2 Korin 13:11 - Yesus Aqa Anjam Bole

¹¹ Ariya was qu, e ijo anjam getentqai. Niŋgi kalil kaiye. Niŋgi torei Kristen tamo uŋgasari boledamu sqajqa siŋgilaoqniye. Niŋgi ijo anjam quoqnsib dauryoqniye. Niŋgi kalil areqalo qujaitosib soqniye. Yim Qotei a niŋgi ti sqas. Agi a na niŋgi tulaŋ qalaqalaiŋgoqnsiq lawo kumbra eŋgeqnu.

2 Korin 13:11 ပူးပေါင်းရင်းမြစ်များ

Matyu 1:23

“Niŋgi quiye. Bunuqna duŋgeŋge bei a tamo ombla ŋereŋosaisosimqa a gumaŋosim aŋgro mel oqas. Amqa naŋgi aqa ñam Emanuel waiyqab.” Ñam di aqa damu, “Qotei a iga koba na unum.”

Matyu 5:48

Nuŋgo Abu laŋ qureq di unu qaji a gaigai kumbra bole tiŋtiŋ keretsiq yeqnu dego kere niŋgi nuŋgo Abu aqa kumbra di dauryosib kumbra bole tiŋtiŋ keretsib yoqniye.”

Mak 10:49

Onaqa Yesus a tigelosiqa tamo uŋgasari naŋgi minjrej, “Tamo di metibqa ijo areq beme.” Onaqa naŋgi na tamo ŋamdamu geteŋo di metosib minjeb, “Ni are siŋgilat. Ni tigel. Yesus a ni metmeqnu.”

Mak 9:50

“Bar a bole. A qajarara koba. Ariya bar aqa qajarara koboqas di iŋgi kie na olo qajararatqas? Di keresai. Dego kere niŋgi bar bul sosibqa nuŋgo was naŋgi koba na geregere lawo na laqniye.”

Luk 9:61

Onaqa tamo bei na Yesus minjej, “O Tamo Koba, ni marimqa e mati gilsiya ijo was naŋgi baŋ ojeleŋosiy bosiy ni daurmqai.”

Jon 17:23

E ijo segi tamo uŋgasari naŋgoq di unum. Ni ijoq di unum. Kumbra dena naŋgi kalil dego aqo aiyel koba na are qujaitosib sqab. Soqnibqa mandam endeqa tamo uŋgasari naŋgi na unjrsibqa qalieqab, ni na e qariŋbonam bem. Osib qalieqab, ni na e tulaŋ qalaqalaibeqnum dego kere ijo segi tamo uŋgasari naŋgi dego ni na tulaŋ qalaqalainjreqnum.

Aposel 15:29

Niŋgi na qotei gisaŋ atrainjro qaji iŋgi bei uyaib. Wagme leŋ ti uyaib. Wagme sil na kakoro tontnjrnab moreŋeb qaji di uyaib. Sambala kumbra dego yaib. Niŋgi kumbra di segi dauryqab di niŋgi geregere sqab. Koboqo.” Yesus aqa tamo uŋgasari Jerusalem qureq di soqneb qaji naŋgi na anjam degsib neŋgreŋyeb.

Aposel 23:30

Ariya bati bei e anjam endegsi quem, ‘Juda tamo qudei naŋgi anjam endegsib qosisib maronub, “Iga gamq dia tariŋonamqa qaja tamo naŋgo gate koba a na Pol osi aioqnimqa iga na qalsim moiotqom.” ’ E anjam di qusim deqa agi Pol qariŋyonum ni qa bqo. Ariya e na tamo naŋgi Pol aqa jejamuq di anjam qameteqnub qaji naŋgi endegsi minjronum, ‘Niŋgi segi Sisaria qureq aisib Feliks aqa ulatamuq dia tigelosib Pol aqa une geregere minjib a quqwas.’”

Rom 12:16

Niŋgi segi segi kalil areqalo qujaitosib soqniye. Niŋgi nuŋgo segi ñam soqtqa are qalaib. Niŋgi tamo laŋaj naŋgi koba na laqajqa areboleboleiŋgem. Niŋgi nuŋgo segi ñam soqtosib endegsib maraib, “Iga segi qalie koba ti unum.” Niŋgi degaib.

Rom 12:18

Niŋgi ŋiriŋ ti qoto ti uratiye. Gam soqnimqa niŋgi gaigai tamo kalil naŋgi koba na are qujaitosib soqniye.

Rom 14:19

Deqa iga kalil lawo na sqajqa ti gago Kristen was naŋgo are siŋgilatetnjrqajqa ti deqa are qaloqnsim wauoqnqom.

Rom 15:13

O was qu, Qotei a nami iŋgi bole bole di iga egwajqa marej deqa iga bini tariŋoqnsim unum. Niŋgi a qa nuŋgo areqalo siŋgilateqnub deqa a na nuŋgo are boletetŋgimqa niŋgi tulaŋ areboleboleiŋgim lawo na sqab. Yim Qotei aqa Mondor na niŋgi siŋgilatŋgimqa niŋgi iŋgi bole bole a na eŋgwa marej qaji deqa tariŋoqnsib sqab.

Rom 15:33

Qotei a na iga so bole ti lawo kumbra ti egeqnu. A niŋgi kalil koba na soqnebe. Bole.

Rom 16:20

Qotei a na iga so bole ti lawo kumbra ti egeqnu. Sokiñala a na Satan ojsim osi bosim nuŋgo siŋgaq di atim niŋgi na sosqab. Gago Tamo Koba Yesus a niŋgi qa are boleiyeme.

1 Korin 1:10

Ariya was qu, e gago Tamo Koba Yesus Kristus aqa ñam na niŋgi siŋgila na endegsi merŋgwai. Niŋgi kalil areqalo qujaitosib anjam qujai maroqniye. Niŋgi anjam bei bei qa ŋiriŋosib pupoaib. Niŋgi areqalo qujai ti sosib koba na geregere soqniye.

2 Korin 1:4

Deqa a gago gulube kalil qa gago are latetgeqnu. Yeqnaqa aqa kumbra dena iga na olo kamba tamo uŋgasari gulube ti unub qaji naŋgo are latetnjreqnum.

2 Korin 13:9

Deqa iga siŋgila saiqoji soqnim niŋgi siŋgila ti sqab di iga areboleboleigwas. Iga gaigai niŋgi qa endegsi Qotei pailyeqnum, “O Abu, ni na Korin Kristen naŋgi siŋgilatnjrimqa naŋgi torei siŋgila na sqab.”

Efesus 4:12

Iga Qotei aqa segi tamo uŋgasari unum deqa Kristus a na iga aqaryaigimqa iga aqa wau geregere ojqajqa deqa are qalsiq wau segi segi egeqnu. Kristus aqa segi tamo uŋgasari naŋgi aqa jejamu qujai unub deqa iga naŋgi qa wauetnjroqnqom. Yimqa gago wau dena naŋgi siŋgila oqnsib so bole sqab.

Efesus 4:3

Osib niŋgi nuŋgo Kristen was kalil naŋgi koba na are qujaitosib lawo na sqajqa siŋgilaoqniye. Kumbra di agi Qotei aqa Mondor na iga osorgeqnu.

Efesus 6:23

O Kristen was qu kalil, Abu Qotei wo Tamo Koba Yesus Kristus wo naŋgi aiyel na nuŋgo are latetŋgebe. Osib niŋgi aqaryaiŋgibqa niŋgi naŋgi aiyel qa nuŋgo areqalo siŋgilatoqnsib qalaqalaiyo kumbra dauryoqniye.

Filipai 1:27

Ijo anjam kobaquja bei agiende. Niŋgi Kristus aqa anjam bole di geregere dauryosib walweloqniye. Yim e olo niŋgi qa bosiy nuŋgwai kio endi sosiy niŋgi qa anjam laŋa quqwai kio di uŋgum, e qalieqai, niŋgi siŋgila na tigeloqnsib areqalo qujai na wauoqnsib tamo uŋgasari naŋgo are tigeltetnjreqnabqa naŋgi Kristus aqa anjam bole quoqnsib naŋgo areqaloq di siŋgilateqnub.

Filipai 3:16

Ariya kumbra bole iga ojsim dauryeqnum qaji di iga siŋgila na ojesqom.

Filipai 4:2

Ariya Yuodia wo Sintike wo, niŋgi aiyel quiye. Niŋgi Tamo Koba Yesus beteryejunub deqa niŋgi aiyel are qujaitosib geregere soqniye.

Filipai 4:4

O was qu, niŋgi bati gaigai Tamo Koba Yesus qa areboleboleiŋgoqneme. E olo merŋgwai. Niŋgi a qa tulaŋ areboleboleiŋgoqneme.

Filipai 4:9

Qotei aqa anjam kalil e nami niŋgi merŋgeqnam quoqneb qaji di niŋgi dauryosib soqniye. Ijo kumbra kalil e nami nuŋgo ambleq di yeqnam niŋgi unoqneb qaji di dego niŋgi dauryosib soqniye. Yimqa Qotei a niŋgi ti sqas. Agi Qotei a lawo kumbra qa utru.

1 Tesalonaika 3:10

Iga qanam ti qolo ti endegsi Qotei pailyeqnum, “O Abu, ni na iga odgimqa iga Tesalonaika Kristen naŋgi qa gilsim unjrqom. Unjrsim naŋgo areqalo Yesus qa siŋgilateqnub qaji di truquinjrimqa iga na olo siŋgilatetnjrqom.” Iga degsim Qotei pailyeqnum.

1 Tesalonaika 4:1

O was qu, kumbra bole kalil Qotei a tulaŋ areareteqnu qaji di iga nami niŋgi osorŋgoqnem agi niŋgi dauryeqnub. Ariya bini iga nuŋgo are miligi siŋgilatetŋgosim Tamo Koba Yesus aqa ñam na endegsi merŋgwom. Niŋgi kumbra di olo torei siŋgilatosib yoqniye.

1 Tesalonaika 4:18

Deqa niŋgi na anjam di Qotei aqa tamo uŋgasari naŋgi minjroqnsibqa dena naŋgo are siŋgilatetnjroqniye.

1 Tesalonaika 5:13

Naŋgi wau di yeqnub deqa niŋgi naŋgi qa are boleiŋgoqnim naŋgi qalaqalainjroqniye. Osib niŋgi kalil koba na are qujaitosib soqniye.

1 Tesalonaika 5:16

Osib niŋgi gaigai areboleboleiŋgim soqniye.

1 Tesalonaika 5:23

Qotei a are lawo qa utru. A na nuŋgo areqalo tigeltetŋgimqa niŋgi nuŋgo segi jejamu osib a yekritosib aqa segi kumbra boleq di sosib dauryoqniye. Qotei a na nuŋgo mondor ti nuŋgo qunuŋ ti nuŋgo jejamu ti kalil taqatesoqnimqa niŋgi so bole sqab. Sosib mondoŋ gago Tamo Koba Yesus Kristus a olo bqas bati deqa niŋgi torei une saiqoji sqab.

2 Tesalonaika 2:16

Gago Tamo Koba Yesus Kristus wo gago Abu Qotei wo naŋgi aiyel na iga tulaŋ qalaqalaigeqnub. Qotei a iga qa are boleiyoqnsiq deqa a gaigai gago are boletetgeqnu. Osiqa a na iga siŋgilatgeqnu. Deqa mondoŋ a na iga boletgwajqa deqa iga tariŋoqnsim unum.

2 Tesalonaika 3:1

Ariya was qu, gago anjam qujai bei unu. Anjam agiende. Niŋgi iga qa Qotei pailyoqniye. Yimqa Qotei na iga aqaryaigimqa iga Tamo Koba Yesus aqa anjam geregere mare mare laqnqom. Yimqa aqa anjam di tulaŋ kobaosim sawa sawa kalil keretoqnimqa tamo tulaŋ gargekoba naŋgi quoqnsib Yesus aqa ñam soqtoqnqab. Nami Yesus aqa anjam nuŋgo ambleq di tulaŋ kobaej dego kere.

2 Tesalonaika 3:16

Tamo Koba Yesus a lawo kumbra qa utru. Deqa a na nuŋgo are latetŋgimqa niŋgi gaigai are lawo na soqniye. Tamo Koba Yesus a niŋgi kalil koba na soqnebe.

2 Timoti 2:22

Deqa areqalo uge uge kalil aŋgro wala naŋgo are miligiq dena branteqnu qaji di ni na qoreiye. Osim ni kumbra tiŋtiŋ yqajqa wauoqnsim Qotei qa ino areqalo siŋgilatoqnsim tamo kalil naŋgi qalaqalainjroqnsim are lawo na soqne. Ni ti tamo kalil are bole na Tamo Koba Qotei qa louoqnsib aqa ñam na pailyeqnub qaji naŋgi ti kumbra di yoqniye.

Hibru 12:14

Niŋgi tamo kalil naŋgi ti koba na geregere lawo na sqajqa wauoqniye. Ariya kumbra bei dego niŋgi dauryiye. Kumbra agiende. Niŋgi nuŋgo segi jejamu Qotei yekritosib aqa segi kumbra boleq di sosib dauryoqniye. Tamo a Qotei aqa kumbra ti sqasai di a Tamo Koba Qotei unqa keresai.

Hibru 13:20

Gago Tamo Koba Yesus a gago Mandor Koba. A na kaja du du naŋgi geregere taqatnjreqnu. Aqa kaja du du agi iga. Aqa leŋ aiej dena a na Qotei aqa anjam bunuj gaigai sqas qaji di siŋgila-tej. Deqa Qotei agi iga are lawo egeqnu qaji a na Yesus subq na olo tigeltej.

Jems 1:4

Ariya niŋgi bati gaigai siŋgila na tigeloqnsib gulube qoboiyoqniye. Yimqa nuŋgo kumbra di tulaŋ kobaoqnimqa niŋgi Qotei aqa kumbra bei qa truquqasai. Niŋgi aqa kumbra kalil qa tulaŋ kere na sqab.

1 Pita 3:11

A kumbra uge kalil torei qoreiyosim kumbra bole segi yoqneme. Osim tamo uŋgasari kalil naŋgi koba na are qujaitosib kumbra bole yoqnqajqa siŋgilaoqneme.

1 Pita 3:8

Ariya e na ijo anjam endi kobotqa osiy niŋgi endegsi merŋgwai. Niŋgi kalil koba na geregere are qujaitosib soqniye. Sosibqa tamo kalil naŋgi qa duloqnsib Qotei aqa tamo uŋgasari naŋgi dego qalaqalainjroqnsib naŋgi qa are boleiŋgoqneme. Osib nuŋgo segi ñam aguq atoqniye.

1 Pita 5:10

Qotei a bati gaigai iga qa are tulaŋ boleiyeqnu. A Kristus Yesus aqa ñam na niŋgi metŋgej deqa mondoŋ niŋgi Kristus ombla aqa riaŋ ti so bole gaigai sqab. Deqa niŋgi mandamq endia sokiñala jaqatiŋ oqnsib koboamqa Qotei a na niŋgi olo boletŋgsim siŋgilatŋgimqa niŋgi gaigai siŋgila na tigelesqab.

Uli Anjam 22:21

Tamo Koba Yesus a tamo uŋgasari kalil naŋgi qa are tulaŋ boleiyeme.