2 Korin 12:12 - Yesus Aqa Anjam Bole

¹² Agi e nuŋgo ambleq di sosimqa e maŋwa gargekoba babteqnam dena niŋgi qalieeb, Qotei na e qariŋbej. Agi e siŋgila na tigeloqnsim gulube qoboiyeqnam dena maŋwa ti wau siŋgila ti gargekoba nuŋgo ambleq di brantoqnej. Kumbra dena niŋgi osorŋgej, e Qotei aqa wau tamo bole.

2 Korin 12:12 ပူးပေါင်းရင်းမြစ်များ

Jon 4:48

Onaqa Yesus na qaja tamo di minjej, “Nuŋgo segi ŋamdamu na ijo maŋwa bei unqasai di niŋgi e qa nuŋgo areqalo siŋgilatqasai.”

1 Korin 14:18

E Qotei biŋiyeqnum. Di kiyaqa? E bati gargekoba meŋ bulyoqnsim qure utru bei bei naŋgo anjam mareleŋeqnum. Ijo kumbra dena e na niŋgi tulaŋ buŋgejunum.

2 Korin 11:4

E ulaonum. Di kiyaqa? E qalieonum, tamo qudei naŋgi niŋgi qa boqnsib gisaŋgoqnsib Yesus bei qa anjam palontosib merŋgeqnub. Yesus deqa iga nami anjam palontosaioqnem. Tamo naŋgi di mondor bei qa dego niŋgi merŋgeqnub. Di gisaŋ mondor. Mondor deqa iga nami niŋgi merŋgosaioqnem. Yesus aqa anjam bole iga nami niŋgi merŋgoqnem qaji di dego tamo qudei naŋgi bulbulyoqnsib olo anjam bei niŋgi merŋgeqnub. E qalieonum, naŋgi anjam di niŋgi merŋgeqnab niŋgi quoqnsib bole edegoqnsib dauryeqnub. O was qu, niŋgi degaib.

2 Korin 11:6

E anjam marqajqa medabu gulubeibeqnu di uŋgum. E powo qa truquosaieqnum. Agi ijo kumbra kalil e nuŋgo ambleq di yoqnem qaji di niŋgi unoqnsib dena poiŋgoqnej, e powo koba ti unum.

2 Korin 4:2

Kumbra uge uge kalil tamo naŋgi ulitosib yeqnub qaji di iga qoreiyeqnum. Iga gisaŋ kumbra na walwelosaieqnum. Iga Qotei aqa anjam bulbulyo-saieqnum. Iga boleq di anjam bole segi mareqnum. Yim tamo kalil naŋgi gago kumbra di unsib naŋgo are miligiq di qalieqab, bole, iga Qotei aqa ŋamgalaq di wau bole yeqnum.