2 Korin 1:23 - Yesus Aqa Anjam Bole

²³ O was qu, Qotei na ijo anjam siŋgilateqnu deqa e aqa ñam na bole maronum, e niŋgi gulube eŋgaim deqa e olo Korin qureq bosai.

2 Korin 1:23 ပူးပေါင်းရင်းမြစ်များ

Aposel 18:1

Ariya bati bei Pol a Atens qure uratosiqa walwelosiq Korin qureq gilej.

Aposel 18:8

Bati deqa Qotei tal taqato tamo aqa ñam Krispus a ti tamo uŋgasari kalil a ombla tal qujaiq di soqneb qaji naŋgi ti Pol aqa anjam qusib are bulyosib Tamo Koba Yesus qa naŋgo areqalo siŋgilateb. Korin tamo uŋgasari tulaŋ gargekoba naŋgi dego Pol aqa anjam qusib Yesus qa naŋgo areqalo siŋgilatosib yanso eb.

Rom 1:9

E ijo are miligi siŋgilatsim deqa e Qotei aqa wau ojoqnsim aqa Ŋiri aqa anjam bole palontosim laqnum. Qotei a segi qalie, bati gaigai e pailyqa oqnsim niŋgi qa are qaleqnum.

Rom 9:1

E Kristus aqa tamo deqa e niŋgi anjam bole merŋgwai. E niŋgi gisaŋ anjam merŋgwasai. Qotei aqa Mondor na e areqalo ebeqnu deqa e qalieonum, ijo anjam endi bole.

1 Korin 4:21

Nuŋgo areqalo kie? E niŋgi qa bosiy ŋiriŋtŋgsiy tingitŋgwai kio e bosiy niŋgi qalaqalaiŋgosiy lawo na gereiŋgwai kio? Niŋgi segi mariye.

1 Korin 5:5

Niŋgi koroesosibqa tamo di ojsib Satan aqa baŋq di atibqa Satan na a osim aqa jejamu gulube yqas. Yim mondoŋ Tamo Koba Yesus a olo bqajqa batiamqa Qotei na tamo di aqa qunuŋ olo oqas.

2 Korin 1:1

E Pol. Kristus Yesus na e qariŋbej deqa e aqa anjam marsim laqnum. Qotei aqa segi areqalo na e merbej, “Ni ijo Aŋgro Yesus aqa wau oje.” Onaqa e Qotei aqa areqalo di dauryosim agi e Yesus aqa wau ojeqnum. Niŋgi Korin qureq dia Qotei qa loueqnub qaji. Aqo gago was Timoti wo anjam endi neŋgreŋyosim niŋgi ti Qotei aqa segi tamo uŋgasari kalil Akaia sawaq di unub qaji naŋgi qa ti qariŋyonum.

2 Korin 1:18

Qotei a na aqa segi anjam kalil dauryeqnu deqa e dego anjam bole segi niŋgi merŋgeqnum. Deqa e laŋa odoqnsim olo saidosaieqnum.

2 Korin 10:2

Ijo anjam agiende. E niŋgi qa bqai di e niŋgi qa bosiy anjam siŋgila na merŋgwasai. E laesqai. Ariya e are qalonum, nuŋgo ambleq di tamo qudei naŋgi iga qa endegsib mareqnub, iga mandam tamo naŋgo kumbra dauryosim laqnum. Naŋgi iga qa degsib mareqnub deqa e niŋgi qa bosiy tamo naŋgi di anjam siŋgila na minjrqai. E laesqasai.

2 Korin 11:10

Kristus aqa anjam bole ijoq di unu deqa e anjam bole endegsi merŋgwai, Akaia sawa kalilq dia tamo bei na e ijo kumbra deqa ijo segi ñam soqtqajqa getentbqa keresai.

2 Korin 11:11

E kiyaqa ijo segi ñam soqteqnum? E niŋgi qalaqalaiŋgosaieqnum deqa kio e ijo segi ñam soqteqnum? Deqa sai. Qotei a qalieqo, e niŋgi tulaŋ qalaqalaiŋgeqnum.

2 Korin 11:31

Tamo Koba Yesus aqa Abu Qotei a qalie, e anjam bole maronum. E gisaŋosai. Deqa iga bati gaigai aqa ñam soqtoqnqom.

2 Korin 12:20

Di kiyaqa? E niŋgi qa ulaeqnum. E niŋgi qa bosiy nuŋgo kumbra unsiy e niŋgi qa areboleboleibqas kio sai kio? Niŋgi dego ijo kumbra unsib niŋgi e qa areboleboleiŋgwas kio sai kio? E deqa ulaeqnum. E niŋgi qa bosiy nuŋgo kumbra endegsi unqai kio? Niŋgi anjam na qoteqnub. Niŋgi nuŋgo was naŋgi qa are ugeiŋgeqnu. Niŋgi minjiŋ oqeqnu. Niŋgi pupoeqnub. Niŋgi nuŋgo was qudei naŋgi misiliŋnjreqnub. Niŋgi yomueqnub. Niŋgi diqeqnub. Niŋgi Qotei aqa wau ugeugeiyeqnub. E degsi unqai kio?

2 Korin 13:10

Tamo Koba Qotei a na e siŋgila ebej deqa e aqa wau taqateqnum. E isaq endi sosim anjam neŋgreŋyonum. Di kiyaqa? E niŋgi qa bosiy e nuŋgo kumbra tingitetŋgwa osiy e anjam siŋgila na merŋgwasai. Tamo Koba Qotei na e niŋgi siŋgilatŋgwajqa deqa wau ebej. E niŋgi ugetŋgwajqa deqa wau ebosai.

2 Korin 13:2

E nami niŋgi qa bosim niŋgi uratŋgsim bati bei e olo niŋgi qa bosim tamo une atoqneb qaji naŋgi di ŋiriŋ anjam minjrem. Ariya bini e sawa isaq endi sosiy tamo une atoqneb qaji naŋgi ti niŋgi kalil ti anjam endegsi merŋgwai, “E bunuqna niŋgi qa olo bosiy tamo une atoqneb qaji naŋgi di naŋgo une tingitetnjrsiy ŋolawotnjrqai.”

2 Korin 6:6

Iga gaigai kumbra bole jiga saiqoji dauryeqnum. Iga Qotei qa qalie bole unum. Iga urur minjiŋ oqosaieqnu. Iga na tamo uŋgasari naŋgi kumbra bole enjreqnum. Iga Qotei aqa Mondor Bole aqa siŋgila oqnsim unum. Iga na tamo kalil naŋgi qalaqalaiyo kumbra osornjreqnum. Iga laŋa medabu na naŋgi qalaqalainjrosaieqnum.

Galesia 1:20

Ijo anjam e na neŋgreŋyonum qaji endi anjam bole. E Qotei aqa ŋamgalaq di anjam bole merŋgonum. E niŋgi gisaŋgosai.

Filipai 1:8

Qotei a segi qalie, Kristus Yesus a iga qa are tulaŋ boleiyeqnu aqa kumbra dena ijo are tigeltetbej deqa e niŋgi kalil qa bosiy nuŋgwajqa are koba qaleqnum.

1 Tesalonaika 2:5

Niŋgi qalie, iga na walawala anjam bei niŋgi merŋgosaioqnem. Osim nuŋgo iŋgi iŋgi qa maulgonaq anjam bole bei laŋa gisaŋ na niŋgi merŋgosaioqnem. Gago kumbra di Qotei a segi qalie.

1 Timoti 1:20

Agi Himeneus wo Aleksander wo naŋgi aiyel kumbra uge degsib yeqnub. Deqa e na naŋgi aiyel Satan aqa baŋq di atem. Yim dena naŋgi endegsib qalieqab, “Bole, iga olo Qotei misiliŋyqasai.”