2 Korin 1:17 - Yesus Aqa Anjam Bole

¹⁷ Ariya niŋgi kiersib are qaleqnub? Niŋgi endegsib are qaleqnub kio, “Pol aqa anjam di a dauryosai deqa a na iga gisaŋgej. A mandam tamo naŋgo kumbra dauryosiq deqa a anjam bei maroqnsiq olo urateqnu. A laŋa odoqnsiqa olo saideqnu.” O was qu, niŋgi e qa degsib are qalaib.

2 Korin 1:17 ပူးပေါင်းရင်းမြစ်များ

Matyu 1:19

Ariya Maria aqa gumbuluŋ Josep a endegsi quej, “Maria a gumaŋqo.” A degsi qusiq deqa a Maria uratqa marej. Ariya Josep aqa kumbra tulaŋ boledamu deqa a endegsi are qalej, “E lumu na Maria uratqai. E boleq na uratqasai. Maria a jemaiyo uge.”

Matyu 5:37

Niŋgi anjam bei marqa osibqa iŋgi bei na siŋgilataib. Od qa segi marsib said qa dego segi mariye. Niŋgi anjam bei totorysib marqab di niŋgi Satan aqa areqalo dauryqab.”

Jon 8:15

Niŋgi laŋa mandam qa kumbra na tamo naŋgi peginjreqnub. E tamo naŋgo kumbra qa peginjrosaieqnum.

2 Korin 1:12

O was qu, e ijo kumbra bei endeqa tulaŋ areboleboleibqo. Ijo are miligiq di e qalieonum, e kumbra bole tiŋtiŋ segi dauryoqnsim yeqnum. Kumbra Qotei na osorbej qaji di segi e dauryoqnsim yeqnum. E mandam tamo naŋgoq dena powo osim kumbra di yosaieqnum. Qotei a e qa are boleiyosiq kumbra di osorbej deqa e yeqnum. Deqa e tamo uŋgasari kalil naŋgo ambleq dia kumbra di yeqnum. Agi e nuŋgo ambleq di dego nami kumbra di tulaŋ koba yoqnem.

2 Korin 11:18

Tamo gargekoba naŋgi mandam endeqa kumbra dauryoqnsib naŋgo segi ñam soqteqnub. Deqa e dego kumbra di dauryosiy ijo segi ñam yala soqtqai.

Galesia 1:16

Osiqa bati a nami atej qaji di brantonaqa a na aqa Ŋiri Yesus e osorbej. Yim e na aqa anjam bole osiy giloqnsiy tamo uŋgasari sawa bei beiq di unub qaji naŋgi minjre minjre laqajqa deqa. Onaqa bati di e na tamo qudei naŋgi endegsi nenemnjrosaioqnem, “Yesus a tamo kiero?” o “E Yesus aqa anjam kiersi palontoqnqai?” Qotei a segi na e giltbej deqa e tamo qudei naŋgi degsi nenemnjrosaioqnem.

Galesia 2:2

Qotei a segi na merbej deqa e Jerusalem aiem. Ariya e Jerusalem di sosimqa e Kristen naŋgo gate naŋgi segi koba na anjam maroqnem. E sawa bei beiq dia laqnsimqa Kristus aqa anjam bole palontoqnem ijo wau di ubtsim minjrem. E tamo laŋa laŋaj naŋgi minjrosai. Di kiyaqa? Wau e nami yoqnsim agi bini yeqnum qaji di laŋa uloŋo uge.

1 Tesalonaika 2:18

Iga niŋgi qa olo bqajqa are koba unu. E Pol e segi bati gargekoba niŋgi qa olo bqajqa yeqnam Satan na gam getentetgoqnej.

Jems 5:12

O was qu, e anjam kobaquja bei unu. Anjam agiende. Niŋgi anjam bei marqa osibqa iŋgi bei na siŋgilataib. Niŋgi laŋ qure aqa ñam na anjam siŋgilataib. Niŋgi mandam aqa ñam na anjam siŋgilataib. Anjam boleamqa od qa mariye. Anjam bolesaiamqa said qa mariye. Niŋgi degyqab di Qotei na niŋgi awai uge bei eŋgwasai.