2 Korin 3:6 - Yesus Aqa Anjam Bole

⁶ Gago wau agiende. Iga Kristus aqa anjam bunuj aqa leŋ na siŋgilatej qaji di palontosim laqnum. Qotei a segi na iga siŋgilatgeqnu deqa iga wau di ojeqnum. Kristus aqa anjam bunuj di a dal anjamq di neŋgreŋyosai. Anjam bunuj di Qotei aqa Mondor Bole aqa segi anjam. Tamo naŋgi dal anjam dauryqa marqab di naŋgi moreŋqab. Ariya tamo naŋgi Qotei aqa Mondor dauryqab di a na naŋgi ŋambile enjrqas.

2 Korin 3:6 ပူးပေါင်းရင်းမြစ်များ

Matyu 13:52

Onaqa Yesus na olo minjrej, “Qotei laŋ qureq di unu qaji a tamo uŋgasari naŋgo Mandor Koba sosiq naŋgi taqatnjreqnu. Anjam di dal anjam qalie tamo qudei naŋgi poinjreqnu. Poinjreqnu qaji naŋgi tal aqa abu bul unub. Deqa naŋgi naŋgo talq dena ñoro bunuj ti ñoro namij ti eleŋoqnsib oqeq ateqnub.”

Matyu 26:28

Endi ijo leŋ. Tamo uŋgasari gargekoba naŋgo une kobotetnjrqajqa deqa ijo leŋ aisim Qotei aqa anjam bunuj nami gereiyej qaji di siŋgilatqas.

Mak 14:24

Onaqa Yesus na minjrej, “Wain gambaŋ endi ijo leŋ. Tamo uŋgasari gargekoba naŋgo une kobotetnjrqajqa deqa ijo leŋ aisim Qotei aqa anjam bunuj nami gereiyej qaji di siŋgilatqas.

Luk 22:20

Naŋgi bem uynabqa Yesus na olo wain gambaŋ osiq Qotei pailyosiqa minjrej, “Wain gambaŋ endi ijo leŋ. Nuŋgo une kobotqajqa deqa ijo leŋ aisim Qotei aqa anjam bunuj nami gereiyej qaji di siŋgilatqas.

Jon 5:21

Ijo Abu na tamo moreŋo qaji naŋgi olo ŋambile enjroqnsiqa subq na tigeltnjreqnu. Deqa e Qotei aqa Ŋiri e kamba dego ijo segi areqalo na tamo naŋgi ŋambile enjreqnum.

Jon 6:63

Qotei aqa Mondor a segi na tamo uŋgasari naŋgi ŋambile enjreqnu. Nuŋgo segi jejamu na niŋgi aqaryaiŋwa keresai. Ijo anjam kalil e na merŋgeqnum qaji di Mondor aqa anjam. Anjam dena niŋgi ŋambile oqab.

Rom 1:5

Yesus Kristus aqa wau na Qotei a iga qa are tulaŋ boleiyosiqa aqa ñam na iga aqa anjam maro tamo sqajqa deqa wau egej. Tamo uŋgasari sawa sawa kalilq di unub qaji naŋgi Yesus qa naŋgo areqalo siŋgilatosib aqa anjam dauryqajqa deqa are qalsiq wau egej.

Rom 3:20

Deqa tamo bei a dal anjam dauryosim dena a Qotei aqa ŋamgalaq di tamo bole une saiqoji sqajqa tamo dego bei sosai. Dal anjam na iga gago une osorgeqnu. Di segi.

Rom 4:15

Iga qalie, dal anjam unu deqa tamo naŋgi dal anjam gotraŋyeqnub. Deqa Qotei a naŋgi qa minjiŋ oqeteqnu. Ariya dal anjam sosai qamu tamo naŋgi dal anjam gotraŋyeqnub degsi marqa keresai qamu.

Rom 4:17

Agi Qotei aqa anjam bei nami endegsib neŋgreŋyeb unu, “O Abraham, e ni giltmonum deqa ni tamo uŋgasari sawa sawa kalilq di unub qaji naŋgo moma matu sqam.” O was qu, Abraham a Qotei qa aqa areqalo siŋgilatej deqa a Qotei aqa ŋamgalaq di gago moma matu unu. Qotei qujai di tamo moreŋo qaji naŋgi olo subq na tigeltnjreqnu. A segi na marnaqa iŋgi iŋgi kalil nami sosai qaji di branteleŋej.

Rom 7:6

Bati deqa dal anjam na iga tonto talq waigobulonaq soqnem. Ariya bini iga Kristus ombla moiobulejunum deqa iga olo dal anjam aqa sorgomq di sosai. Iga bini waueqnum di iga dal anjam nami neŋgreŋyeb qaji di dauryqajqa wauosai. Qotei aqa Mondor na kumbra bunuj osorgeqnaqa iga kumbra di dauryqajqa waueqnum.

Rom 8:2

Di kiyaqa? Niŋgi segi segi Kristus Yesus aqa tamo deqa. Qotei aqa Mondor Bole iga ŋambile egej qaji a na niŋgi aqaryaiŋgej deqa une ti moio ti na niŋgi olo taqatŋgwa keresai. Qotei aqa Mondor a segi na niŋgi taqatŋgeqnu.

1 Korin 11:25

Degsi minjrnaqa naŋgi bem uynab koboonaqa a na olo wain gambaŋ osiq Qotei pailyosiqa minjrej, “Wain gambaŋ endi ijo leŋ. Leŋ di aisim Qotei aqa anjam bunuj siŋgilatqas. Deqa niŋgi osib uyiye. Bunuqna niŋgi wain gambaŋ endi dego gaigai uyoqnsib e qa are qaloqniye.”

1 Korin 12:28

Qotei na Kristen tamo uŋgasari naŋgi wau segi segi enjreqnu. Naŋgi qudei a na qariŋnjreqnaqa naŋgi aqa anjam osi walweloqnsib mare mare laqnub. Naŋgi qudei a na wau enjreqnu deqa naŋgi aqa medabu oqnsib anjam geregere palonteqnub. Naŋgi qudei a na wau enjreqnu deqa naŋgi aqa anjam plaltoqnsib kumbra Qotei a tulaŋ areareteqnu qaji di tamo uŋgasari naŋgi osornjreqnub. Naŋgi qudei a na siŋgila enjreqnu deqa naŋgi aqa maŋwa babteleŋeqnub. Naŋgi qudei a na siŋgila enjreqnu deqa naŋgi tamo mainjro qaji naŋgi olo boletnjreqnub. Naŋgi qudei a na wau enjreqnu deqa naŋgi na tamo uŋgasari naŋgi aqaryainjreqnub. Naŋgi qudei a na Kristen gate ateqnu deqa naŋgi na Kristen tamo uŋgasari naŋgi geregere taqatnjreqnub. Naŋgi qudei a na meŋ bulyetnjreqnu deqa naŋgi qure utru segi segi naŋgo anjam mareleŋeqnub.

1 Korin 15:45

Agi Qotei aqa anjam bei nami endegsib neŋgreŋyeb unu, “Adam namij a mandam qaji ŋambile osi soqnej.” Ariya Adam bunuj a bunuqna bosiqa a segi Mondor ti sosiqa tamo uŋgasari naŋgi laŋ qaji ŋambile enjrej. Adam bunuj di Kristus.

1 Korin 3:10

Qotei a e qa are boleiyosiq wau ebej deqa e tal gereiyo qaji tamo bulosim e tal gereiyqajqa qalie bole. Deqa e tal aqa utru atem. Ariya bini tamo qudei naŋgi kamba olo tal aqa ai gogeq di tal ateqnub. Ariya e na tamo kalil naŋgi endegsi minjreqnum, “Niŋgi tal ateqnub deqa niŋgi geregere atoqniye.”

1 Korin 3:5

Apolos di tamo yai? E Pol e segi tamo yai? Aqo aiyel Qotei aqa wau tamo segi. Agi Tamo Koba Qotei na aqo aiyel wau segi segi egej deqa iga Kristus aqa anjam niŋgi merŋgoqnem. Onaqa niŋgi quoqnsib Kristus qa nuŋgo areqalo siŋgilateb.

2 Korin 11:23

Naŋgi mareqnub, “Iga Kristus aqa wau tamo.” Ariya e nanari tamo bulosiy anjam endegsi marqai. E dego Kristus aqa wau tamo. Agi e na tamo naŋgi di tulaŋ buŋnjrsimqa ŋes na ti jaqatiŋ na ti Kristus aqa wau ojeqnum. Bati gargekoba jeu tamo naŋgi na e tonto talq di waiboqneb. Osib e lubogargekobatoqneb. Gulube dena e na tamo naŋgi di tulaŋ buŋnjroqnem. Bati gargekoba e moiqa jojomem.

2 Korin 3:14

Israel naŋgo areqalo geteŋnjresoqnej deqa naŋgi dal anjam namij sisiyoqneb di naŋgi anjam aqa utru poinjrosaioqnej. Naŋgi nami degsib soqneb agi bini unub. Naŋgo areqalo gara mutu na kabutobulejunu. Tamo bei na gara di taqal atqa keresai. Kristus aqa wau na segi Qotei na gara di olo taqal ateqnu.

2 Korin 3:3

Gago wau na Kristus a anjam di neŋgreŋyosiq qariŋyej. Neŋgreŋ di boleq di unu. A Kristus aqaq na bej. Neŋgreŋ di agi niŋgi segi. Kristus a tamo bei aqa wau na neŋgreŋyosai. A Qotei ŋambile gaigai unu qaji aqa Mondor aqa wau na neŋgreŋyej. A meniŋq di neŋgreŋyosai. A tamo uŋgasari naŋgo are miligiq di neŋgreŋyej.

2 Korin 3:7

Niŋgi are qaliye. Dal anjam aqa wau agiende. A na tamo uŋgasari naŋgi moiotnjreqnu. Dal anjam di Qotei a meniŋq di neŋgreŋyonaqa a Qotei aqa riaŋ ti bej. Deqa Moses aqa ulatamu riaŋonaqa Israel tamo uŋgasari naŋgi aqa ulatamu koqyqa keresai. Ŋam qamotnjrej. Ariya bunuqna riaŋ di olo koboej.

2 Korin 3:9

Dal anjam aqa wau agiende. Dal anjam na iga gago une qa mergoqnsiq iga padaltgeqnu. Wau di Qotei aqa riaŋ ti bej. Ariya iga qalieonum, iga na tamo uŋgasari naŋgi Qotei aqa ŋamgalaq di tamo bole une saiqoji sqajqa gam osornjreqnum wau di olo tulaŋ riaŋ koba ti bqas. A na dal anjam aqa riaŋ tulaŋ buŋyqas.

Galesia 3:21

E endegsi marqai kio? Dal anjam a na iŋgi bole bole Qotei a nami iga egwa marej qaji di jeuteqnu. E degsi marqasai. Qotei na dal anjam bei iga ŋambile egwajqa di egej qamu iga dal anjam dauryqom gam dena iga tamo bole une saiqoji so qamu.

Efesus 2:1

Nami niŋgi une yoqnsib laqneb deqa niŋgi moreŋesoqneb. Niŋgi moio tamo buleb.

Efesus 3:7

Qotei na e Kristus aqa anjam bole di marsiy laqajqa deqa e wau tamo atej. A e qa are boleiyosiq deqa e wau di yqajqa siŋgila ebej.

1 Timoti 4:6

O Timoti, ijo anjam di ni na Kristen was qu naŋgi olo minjroqne. Ni minjroqnqam di ni Kristus Yesus aqa wau tamo boledamu sqam. Deqa anjam bole ni ino areqaloq di siŋgilatejunum qaji dena ti powo bole ni osim dauryeqnum qaji dena ti ni olo torei siŋgilatmesqas.

2 Timoti 1:11

Qotei aqa areqalo agiende. E Kristus aqa anjam bole marsiy laqnqai. Qotei aqa areqalo degsi unu deqa a na e giltbosiq wau ebej. Deqa e Qotei aqa anjam palontoqnsim Kristus aqa ñam maroqnsim tamo uŋgasari naŋgi Qotei aqa kumbra osornjreqnum.

Hibru 12:24

Ariya niŋgi Yesus qa dego beleŋeb. Yesus agi Qotei aqa anjam bunuj siŋgilatqa osiqa Qotei ti iga ti gago ambleq di tigelejunu. Yesus aqa leŋ agi bileŋej qaji a qa dego niŋgi beleŋeb. Deqa bini leŋ dena niŋgi Qotei aqa anjam merŋgobuleqnu. Yesus aqa leŋ di tulaŋ bolequja. Deqa leŋ dena Abel aqa leŋ tulaŋ buŋyejunu. Anjam Abel aqa leŋ na iga mergobuleqnu qaji Qotei aqa anjam de ti keresai.

Hibru 13:20

Gago Tamo Koba Yesus a gago Mandor Koba. A na kaja du du naŋgi geregere taqatnjreqnu. Aqa kaja du du agi iga. Aqa leŋ aiej dena a na Qotei aqa anjam bunuj gaigai sqas qaji di siŋgila-tej. Deqa Qotei agi iga are lawo egeqnu qaji a na Yesus subq na olo tigeltej.

Hibru 7:22

Deqa iga qalieonum, Qotei aqa anjam bunuj Yesus na siŋgilatej qaji di tulaŋ bolequja. Anjam dena dal anjam namij tulaŋ buŋyejunu.

Hibru 8:13

Agi Qotei a marej, “E anjam bunuj atqai.” A degsi marej deqa iga qalieonum, anjam a nami atej qaji di olo namijej. Deqa anjam di a sokobaiyqasai. A sokiñalayosim torei koboqas.

1 Pita 3:18

Niŋgi Kristus qa are qaloqniye. Kristus a tamo tiŋtiŋo. Ariya a na tamo uŋgasari uge uge naŋgo sawa osiq naŋgo une qa osiq moiej. A na niŋgi joqsim Qotei aqaq oqwajqa deqa osiq niŋgi qa moiej. A bati qujai qa moiej deqa a olo moiqa keresai. A tamo bulyosiqa mandamq endi soqnej. Sonaqa jeu tamo naŋgi na a qalnab moiej. Ariya a olo subq na tigelosiqa a mondor ti soqnej.

1 Jon 1:1

Anjam ŋambile unu qaji a nami soqnej. Iga Anjam deqa mare mare laqnum. Anjam di iga quoqnem. Gago ŋamdamu na unoqnem. Gago baŋ na dego ojoqnem.