2 Korin 3:2 - Yesus Aqa Anjam Bole

² Niŋgi segi gago kumbra qalie. Deqa niŋgi segi neŋgreŋ bulosib gago kumbra qa tamo naŋgi minjreqnub. Neŋgreŋ di gago are miligiq di unu. Deqa tamo kalil naŋgi neŋgreŋ di sisiyosib poinjreqnu.

2 Korin 3:2 ပူးပေါင်းရင်းမြစ်များ

Rom 1:8

Mati e niŋgi anjam endegsi merŋgwai. Niŋgi Yesus Kristus qa nuŋgo areqalo siŋgilatejunub deqa tamo uŋgasari naŋgi niŋgi qa saosib laqnabqa sawa sawa kalilq dia tamo naŋgi queqnub. E deqa are qaloqnsim deqa Yesus Kristus aqa ñam na ijo Qotei biŋiyeqnum.

1 Korin 3:10

Qotei a e qa are boleiyosiq wau ebej deqa e tal gereiyo qaji tamo bulosim e tal gereiyqajqa qalie bole. Deqa e tal aqa utru atem. Ariya bini tamo qudei naŋgi kamba olo tal aqa ai gogeq di tal ateqnub. Ariya e na tamo kalil naŋgi endegsi minjreqnum, “Niŋgi tal ateqnub deqa niŋgi geregere atoqniye.”

2 Korin 11:11

E kiyaqa ijo segi ñam soqteqnum? E niŋgi qalaqalaiŋgosaieqnum deqa kio e ijo segi ñam soqteqnum? Deqa sai. Qotei a qalieqo, e niŋgi tulaŋ qalaqalaiŋgeqnum.

2 Korin 12:15

E na ijo iŋgi iŋgi kalil ti ijo jejamu dego niŋgi torei eŋgwajqa areboleboleibqo. E niŋgi tulaŋ qalaqalaiŋgeqnum. Ariya kiyaqa niŋgi kamba olo e kiñala segi qalaqalaibeqnub?

2 Korin 3:1

Iga gago segi ñam olo soqteqnum e? Sai. Tamo qudei naŋgi kumbra endegyeqnub. Naŋgi tamo bei minjib a naŋgi qa anjam endegsi neŋgreŋyqas, “Naŋgi tamo bole.” Yim niŋgi anjam di sisiyosib naŋgo ñam soqtetnjrqajqa deqa. O naŋgi niŋgi merŋgib niŋgi naŋgi qa anjam endegsib neŋgreŋyqab, “Naŋgi tamo bole.” Yim tamo qudei naŋgi anjam di sisiyosib naŋgo ñam soqtetnjrqajqa deqa. Tamo qudei naŋgi kumbra degyeqnub. Ariya iga kumbra degyosaieqnum.

2 Korin 7:3

E nuŋgo jejamuq di une qametŋgwa osim deqa anjam endi merŋgosai. Agi e maronum, iga niŋgi tulaŋ qalaqalaiŋgeqnum. Deqa iga moiqom kio iga ŋambile sqom kio di uŋgum. Iga gago are miligi waqtosim niŋgi qalaqalaiŋgoqnsim sqom.

Filipai 1:7

Niŋgi ijo are miligiq di unub deqa e kere niŋgi qa degsim are qaleqnum. E tonto talq endi sqai kio e Kristus aqa anjam bole siŋgilatoqnsiy laqnqai kio di uŋgum. Qotei a e qa are tulaŋ boleiyosiq wau ebej deqa niŋgi kalil e beterbosib e ti koba na Qotei aqa wau ojeqnum.

1 Tesalonaika 1:8

Agi niŋgi Tamo Koba Kristus aqa anjam marsib laqnab anjam di gilsiq Masedonia sawa ti Akaia sawa ti dia brantej. Sawa dia segi sai. Sawa sawa kalilq dia dego niŋgi Qotei qa nuŋgo areqalo siŋgilateqnub anjam di tamo uŋgasari naŋgi quekriteb. Deqa uŋgum, iga olo aitentosim naŋgi minjrqasai.