2 Korin 2:13 - Yesus Aqa Anjam Bole

¹³ Ariya e dia ijo was Taitus itosai deqa e a qa are koba qaloqnem. Deqa e Troas tamo uŋgasari naŋgi olo uratnjrsim Masedonia sawaq gilem.

2 Korin 2:13 ပူးပေါင်းရင်းမြစ်များ

Mak 6:46

Onaqa Yesus aqa aŋgro naŋgi namoosib gileqnabqa Yesus a na tamo uŋgasari naŋgi minjrnaq jaraieqnabqa a segi Qotei pailyqa marsiq manaq oqej.

Aposel 21:6

Pailyo koboonaqa iga naŋgi baŋ ojsimqa minjrem, “Niŋgi bole soqniye.” Onaqa naŋgi na iga mergeb, “Niŋgi aiiye.” Degsi mergonab iga qobuŋ gogeteqnamqa naŋgi olo puluosib naŋgo qureq gileb.

Rom 15:26

Qotei aqa tamo uŋgasari Masedonia sawa ti Akaia sawa ti di unub qaji naŋgi na Kristen tamo uŋgasari Jerusalem dia iŋgi iŋgi qa truqueqnub qaji naŋgi aqaryainjrqa marsib silali koroiyeb unu.

2 Korin 12:18

E na Taitus minjnam a niŋgi qa gilej. E Kristen was bei di dego qariŋyonam a Taitus dauryosiq ombla na gileb. Gilsib Taitus a niŋgi gisaŋgosiq nuŋgo iŋgi iŋgi qudei bajiŋej e? Sai. Aqo Taitus wo areqalo qujai ti sosim gam qujai dauryosim kumbra bole segi yoqnem.

2 Korin 7:13

Nuŋgo kumbra dena gago are tulaŋ laejunu. Gago are laejunu deqa iga areboleboleigwo. Ariya niŋgi na Taitus aqa are gulube kobotetosib are boleteteb deqa iga olo tulaŋ areboleboleigwo.

2 Korin 7:14

Nuŋgo kumbra boledamu deqa e nami Taitus saiyosim nuŋgo ñam soqtem. E ijo anjam deqa jemaibosai. Gago anjam kalil nami iga niŋgi merŋgoqnem qaji di bole. Dego kere bini Taitus a qalieqo, anjam iga niŋgi qa saiyosim minjem qaji di dego bole.

2 Korin 8:16

Ariya e Qotei biŋiyeqnum. Di kiyaqa? A na Taitus are pruqtetej deqa a iga ti are qujaitosiqa a dego niŋgi aqaryaiŋgwajqa siŋgilaej.

2 Korin 8:23

Niŋgi Taitus qalie. Aqo Taitus wo ombla niŋgi aqaryaiŋgwajqa wau qujai. Gago Kristen was aiyel naŋgi di Kristen tamo uŋgasari qure qure kalilq di unub qaji naŋgi qa wau bole yeqnub. Naŋgo wau dena naŋgi Kristus aqa ñam tulaŋ soqteqnub.

2 Korin 8:6

Nami Taitus a silali koroiyqajqa wau di nuŋgo ambleq di tigeltonaqa Qotei a niŋgi qa are tulaŋ boleiyosiq aqaryaiŋgej. Deqa iga na olo Taitus siŋgila na minjem, “Ni Korin naŋgoq gilsim wau di kobotime.”

Galesia 2:1

Ariya wausau 14 koboonaqa e olo Jerusalem aiem. E Barnabas ombla aioqnsim Taitus dego osi aiem.

Galesia 2:3

Bati deqa Taitus a e ombla soqnej. Taitus a Grik qaji tamo. Ariya Kristen gate naŋgi e na Taitus osiy muluŋ waiyqa merbosai.

2 Timoti 4:10

Ni que. Demas a mandam endeqa kumbra qa tulaŋ areareteqnu. Deqa a na e uratbosiqa Tesalonaika qureq gilej. Ariya Kresens a Galesia sawaq gilej. Taitus a Dalmesia sawaq gilej.

Taitus 1:4

O Taitus, e na anjam endi neŋgreŋyosim ni qa qariŋyonum. Aqo ombla Kristen tamo kalil naŋgi ti gago areqalo qujai. Agi iga kalil Yesus qa gago areqalo siŋgilateqnum. Deqa ni ijo aŋgro bole bul. Gago Abu Qotei naŋgi Kristus Yesus agi iga eleŋej qaji wo naŋgi aiyel ni qa are boleinjrimqa ni lawo na soqnime.