2 Korin 1:6 - Yesus Aqa Anjam Bole

⁶ Iga gulube eqnum di aqa utru agiende. Iga gulube oqnimqa gago gulube dena nuŋgo are latetŋgwajqa deqa. Yim Qotei na niŋgi oqas. Ariya Qotei na gago are latetgoqnimqa dena dego nuŋgo are latetŋgwajqa deqa. Qotei a nuŋgo are latetŋgeqnu deqa jaqatiŋ iga eqnum qaji di niŋgi dego oqnsib siŋgila na tigelesqab.

2 Korin 1:6 ပူးပေါင်းရင်းမြစ်များ

Aposel 21:5

Ariya bati 7-pela koboonaqa iga Pol ombla na qure di uratosim qobuŋ gogetqa marsim alile aiem. Kristen tamo uŋgasari naŋgo aŋgro ti naŋgi na iga suweigosib alile aisim dia iga koba na siŋga pulutosim Qotei pailyem.

Rom 8:28

Iga qalieonum, Qotei na tamo uŋgasari kalil a tulaŋ qalaqalaiyeqnub qaji naŋgi geregere taqatnjreqnu. Deqa kumbra kalil naŋgoq di branteqnu qaji dena naŋgi olo boletnjreqnu. Tamo naŋgi di Qotei na nami oqa marsiq metnjrej.

2 Korin 1:4

Deqa a gago gulube kalil qa gago are latetgeqnu. Yeqnaqa aqa kumbra dena iga na olo kamba tamo uŋgasari gulube ti unub qaji naŋgo are latetnjreqnum.

2 Korin 12:15

E na ijo iŋgi iŋgi kalil ti ijo jejamu dego niŋgi torei eŋgwajqa areboleboleibqo. E niŋgi tulaŋ qalaqalaiŋgeqnum. Ariya kiyaqa niŋgi kamba olo e kiñala segi qalaqalaibeqnub?

2 Korin 5:5

Qotei a segi na iga ŋambile di oqajqa gam gereiyetgej. Osiqa aqa Mondor Bole iga egej. Mondor di Qotei na iga namo egej deqa iga qalieonum, bunuqna iŋgi iŋgi kalil a na iga egwa marej qaji di olo egwas.

Efesus 3:1

Qotei na niŋgi kumbra tulaŋ boledamu eŋgej anjam di e marsim laqnem deqa jeu tamo naŋgi na e ojsib tonto talq endia ateb unum. E Pol. E na niŋgi sawa bei bei qaji tamo niŋgi aqaryaiŋgwa osim deqa Kristus Yesus aqa wau di ojeqnum. Utru deqa e tonto talq endi unum.

Efesus 3:13

Deqa e niŋgi endegsi merŋgwai. E niŋgi aqaryaiŋgoqnsim dena e gulube koba eqnum niŋgi deqa are koba qalaib. Niŋgi are koba qalqab di niŋgi uloŋqab. Deqa niŋgi ijo gulube deqa areboleboleiŋgem. Di kiyaqa? Ijo gulube dena niŋgi aqaryaiŋgimqa niŋgi Qotei ombla so bole gaigai sqab.

Filipai 1:19

Deqa was qu, e tulaŋ areboleboleiboqnim sqai. Di kiyaqa? E endegsi qalieonum. Niŋgi bati gaigai e qa Qotei pailyeqnub deqa Yesus Kristus aqa Mondor na e siŋgilatbeqnu. Gam dena Qotei na e aqaryaibosim tonto talq endena oqeq atim e bole sqai.

2 Timoti 2:10

Deqa e na ijo are miligi siŋgilatoqnsim gulube kalil di qoboiyoqnsim unum. E tamo uŋgasari Qotei na aqa segi qa giltnjrej qaji naŋgi aqaryainjrqajqa deqa osim gulube di qoboiyeqnum. Yimqa Qotei na naŋgi eleŋamqa naŋgi dego Kristus Yesus aqa ñam na ŋambile osib a ombla gaigai sqajqa deqa.