2 Korin 13:13 - Yesus Aqa Anjam Bole

^13-14 Tamo Koba Yesus Kristus a niŋgi qa are boleiyeme. Qotei a na niŋgi qalaqalaiŋgoqneme. Qotei aqa Mondor Bole a na niŋgi kalil aqaryaiŋgimqa niŋgi koba na are qujaitosib geregere soqniye.

2 Korin 13:13 ပူးပေါင်းရင်းမြစ်များ

Matyu 5:47

Niŋgi nuŋgo was naŋgi segi gereinjroqnqab di kumbra tulaŋ bolesai. Nuŋgo kumbra dena niŋgi tamo qudei naŋgi buŋnjrqasai. Tamo naŋgi Qotei qaliesai qaji naŋgi dego naŋgo segi was naŋgi gereinjreqnub.

Rom 16:16

Ariya niŋgi na nuŋgo Kristen was kalil naŋgi segi segi kundoqnjriye. Kumbra di agi Qotei aqa tamo uŋgasari kalil naŋgi yeqnub. Ariya Kristus aqa tamo uŋgasari qure qure kalilq di unub qaji naŋgi na kamba dego niŋgi kaiyeiŋgonub.

Hibru 13:24

Niŋgi na ijo kaiye anjam endi osib Kristen gate kalil naŋgi ti Qotei aqa tamo uŋgasari kalil naŋgi ti minjriye. Itali tamo qudei bosib endia unub qaji naŋgi na dego niŋgi kaiyeiŋgonub.

1 Pita 5:13

Kristen was qu Babilon qureq dia Qotei qa loueqnub qaji naŋgi na niŋgi kaiyeiŋgonub. Agi naŋgi ti niŋgi ti Qotei na giltŋgej. Ariya Mak a dego niŋgi kaiyeiŋgwo. Mak a ijo aŋgro bul.

2 Jon 1:13

Ino jaja agi Qotei na giltej qaji aqa aŋgro naŋgi na ni kaiyeimonub.

3 Jon 1:14

Sokiñala e ni qa bosiy ni numsiy aqo aiyel ombla anjam marqom.