2 Korin 12:6 - Yesus Aqa Anjam Bole

⁶ Bole, e ijo segi ñam soqtqai di e nanari tamo sqasai. Di kiyaqa? E anjam bole segi marqai. Ariya e ijo segi ñam soqtqa uratonum. Di kiyaqa? Tamo naŋgi ijo areqalo dauryosib ijo ñam laŋa soqtetbo uge. Ariya naŋgi ijo kumbra unoqnsib anjam e palonteqnum qaji di quoqnsib dena ijo ñam soqtetbqab di kere.

2 Korin 12:6 ပူးပေါင်းရင်းမြစ်များ

Rom 9:1

E Kristus aqa tamo deqa e niŋgi anjam bole merŋgwai. E niŋgi gisaŋ anjam merŋgwasai. Qotei aqa Mondor na e areqalo ebeqnu deqa e qalieonum, ijo anjam endi bole.

1 Korin 3:5

Apolos di tamo yai? E Pol e segi tamo yai? Aqo aiyel Qotei aqa wau tamo segi. Agi Tamo Koba Qotei na aqo aiyel wau segi segi egej deqa iga Kristus aqa anjam niŋgi merŋgoqnem. Onaqa niŋgi quoqnsib Kristus qa nuŋgo areqalo siŋgilateb.

2 Korin 1:18

Qotei a na aqa segi anjam kalil dauryeqnu deqa e dego anjam bole segi niŋgi merŋgeqnum. Deqa e laŋa odoqnsim olo saidosaieqnum.

2 Korin 11:16

E nami maronum, e nanari anjam kiñala merŋgwai. Ariya merŋgit niŋgi qusib e nanari tamo edegaib. Niŋgi e nanari tamo edegwab di kere. Ariya niŋgi e odbibqa e ijo segi ñam olo yala soqtqai.

2 Korin 11:31

Tamo Koba Yesus aqa Abu Qotei a qalie, e anjam bole maronum. E gisaŋosai. Deqa iga bati gaigai aqa ñam soqtoqnqom.

2 Korin 12:11

Anjam e mareqnum endi nanari anjam. Di nuŋgo une. Agi niŋgi na ijo areqalo tigeltetbeqnub deqa e nanari anjam endi mareqnum. Niŋgi ijo kumbra bole qa marqa kere. Ariya niŋgi marqa urateqnub. Deqa e segi ijo kumbra bole qa mareqnum. Bole, e tamo bolesai. Ariya niŋgi na olo tamo qudei naŋgo ñam soqtoqnsib mareqnub, “Tamo naŋgi di Qotei aqa wau tamo bolequja.” Ariya tamo naŋgi dena e buŋbosai.

2 Korin 12:7

Qotei na kumbra tulaŋ boledamu e osorbej. Ariya e kumbra di unsiy deqa ijo segi ñam soqtosiy diqosiy laaim deqa Qotei na gulube tulaŋ uge sil luwit bul qariŋyonaq ijo jejamuq bej. Gulube di Satan na ojsiqa dena e ugeugeibeqnu.

2 Korin 5:13

Tamo deqaji naŋgi mareqnub, “Pol a nanari tamo.” O was qu, naŋgo anjam di boleamqa, uŋgum, iga Qotei aqa wau uratqasai. Iga ojoqnqom. Ariya iga areqalo bole ti sosim wauoqnqom dena niŋgi aqaryaiŋgwas.

2 Korin 7:14

Nuŋgo kumbra boledamu deqa e nami Taitus saiyosim nuŋgo ñam soqtem. E ijo anjam deqa jemaibosai. Gago anjam kalil nami iga niŋgi merŋgoqnem qaji di bole. Dego kere bini Taitus a qalieqo, anjam iga niŋgi qa saiyosim minjem qaji di dego bole.