2 Korin 10:13 - Yesus Aqa Anjam Bole

¹³ Ariya iga tamo bei aqa wau qa gago segi ñam soqtqasai. Wau Qotei na egej qaji di iga olo buŋyosim tamo bei aqa wau qa gago segi ñam soqtqasai. Wau Qotei na egej qaji deqa segi gago ñam soqtqom. Wau Qotei na egej qaji agiende. Iga niŋgi Korin Kristen niŋgi qa waueqnum.

2 Korin 10:13 ပူးပေါင်းရင်းမြစ်များ

Matyu 25:15

Aqa kaŋgal tamo naŋgi wau yqa kere dego silali pupoiyosiqa segi segi enjrej. Bei 5,000 kina yej. Bei 2,000 kina yej. Bei 1,000 kina yej. Osiqa a sawa isaq gilsiq di soqnej.

Rom 10:18

Ariya e niŋgi endegsi nenemŋgwai. Israel naŋgi Kristus aqa anjam bole di nami quosai kio? Sai. Naŋgi quoqneb. Agi Qotei aqa anjam endegsi unu, “Qotei aqa anjam di gilsiq sawa sawa kalil keretonaqa tamo uŋgasari kalil naŋgi quoqneb.”

Rom 12:3

Qotei a e qa are boleiyonaq deqa wau ebej. Deqa e niŋgi segi segi endegsi merŋgwai. Niŋgi nuŋgo segi powo ti kumbra ti soqtosib nuŋgo was qudei naŋgi buŋnjrqa are qalaib. Niŋgi nuŋgo kumbra geregere tenemtosib areqalo bole ti sosib Qotei qa nuŋgo areqalo siŋgilatoqniye. Ariya a na niŋgi segi segi siŋgila eŋgej qaji di olo soqtosib nuŋgo was qudei naŋgi buŋnjraib.

Rom 12:6

Qotei a iga qa are boleiyonaq deqa iga powo segi segi egej. A na tamo qudei naŋgi aqa medabu osib anjam palontqajqa powo enjrej deqa naŋgi a qa nuŋgo areqalo siŋgilatosib aqa anjam geregere palontoqnebe.

Rom 15:20

Ariya e na tamo uŋgasari Kristus aqa ñam qaliesai qaji naŋgo sawaq dia aqa anjam bole palontqajqa are qaleqnum. Tal aqa ai utru tamo bei na tigeltej qaji dia e olo tal atqajqa are qalosaieqnum.

1 Korin 12:11

Ariya Mondor qujai dena wau kalil di tamo naŋgi enjreqnu. A aqa segi areqalo na tamo segi segi naŋgi kumbra enjreqnaqa naŋgi wau di ojeqnub.

Efesus 4:7

Kristus a na iga iŋgi tulaŋ kobaquja egej. Iŋgi agiende. Aqa wau na Qotei a iga kalil qa are tulaŋ boleiyosiq iga eleŋej.

1 Pita 4:10

Qotei a niŋgi segi segi kalil qa are tulaŋ boleiyosiq wau segi segi eŋgej. Deqa niŋgi segi segi Qotei aqa wau tamo boledamu sosibqa Qotei aqa tamo uŋgasari naŋgi qa wauoqnsib aqaryainjroqniye.