2 Korin 3:17 - Yesus Aqa Anjam Bole

¹⁷ Tamo Koba Yesus a segi Qotei aqa Mondor Bole. Tamo bei a Tamo Koba Yesus aqa Mondor ti sqas di aqa une na a olo ojqa keresai. A bole sqas.

2 Korin 3:17 ပူးပေါင်းရင်းမြစ်များ

Jon 6:63

Qotei aqa Mondor a segi na tamo uŋgasari naŋgi ŋambile enjreqnu. Nuŋgo segi jejamu na niŋgi aqaryaiŋwa keresai. Ijo anjam kalil e na merŋgeqnum qaji di Mondor aqa anjam. Anjam dena niŋgi ŋambile oqab.

Jon 8:32

Deqa niŋgi anjam bole geregere qalieqab. Yimqa anjam bole dena niŋgi aqaryaiŋgimqa une bei na niŋgi ojqa keresai.”

Rom 8:2

Di kiyaqa? Niŋgi segi segi Kristus Yesus aqa tamo deqa. Qotei aqa Mondor Bole iga ŋambile egej qaji a na niŋgi aqaryaiŋgej deqa une ti moio ti na niŋgi olo taqatŋgwa keresai. Qotei aqa Mondor a segi na niŋgi taqatŋgeqnu.

1 Korin 15:45

Agi Qotei aqa anjam bei nami endegsib neŋgreŋyeb unu, “Adam namij a mandam qaji ŋambile osi soqnej.” Ariya Adam bunuj a bunuqna bosiqa a segi Mondor ti sosiqa tamo uŋgasari naŋgi laŋ qaji ŋambile enjrej. Adam bunuj di Kristus.

2 Korin 3:18

Deqa gago ulatamu olo kabuesosai. Iga kalil Tamo Koba Qotei aqa riaŋ di ya jeqiloq di unobuleqnam riaŋ di gagoq di tulaŋ kobaqujaeqnaqa dena iga Qotei a segi buloqnsim unum. Tamo Koba Yesus a na kumbra di iga egeqnu. Tamo Koba a segi Qotei aqa Mondor Bole.

2 Korin 3:6

Gago wau agiende. Iga Kristus aqa anjam bunuj aqa leŋ na siŋgilatej qaji di palontosim laqnum. Qotei a segi na iga siŋgilatgeqnu deqa iga wau di ojeqnum. Kristus aqa anjam bunuj di a dal anjamq di neŋgreŋyosai. Anjam bunuj di Qotei aqa Mondor Bole aqa segi anjam. Tamo naŋgi dal anjam dauryqa marqab di naŋgi moreŋqab. Ariya tamo naŋgi Qotei aqa Mondor dauryqab di a na naŋgi ŋambile enjrqas.

Galesia 4:6

Deqa bini niŋgi Qotei aqa aŋgro tiŋtiŋ unub. Agi a na aqa Ŋiri aqa Mondor qariŋyonaqa a gago are miligiq aiej. Aiej deqa iga Qotei metoqnsim endegsi minjeqnum, “O ni gago Abu.”

Galesia 5:1

Kristus a na iga eleŋej deqa dal anjam na iga olo bunu taqatgwasai. Deqa niŋgi siŋgila na tigelosib tamo qudei naŋgi na niŋgi olo osib dal anjam aqa sorgomq di atqa laqnib saidnjroqniye.

Galesia 5:13

O was qu, Kristus a na niŋgi eleŋej deqa dal anjam na niŋgi olo bunu taqatŋgwasai. Qotei a deqa are qalsiq niŋgi metŋgej. Ariya niŋgi endegsib are qalaib, “Iga dal anjam aqa sorgomq di sosai deqa uŋgum, iga olo gago areqalo namij dauryosim kumbra uge uge yoqnqom.” Niŋgi degsib are qalaib. Niŋgi nuŋgo Kristen was naŋgo kaŋgal tamo bul sosib naŋgi qalaqalainjroqniye.

2 Timoti 1:7

Ni qalie, Qotei a na iga ulaqajqa deqa aqa Mondor iga egosai. A na iga siŋgilatgwajqa deqa aqa Mondor egej. Mondor dena gago areqalo tigeltetgeqnaqa iga tamo naŋgi qalaqalainjroqnsimqa gago so ti gago walwel ti geregere taqateqnum.