2 Korin 3:7 - Yesus Aqa Anjam Bole

⁷ Niŋgi are qaliye. Dal anjam aqa wau agiende. A na tamo uŋgasari naŋgi moiotnjreqnu. Dal anjam di Qotei a meniŋq di neŋgreŋyonaqa a Qotei aqa riaŋ ti bej. Deqa Moses aqa ulatamu riaŋonaqa Israel tamo uŋgasari naŋgi aqa ulatamu koqyqa keresai. Ŋam qamotnjrej. Ariya bunuqna riaŋ di olo koboej.

2 Korin 3:7 ပူးပေါင်းရင်းမြစ်များ

Aposel 6:15

Onaqa tamo kalil koro sawaq dia awesoqneb qaji naŋgi gisaŋ anjam di qusib Stiven koqyeb. Aqa ulatamu laŋ aŋgro aqa ulatamu bulonaq uneb.

Rom 10:4

Iga qalie, Kristus na Moses aqa dal anjam kalil keretekritej. Aqa kumbra dena tamo uŋgasari kalil a qa naŋgo areqalo siŋgilateqnub qaji naŋgi Qotei aqa ŋamgalaq di tamo bole une saiqoji sqab.

Rom 4:15

Iga qalie, dal anjam unu deqa tamo naŋgi dal anjam gotraŋyeqnub. Deqa Qotei a naŋgi qa minjiŋ oqeteqnu. Ariya dal anjam sosai qamu tamo naŋgi dal anjam gotraŋyeqnub degsi marqa keresai qamu.

Rom 5:20

Tamo naŋgi nami dal anjam eb bati deqa naŋgi dal anjam tulaŋ koba gotraŋyoqneb. Naŋgi une tulaŋ gargekoba yoqneb ariya Qotei a olo naŋgi qa are tulaŋ boleiyoqnej.

Rom 7:10

Onaqa dena e moiem. Dal anjam aqa wau utru agi tamo naŋgi ŋambile enjrqajqa. Ariya e dal anjam dena ŋambile osai. Dal anjam na e moiotbej.

Rom 7:22

Bole, ijo areqaloq di e Qotei aqa dal anjam tulaŋ arearetbeqnu.

Rom 7:5

Nami iga areqalo namij aqa kumbra dauryoqnem bati deqa dal anjam a na gago siŋgaq di gago baŋq di gago jejamu kalilq dia areqalo uge uge tigelteqnaqa iga une yoqnem. Osim kumbra dena iga moio qa gam babtoqnem.

1 Korin 13:10

Ariya mondoŋ Kristus a olo bosim iŋgi iŋgi kalil keretimqa bati deqa qalie ti anjam ti iga truquigeqnu qaji di torei koboqas.

2 Korin 3:3

Gago wau na Kristus a anjam di neŋgreŋyosiq qariŋyej. Neŋgreŋ di boleq di unu. A Kristus aqaq na bej. Neŋgreŋ di agi niŋgi segi. Kristus a tamo bei aqa wau na neŋgreŋyosai. A Qotei ŋambile gaigai unu qaji aqa Mondor aqa wau na neŋgreŋyej. A meniŋq di neŋgreŋyosai. A tamo uŋgasari naŋgo are miligiq di neŋgreŋyej.

2 Korin 3:6

Gago wau agiende. Iga Kristus aqa anjam bunuj aqa leŋ na siŋgilatej qaji di palontosim laqnum. Qotei a segi na iga siŋgilatgeqnu deqa iga wau di ojeqnum. Kristus aqa anjam bunuj di a dal anjamq di neŋgreŋyosai. Anjam bunuj di Qotei aqa Mondor Bole aqa segi anjam. Tamo naŋgi dal anjam dauryqa marqab di naŋgi moreŋqab. Ariya tamo naŋgi Qotei aqa Mondor dauryqab di a na naŋgi ŋambile enjrqas.

2 Korin 3:8

Ariya Qotei na aqa Mondor Bole tamo uŋgasari naŋgi enjrej aqa wau dena dal anjam aqa wau tulaŋ buŋyejunu. Deqa wau di Qotei aqa riaŋ ti aqa siŋgila ti sqas.

Galesia 3:10

Ariya tamo qudei naŋgi endegsib are qaleqnub, “Iga dal anjam dauryqom gam dena iga Qotei aqa ŋamgalaq di tamo bole une saiqoji sqom.” O was qu, tamo naŋgi di Qotei na padaltnjrqas. Di kiyaqa? Qotei aqa anjam bei nami endegsib neŋgreŋyeb unu, “Tamo bei a Qotei aqa dal anjam kalil neŋgreŋq di unu qaji di dauryekritosim ariya qujai bole qujai grotqas di Qotei na a padaltqas.”

Galesia 3:21

E endegsi marqai kio? Dal anjam a na iŋgi bole bole Qotei a nami iga egwa marej qaji di jeuteqnu. E degsi marqasai. Qotei na dal anjam bei iga ŋambile egwajqa di egej qamu iga dal anjam dauryqom gam dena iga tamo bole une saiqoji so qamu.

Hibru 12:18

Nami Israel naŋgi Sainai mana utru jojomyosib dia ŋamyuo ti ambru ti jagwa ti unoqneb. Naŋgo baŋ na mana di ojoqneb. Ariya was qu, niŋgi iŋgi iŋgi deq bosai.

Hibru 3:3

Ariya iga qalie, tamo naŋgi tal gereiyeqnub qaji naŋgo ñam kobaquja. Tal aqa ñam kiñala. Yesus a tal gereiyo qaji tamo bul soqnej deqa Qotei na Yesus ñam kobaquja waiyej. Yesus aqa ñam dena Moses aqa ñam tulaŋ buŋyejunu.

Hibru 9:4

Qa sum koitib qurem quleqwajqa deqa marsib bijal gol na gereiysib warum dia atnab soqnej. Ariya Qotei aqa dal anjam so qaji ŋam moŋgum dego warum dia soqnej. Ŋam moŋgum aqa qalaq di gol na walateb. Warum miligiq di laŋ qure qa uyo iŋgi Qotei na nami Israel naŋgi enjrej qaji di tabirq di atnab soqnej. Tabir di dego gol na gereiyeb. Ariya ŋam moŋgum miligiq dia Aron aqa walwelqa toqoŋ nami qenjilitej qaji di atnab soqnej. Meniŋ aiyel Qotei a nami naŋgo quraq di aqa dal anjam neŋgreŋyej qaji di dego ŋam moŋgum miligiq di atnab soqnej.