2 Korin 1:11 - Yesus Aqa Anjam Bole

¹¹ Ariya niŋgi na dego nuŋgo pail na iga aqaryaigoqniye. Yim Qotei a tamo uŋgasari gargekoba naŋgo pail quoqnsim deqa iga aqaryaigoqnqas. Yoqnim tamo uŋgasari gargekoba naŋgi Qotei aqa kumbra di unoqnsib a biŋiyoqnqab.

2 Korin 1:11 ပူးပေါင်းရင်းမြစ်များ

Aposel 12:5

Pita a tonto talq di sonaqa Yesus aqa tamo uŋgasari naŋgi siŋgila na Pita qa pailyoqneb.

2 Korin 4:15

E degsi maronum. Di kiyaqa? E qalieonum, kumbra kalil gagoq di branteqnu qaji di niŋgi aqaryaiŋgwajqa deqa. Qotei a iga qa are tulaŋ boleiyeqnu aqa kumbra di tamo uŋgasari gargekoba naŋgi qa gileqnu. Deqa tamo uŋgasari naŋgi di Qotei aqa kumbra di unsib a tulaŋ biŋiyoqnsib aqa ñam soqtoqnqab.

2 Korin 9:14

Osib qalieqab, Qotei a niŋgi qa are tulaŋ boleiyeqnu. Deqa naŋgi na niŋgi tulaŋ qalaqalaiŋgosib niŋgi qa Qotei pailyoqnqab.

Filipai 1:19

Deqa was qu, e tulaŋ areboleboleiboqnim sqai. Di kiyaqa? E endegsi qalieonum. Niŋgi bati gaigai e qa Qotei pailyeqnub deqa Yesus Kristus aqa Mondor na e siŋgilatbeqnu. Gam dena Qotei na e aqaryaibosim tonto talq endena oqeq atim e bole sqai.

Kolosi 4:3

Niŋgi iga qa dego Qotei pailyoqniye. Niŋgi endegsib pailyoqniye, “O Abu, ni na Pol aqa wau qujai naŋgi ti gam waqtetnjroqnimqa naŋgi medabu waqtoqnsib Kristus aqa anjam nami uliesoqnej qaji di marsib laqnqab.” O was qu, jeu tamo naŋgi Kristus aqa anjam di quqwa asginjreqnu deqa naŋgi e ojsib tonto talq endia waibeb unum.

1 Tesalonaika 5:25

O was qu, niŋgi iga qa pailyoqniye.

2 Tesalonaika 3:1

Ariya was qu, gago anjam qujai bei unu. Anjam agiende. Niŋgi iga qa Qotei pailyoqniye. Yimqa Qotei na iga aqaryaigimqa iga Tamo Koba Yesus aqa anjam geregere mare mare laqnqom. Yimqa aqa anjam di tulaŋ kobaosim sawa sawa kalil keretoqnimqa tamo tulaŋ gargekoba naŋgi quoqnsib Yesus aqa ñam soqtoqnqab. Nami Yesus aqa anjam nuŋgo ambleq di tulaŋ kobaej dego kere.

Filemon 1:22

Ijo anjam qujai bei agiende. E are qalonum, Qotei a nuŋgo pail qusim gam waqtetbimqa e niŋgi qa olo bqai. Deqa Filemon, ni ino talq di e ŋeiqajqa warum gereiyetbime.

Hibru 13:18

Niŋgi iga qa Qotei pailyoqniye. Iga qalieonum, iga Qotei aqa ŋamgalaq di are gulube saiqoji unum. Iga gaigai kumbra bole dauryqajqa are qaleqnum.