2 Korin 12:11 - Yesus Aqa Anjam Bole

¹¹ Anjam e mareqnum endi nanari anjam. Di nuŋgo une. Agi niŋgi na ijo areqalo tigeltetbeqnub deqa e nanari anjam endi mareqnum. Niŋgi ijo kumbra bole qa marqa kere. Ariya niŋgi marqa urateqnub. Deqa e segi ijo kumbra bole qa mareqnum. Bole, e tamo bolesai. Ariya niŋgi na olo tamo qudei naŋgo ñam soqtoqnsib mareqnub, “Tamo naŋgi di Qotei aqa wau tamo bolequja.” Ariya tamo naŋgi dena e buŋbosai.

2 Korin 12:11 ပူးပေါင်းရင်းမြစ်များ

Luk 17:10

Deqa niŋgi dego Qotei aqa wau tamo sosibqa wau kalil a na niŋgi eŋgoqnqas qaji di yoqniye. Yoqnsib mariye, ‘Iga wau tamo laŋaj. Deqa wau kalil Qotei na egeqnu qaji agi wau yeqnum.’”

1 Korin 13:2

E Qotei aqa medabu osiy anjam palontoqnqai kio e Qotei aqa uli anjam kalil qalieosiy utru babteleŋqai kio e qalie koba ti sqai kio e Qotei qa ijo areqalo tulaŋ siŋgilatosiy deqa mana kobaquja minjitqa a ijo anjam dauryosim tigelosim sawa beiq gilqas kio ariya e qalaqalaiyo kumbra dauryqasai di ijo kumbra kalil di Qotei aqa ŋamgalaq di kumbra bolesai.

1 Korin 3:22

E Pol ti Apolos ti Pita ti mandam ti ŋambile ti moio ti iŋgi iŋgi kalil bini unub qaji naŋgi ti iŋgi iŋgi kalil bunuqna brantqab qaji naŋgi ti di kalil nuŋgo.

2 Korin 1:6

Iga gulube eqnum di aqa utru agiende. Iga gulube oqnimqa gago gulube dena nuŋgo are latetŋgwajqa deqa. Yim Qotei na niŋgi oqas. Ariya Qotei na gago are latetgoqnimqa dena dego nuŋgo are latetŋgwajqa deqa. Qotei a nuŋgo are latetŋgeqnu deqa jaqatiŋ iga eqnum qaji di niŋgi dego oqnsib siŋgila na tigelesqab.

2 Korin 11:1

Niŋgi e odbibqa e olo nanari anjam kiñala merŋgwai. Niŋgi e odbqa kereamqa e odbiye.

2 Korin 11:5

Niŋgi are qaleb, “Tamo naŋgi di Qotei na bole qariŋnjrej.” Sai. Niŋgi quiye. Tamo naŋgi dena e buŋbosai. Tamo naŋgi di ñam ti unub ariya e dego ñam ti unum.

2 Korin 12:12

Agi e nuŋgo ambleq di sosimqa e maŋwa gargekoba babteqnam dena niŋgi qalieeb, Qotei na e qariŋbej. Agi e siŋgila na tigeloqnsim gulube qoboiyeqnam dena maŋwa ti wau siŋgila ti gargekoba nuŋgo ambleq di brantoqnej. Kumbra dena niŋgi osorŋgej, e Qotei aqa wau tamo bole.

2 Korin 12:6

Bole, e ijo segi ñam soqtqai di e nanari tamo sqasai. Di kiyaqa? E anjam bole segi marqai. Ariya e ijo segi ñam soqtqa uratonum. Di kiyaqa? Tamo naŋgi ijo areqalo dauryosib ijo ñam laŋa soqtetbo uge. Ariya naŋgi ijo kumbra unoqnsib anjam e palonteqnum qaji di quoqnsib dena ijo ñam soqtetbqab di kere.

2 Korin 3:1

Iga gago segi ñam olo soqteqnum e? Sai. Tamo qudei naŋgi kumbra endegyeqnub. Naŋgi tamo bei minjib a naŋgi qa anjam endegsi neŋgreŋyqas, “Naŋgi tamo bole.” Yim niŋgi anjam di sisiyosib naŋgo ñam soqtetnjrqajqa deqa. O naŋgi niŋgi merŋgib niŋgi naŋgi qa anjam endegsib neŋgreŋyqab, “Naŋgi tamo bole.” Yim tamo qudei naŋgi anjam di sisiyosib naŋgo ñam soqtetnjrqajqa deqa. Tamo qudei naŋgi kumbra degyeqnub. Ariya iga kumbra degyosaieqnum.

2 Korin 5:13

Tamo deqaji naŋgi mareqnub, “Pol a nanari tamo.” O was qu, naŋgo anjam di boleamqa, uŋgum, iga Qotei aqa wau uratqasai. Iga ojoqnqom. Ariya iga areqalo bole ti sosim wauoqnqom dena niŋgi aqaryaiŋgwas.

Galesia 6:3

Nuŋgo ambleq di tamo bei a marqas, “E ñam koba ti unum.” Ariya a ñam ti sosai. A ñam saiqoji deqa a na aqa segi jejamu gisaŋyqo.

Efesus 3:8

Qotei aqa tamo uŋgasari kalil naŋgi na e tulaŋ buŋbejunub. Ariya Qotei a e qa are boleiyosiq wau ebej. E na sawa bei bei qaji tamo naŋgi Kristus aqa anjam bole minjre minjre laqajqa deqa osiq e wau ebej. Anjam bole di aqa utru agiende. Kristus na iga laŋ qaji iŋgi bole bole egeqnu. Iŋgi bole bole di aqa utru iga na ubtsim marqa keresai.