2 Korin 1:10 - Yesus Aqa Anjam Bole

¹⁰ O was qu, gulube dena iga moiotgwa laqnaqa Qotei na olo iga aqaryaigosiqa gulube di taqal atej. Bunuqna dego a na iga aqaryaigoqnqas. Deqa iga Qotei qa gago areqalo siŋgilatosim maronum, a na gaigai gago gulube kalil qa aqaryaigoqnqas. Yim iga bole sqom.

2 Korin 1:10 ပူးပေါင်းရင်းမြစ်များ

Aposel 26:21

Utru deqa Juda tamo kokba naŋgi na atra tal miligiq dia e nubsibqa bosib e ojeb. Osib mareb, ‘Iga Pol qalsim moiotqom.’

Rom 15:31

Yim a na e aqaryaibosim anjam gotraŋyo tamo Judia sawaq di unub qaji naŋgo baŋq dena e olo oqas. Niŋgi Qotei pailyibqa a na aqa segi tamo uŋgasari Jerusalem di unub qaji naŋgo are tigeltetnjrimqa e na naŋgi silali qa aqaryainjreqnum ijo wau deqa naŋgi tulaŋ areboleboleinjrim sqab.

2 Korin 1:9

Bole, iga are qalem, gulube dena iga moiotgwas. Agi anjam pegiyo tamo a na tamo bei minjqas, “Ni une ti deqa ni moiqam.” Dego kere iga are qalem, gulube dena iga moiotgwas. Ariya Qotei aqa areqalo agiende. Iga gulube osim dena iga poigwas, bole, iga gago segi siŋgila qa are qalqasai. Iga Qotei aqa siŋgila qa are qalqom. Agi a na qujai tamo moreŋo qaji naŋgi olo subq na tigeltnjreqnu.

2 Korin 6:9

Tamo qudei naŋgi iga ñam saiqoji qa mareqnub. Sai. Tamo gargekoba naŋgi iga qa bole qalieonub, iga Qotei aqa wau tamo bole. Iga moio tamo bulonum. Ariya iga olo ŋambile unum. Tamo qudei naŋgi na iga gulube koba egeqnub. Ariya gulube dena iga moiotgwa keresai.

1 Timoti 4:10

Qotei agi ŋambile gaigai unu qaji a na tamo uŋgasari kalil naŋgi oqajqa waueqnu. Od, a na iga tamo uŋgasari a qa gago areqalo siŋgilateqnum qaji iga bole eleŋej koboqo. Mondoŋ a na iga joqsim laŋ qureq oqwas. Iga deq oqwajqa tariŋoqnsim a qa gago areqalo siŋgilate-junum. Utru deqa iga gaigai Qotei aqa wau siŋgila na ojeqnum.

2 Timoti 4:17

Ariya Tamo Koba Yesus a segi na e taqbosiqa siŋgila ebej. Deqa e anjam pegiyo tamo aqa ulatamuq dia tigelosimqa Yesus aqa anjam bole mareqnamqa sawa bei bei qaji tamo naŋgi quoqneb. Qotei na e aqaryaibosiqa bauŋ juwaŋ naŋgo medabuq dena e osiq taqal waibej.

2 Pita 2:9

Ariya was qu, Tamo Koba Qotei a nami degsiqa tamo uge uge naŋgo une qa maroqnsiq naŋgi padaltnjroqnej. Deqa iga qalieonum, tamo naŋgi Qotei dauryeqnub qaji naŋgi gulube iteqnabqa a na olo naŋgi eleŋeqnu. Naŋgi eleŋqajqa gam di Qotei a bole qalie. Tamo uge uge naŋgo kumbra di dego Qotei a qalie. Deqa mondoŋ a na naŋgi osim naŋgo une qa peginjrsim awai uge enjrqas.