2 Korin 11:31 - Yesus Aqa Anjam Bole

³¹ Tamo Koba Yesus aqa Abu Qotei a qalie, e anjam bole maronum. E gisaŋosai. Deqa iga bati gaigai aqa ñam soqtoqnqom.

2 Korin 11:31 ပူးပေါင်းရင်းမြစ်များ

Jon 10:30

Aqo ijo Abu wo iga tamo qujai.”

Jon 20:17

Onaqa Yesus na Maria minjej, “Ni e ojaim. Di kiyaqa? E ijo Abu aqaq oqosaiunum deqa. Ariya ni ijo was naŋgoq gilsim endegsi minjre, ‘Yesus a marqo, “E ijo Abu aqaq olo oqwai. Ijo Abu agi nuŋgo Abu dego. Ijo Qotei agi nuŋgo Qotei dego.” ’ Ni gilsim naŋgi degsi minjre.”

Rom 1:25

Tamo uŋgasari deqaji naŋgi Qotei aqa anjam bole uratoqnsib olo beloqnsib gisaŋ anjam segi dauryeqnub. Deqa naŋgi Qotei bole iŋgi iŋgi kalil gereiyej qaji a qoreiyoqnsibqa iŋgi iŋgi kalil a na gereiyej qaji naŋgi di biŋinjroqnsib naŋgo sorgomq di unub. Ariya Qotei a iŋgi iŋgi kalil qa utru deqa iga bati gaigai aqa ñam soqtoqnqom. Bole.

Rom 1:9

E ijo are miligi siŋgilatsim deqa e Qotei aqa wau ojoqnsim aqa Ŋiri aqa anjam bole palontosim laqnum. Qotei a segi qalie, bati gaigai e pailyqa oqnsim niŋgi qa are qaleqnum.

Rom 15:6

Sosib niŋgi kalil medabu qujaitosib gago Tamo Koba Yesus Kristus aqa Abu Qotei aqa ñam soqtoqniye.

Rom 9:1

E Kristus aqa tamo deqa e niŋgi anjam bole merŋgwai. E niŋgi gisaŋ anjam merŋgwasai. Qotei aqa Mondor na e areqalo ebeqnu deqa e qalieonum, ijo anjam endi bole.

Rom 9:5

Naŋgo moma utru naŋgi nami ñam koba ti soqneb. Naŋgoq dena Kristus a ŋambabej. Kristus a segi Qotei. A iŋgi iŋgi kalil naŋgo gate. Deqa iga bati gaigai aqa ñam soqtoqnqom. Bole.

2 Korin 1:23

O was qu, Qotei na ijo anjam siŋgilateqnu deqa e aqa ñam na bole maronum, e niŋgi gulube eŋgaim deqa e olo Korin qureq bosai.

2 Korin 1:3

Iga gago Tamo Koba Yesus Kristus aqa Abu Qotei aqa ñam soqtoqnqom. A gago Abu deqa a iga qa are tulaŋ boleiyeqnu. A iga qa dulqajqa utru. A tamo kalil gulube ti unub qaji naŋgo are latetnjro qaji Qotei.

2 Korin 11:11

E kiyaqa ijo segi ñam soqteqnum? E niŋgi qalaqalaiŋgosaieqnum deqa kio e ijo segi ñam soqteqnum? Deqa sai. Qotei a qalieqo, e niŋgi tulaŋ qalaqalaiŋgeqnum.

Galesia 1:20

Ijo anjam e na neŋgreŋyonum qaji endi anjam bole. E Qotei aqa ŋamgalaq di anjam bole merŋgonum. E niŋgi gisaŋgosai.

Efesus 1:3

Iga Qotei aqa ñam soqtoqnqom. A gago Tamo Koba Yesus Kristus aqa Abu Qotei. A Kristus aqa wau na laŋ qaji iŋgi bole bole iga egej. A gago qunuŋ qa are qalsiq deqa iŋgi di iga egej.

Efesus 3:14

E Abu Qotei aqa kumbra deqa are qaloqnsim deqa e siŋga pulutoqnsim a biŋiyeqnum.

Kolosi 1:3

Bati aqo Timoti wo pailyoqnsimqa iga niŋgi qa are qaloqnsim deqa iga gaigai gago Tamo Koba Yesus Kristus aqa Abu Qotei biŋiyeqnum.

1 Tesalonaika 2:5

Niŋgi qalie, iga na walawala anjam bei niŋgi merŋgosaioqnem. Osim nuŋgo iŋgi iŋgi qa maulgonaq anjam bole bei laŋa gisaŋ na niŋgi merŋgosaioqnem. Gago kumbra di Qotei a segi qalie.

1 Timoti 1:11

Qotei aqa anjam di gisaŋ sai. Di Yesus aqa anjam bole Qotei na e marsiy laqajqa ebej qaji. Anjam bole di aqa utru agiende. Qotei a riaŋ koba ti siŋgila koba ti unu. Anjam di tulaŋ boledamu. Anjam di iga areboleboleigwajqa utru.

1 Timoti 1:17

Qotei a gaigai gago Mandor Koba sqas. A moiqa keresai. Iga a unqa keresai dego. A segi Qotei bole. Deqa iga kalil bati gaigai aqa ñam soqtoqnsim a biŋiyoqnqom. Bole.

1 Timoti 6:16

A segi qujai moiosaieqnu. A suwaŋoq di unu. Aqa suwaŋ di kobaquja. Deqa iga aqa areq di brantqa keresai. Tamo bei na nami aqa ulatamu unosaioqnej. Tamo bei na a unqa keresai dego. Deqa iga kalil gaigai aqa ñam soqtoqnqom. A bati gaigai siŋgila koba ti sqas. Bole.

1 Pita 1:3

Iga gago Tamo Koba Yesus Kristus aqa Abu Qotei aqa ñam soqtoqnqom. Qotei a iga qa tulaŋ dulosiqa Yesus Kristus olo subq na tigeltej. Gam dena Qotei na iga ŋambile bunuj egej. Ŋambile bunuj dena iga siŋgilatgejunu deqa iga iŋgi bole bole Qotei na mondoŋ egwas qaji deqa tariŋoqnsim unum.