2 Korin 2:3 - Yesus Aqa Anjam Bole

³ Deqa e niŋgi qa olo bosiy are gulube oqa uratonum. Utru deqa e nami anjam bei di neŋgreŋyosim niŋgi qa qariŋyem. O was qu, e qalieonum, e iŋgi bei qa areboleboleibqas di niŋgi kalil dego e ti koba na areboleboleigwas.

2 Korin 2:3 ပူးပေါင်းရင်းမြစ်များ

1 Korin 4:21

Nuŋgo areqalo kie? E niŋgi qa bosiy ŋiriŋtŋgsiy tingitŋgwai kio e bosiy niŋgi qalaqalaiŋgosiy lawo na gereiŋgwai kio? Niŋgi segi mariye.

2 Korin 1:15

E niŋgi qa ijo areqalo siŋgilatosim endegsi maronum, niŋgi ijo kumbra kalil qa areboleboleiŋgwas. Utru deqa e nami anjam endegsi qosem, e mati niŋgi qa bosiy nuŋgsiy olo niŋgi uratŋgsiy Masedonia sawaq gilsiy dena puluosiy bosiy niŋgi olo nuŋgwai. Deqa bati aiyel e niŋgi nuŋgwajqa are qalem. Yim ijo kumbra dena Qotei na niŋgi gereiŋgoaiyeltŋgwajqa deqa. E niŋgi olo uratŋgsiy Judia sawaq aiqa laqnitqa niŋgi silali qa aqaryaibibqa e gamq dia iŋgi bei qa truquaim deqa are qalem.

2 Korin 1:23

O was qu, Qotei na ijo anjam siŋgilateqnu deqa e aqa ñam na bole maronum, e niŋgi gulube eŋgaim deqa e olo Korin qureq bosai.

2 Korin 12:11

Anjam e mareqnum endi nanari anjam. Di nuŋgo une. Agi niŋgi na ijo areqalo tigeltetbeqnub deqa e nanari anjam endi mareqnum. Niŋgi ijo kumbra bole qa marqa kere. Ariya niŋgi marqa urateqnub. Deqa e segi ijo kumbra bole qa mareqnum. Bole, e tamo bolesai. Ariya niŋgi na olo tamo qudei naŋgo ñam soqtoqnsib mareqnub, “Tamo naŋgi di Qotei aqa wau tamo bolequja.” Ariya tamo naŋgi dena e buŋbosai.

2 Korin 12:21

E olo niŋgi qa bosiy nuŋgo ambleq di tamo gargekoba nami une yoqneb qaji naŋgi are bulyosaiunub degsi unqai kio? Degsi unqai di ijo Qotei a nuŋgo ŋamgalaq di e jemai ebqas. Tamo naŋgi di naŋgo une nami yoqneb qaji agiende. Naŋgi kumbra uge jiga ti yoqneb. Naŋgi sambala kumbra yoqneb. Naŋgi kumbra uge yqajqa are prugnjroqnej. E niŋgi qa bosiy tamo naŋgi di naŋgo une olo qoreiyosai degsi unqai di e naŋgi qa are gulubeibqas. E deqa ulaeqnum.

2 Korin 13:10

Tamo Koba Qotei a na e siŋgila ebej deqa e aqa wau taqateqnum. E isaq endi sosim anjam neŋgreŋyonum. Di kiyaqa? E niŋgi qa bosiy e nuŋgo kumbra tingitetŋgwa osiy e anjam siŋgila na merŋgwasai. Tamo Koba Qotei na e niŋgi siŋgilatŋgwajqa deqa wau ebej. E niŋgi ugetŋgwajqa deqa wau ebosai.

2 Korin 2:9

Niŋgi ijo anjam kalil quoqnsib dauryeqnub kio sai kio di e qalieqajqa deqa e nami anjam di neŋgreŋyosim niŋgi qa qariŋyem.

2 Korin 7:12

O was qu, e nami anjam neŋgreŋyosim niŋgi qa qariŋyem. Niŋgi na tamo une atej qaji aqa une gereiyetqajqa e deqa are qalsim anjam di neŋgreŋyosai. Tamo agi tamo dena une yej qaji a qa dego are qalsim anjam di neŋgreŋyosai. Niŋgi na iga tulaŋ qalaqalaigeqnub nuŋgo kumbra di Qotei a unsim boleq atim niŋgi qalieqajqa deqa e anjam di neŋgreŋyem.

2 Korin 7:16

E niŋgi qa qalieonum, niŋgi kumbra bole yoqnsib sqab. Deqa e niŋgi qa tulaŋ areboleboleibeqnu.

2 Korin 7:6

Ariya Qotei a na gaigai tamo uŋgasari are gulubeinjreqnu qaji naŋgo are olo latetnjreqnu. Deqa a na Taitus qariŋyonaqa a iga qa bonaqa iga a unsimqa dena gago are olo laej.

2 Korin 7:8

E qalieonum, anjam e nami neŋgreŋyem qaji di niŋgi sisiyosib dena niŋgi are gulubeiŋgej. Ariya e deqa are ugeibosai. Bole, nami e are ugeibej. Ariya bini sai. E qalieonum, anjam e neŋgreŋyem qaji dena niŋgi are gulubeiŋgonaqa jemaiŋgej. Ariya sokiñalayonaq nuŋgo are gulube di olo koboej.

2 Korin 8:22

Ariya iga olo gago Kristen was bei dego qariŋyonam a Taitus wo was de wo naŋgi aiyel daurnjrsiq koba na niŋgi qa gileb. Was bei di agi iga nami bati gargekoba aqa kumbra tenemtoqnem. A Qotei aqa wau ojqajqa tulaŋ siŋgilaoqnej iga degsi unoqnem. A niŋgi qa qalieosiq deqa mareqnu, “Korin Kristen naŋgi kumbra bole yqab.” A degsi mareqnu deqa bini a silali koroiyqajqa wau endi ojqajqa tulaŋ siŋgilaeqnu.

Galesia 5:10

Ariya e niŋgi qa ijo areqalo siŋgilatosim endegsi maronum, Tamo Koba Qotei na niŋgi aqaryaiŋgimqa niŋgi ijo areqalo dauryosib areqalo uge uge di olo uratoqnqab. Tamo yai naŋgi na nuŋgo areqalo niñaqyetŋgwa waueqnub di e qaliesai. Ariya uŋgum, tamo naŋgi di naŋgo une deqa awai ugedamu oqab.

2 Tesalonaika 3:4

Iga qalie, anjam kalil iga nami niŋgi merŋgoqnem qaji di niŋgi dauryoqnsib unub. Agi bunuqna dego niŋgi dauryoqnsib sqab. Tamo Koba Yesus na iga degsi mergonaq iga qalieem.

Filemon 1:21

E qalieonum. Ni ijo anjam endi sisiyosim dauryosim Onesimus gereiyqam. Osim ijo anjam endi buŋyosim olo Onesimus kumbra tulaŋ boledamu yqam. Utru deqa e anjam endi neŋgreŋyosim ni qa qariŋyonum.