2 Korin 11:9 - Yesus Aqa Anjam Bole

⁹ E nuŋgo ambleq di sosimqa e iŋgi iŋgi qa truquoqnsimqa e deqa tamo bei gulube yosaioqnem. Kristen was qudei Masedonia sawaq dena Korin qureq beleŋeb qaji naŋgi na e taqatbosib iŋgi iŋgi qa aqaryaiboqneb. E niŋgi gulube eŋgwajqa tulaŋ uratoqnem agi bini e degsim unum.

2 Korin 11:9 ပူးပေါင်းရင်းမြစ်များ

Aposel 18:3

Pol a naŋgi ti wau qujai. Deqa naŋgi koba na Korin qureq di sosibqa silali qa wauoqneb. Naŋgo silali wau agi naŋgi gara na tal gereiyoqneb.

Aposel 18:5

Onaqa bati bei Sailas wo Timoti wo naŋgi Masedonia sawa uratosib bosib Korin qureq dia Pol itosib naŋgi koba na soqneb. Deqa Pol a na aqa silali wau di uratosiqa Qotei aqa anjam segi wauoqnej. Osiqa Juda naŋgo Qotei tal miligiq giloqnsiqa naŋgi siŋgila na endegsi minjroqnej, “Yesus a bole Kristus Qotei na qariŋyej qaji.”

Aposel 20:33

“E silali qa kio gara qa kio tamo bei ŋilyosaioqnem.

Rom 15:26

Qotei aqa tamo uŋgasari Masedonia sawa ti Akaia sawa ti di unub qaji naŋgi na Kristen tamo uŋgasari Jerusalem dia iŋgi iŋgi qa truqueqnub qaji naŋgi aqaryainjrqa marsib silali koroiyeb unu.

1 Korin 16:17

Ariya Stefanas na Fortunatus na Akaikus na naŋgi qalub e qa bonub deqa e tulaŋ areboleboleibqo. Niŋgi e qa bqa keresai deqa naŋgi na kamba nuŋgo sawa osib e qa bonub.

2 Korin 6:4

Iga Qotei aqa wau tamo deqa iga gaigai tamo uŋgasari kalil naŋgo ŋamgalaq di kumbra bole yeqnum. Gulube bei bei gagoq di branteqnaqa iga siŋgila na tigeloqnsim gulube di qoboiyeqnum. Tamo qudei naŋgi na iga ugeugeigeqnab iga naŋgi qa ulaosaieqnum. Une bei bei na iga padaltgwa laqnaqa iga na olo gotraŋyeqnum.

2 Korin 9:12

Deqa wau niŋgi yeqnub qaji dena Qotei aqa tamo uŋgasari naŋgi aqaryainjrimqa naŋgi olo iŋgi qa truquqasai. Deqa naŋgi olo Qotei tulaŋ biŋiyoqnsib sqab.

Filipai 2:25

E nami endegsi are qalem, e Epafroditus dego qariŋyit niŋgi qa bqas. A gago Kristen was bole. A e ombla wau qujai. Aqo ombla qatqarosim jeu tamo naŋgi ti qoteqnum. Nami niŋgi na a qariŋyonab a e qa bosiqa aqaryaibej.

1 Tesalonaika 2:6

Iga wauoqnem di niŋgi ti tamo uŋgasari qudei ti na gago ñam soqtetgwajqa deqa iga wauosai.

1 Tesalonaika 2:9

O was qu, niŋgi qalie, iga niŋgi koba na sosim Qotei aqa anjam bole niŋgi merŋgoqnem bati deqa iga waukobaoqnem. Iga na niŋgi gulube eŋgwa uratosim deqa iga gago segi baŋ na qanam ti qolo ti tulaŋ siŋgila na wauoqnsim dena gago segi iŋgi iŋgi awaiyosim uyoqnem. Niŋgi na iga silali qa aqaryaigwajqa iga deqa merŋgosaioqnem.

Hibru 11:37

Osib tamo qudei naŋgi meniŋ na ñumsib moiotnjroqnsib olo tamo qudei naŋgi serie na giŋgeŋnjreqnab moreŋoqneb. Osib olo tamo qudei naŋgo jejamu qaja na qametnjroqneb. Tamo deqaji qudei naŋgi gara bolesai deqa naŋgi kaja naŋgo juŋgum na gara gereiysib jugoqneb. Naŋgi iŋgi iŋgi tulaŋ saiinjrej deqa naŋgi laŋa soqneb. Sonabqa jeu tamo naŋgi na naŋgi gulube enjroqnsib tulaŋ ugeugeinjroqneb.