa deqa osim gulube di qoboiyeqnum. Yimqa Qotei na naŋgi eleŋamqa naŋgi dego Kristus Yesus aqa ñam na ŋambile osib a ombla gaigai sqajqa deqa.

1 Pita 2:9

Ariya Qotei na niŋgi giltŋgej deqa niŋgi aqa segi tamo uŋgasari tiŋtiŋ unub. Niŋgi aqa atra tamo dego sosib a ombla mandor kokba tigelejunub. Osib niŋgi aqa segi kumbra boleq di sosib walweleqnub. Niŋgi aqa segi tamo sqa marsiq giltŋgej deqa niŋgi aqa kumbra bole kalil deqa mare mare laqnub. Nami niŋgi ambruq di soqneb deqa Qotei na niŋgi metŋgonaqa niŋgi ambru uratosib suwaŋoq beleŋeb. Suwaŋ di tulaŋ bolequja.

1 Pita 4:11

Nuŋgo ambleq di tamo bei a anjam palontqa wau osimqa a Qotei aqa anjam geregere palontoqneme. Nuŋgo ambleq di tamo bei a tamo naŋgi aqaryainjrqajqa wau osimqa Qotei na a siŋgila yimqa a siŋgila dena wauoqneme. Yimqa wau kalil niŋgi yeqnub qaji di tamo naŋgi unsibqa Yesus Kristus aqa ñam na Qotei aqa ñam tulaŋ soqtoqnqab. Yesus Kristus a bati gaigai ñam koba ti siŋgila ti sqas. Bole.