1 Timoti 6:3 - Yesus Aqa Anjam Bole

³ Iga gago Tamo Koba Yesus Kristus aqa anjam dauryqom di iga Qotei aqa kumbra geregere qalieqom. Ariya tamo qudei naŋgi Yesus aqa anjam di dauryqa uratoqnsib olo anjam bei Yesus aqa anjam ti ombla kerekereosai qaji di tamo naŋgi minjreqnub.

1 Timoti 6:3 ပူးပေါင်းရင်းမြစ်များ

Matyu 22:21

Onaqa naŋgi na minjeb, “Di Sisar aqa ulatamu.” Onaqa a na minjrej, “Deqa Sisar aqa iŋgi iŋgi a qa olo yiye. Ariya Qotei aqa iŋgi iŋgi a qa olo yiye.”

Matyu 28:20

O ijo aŋgro, anjam kalil e nami niŋgi merŋgoqnem qaji di niŋgi walwelosib tamo uŋgasari naŋgi minjroqnsib laqniye. Laqnibqa naŋgi quoqnsib dauryoqnqab. Niŋgi segi sosib wauoqnqab edegaib. E bati gaigai niŋgi koba na wauoqnsiy sqai. Degsim soqnim soqnim diŋo bati brantqas.”

Rom 16:17

O was qu, nuŋgo ambleq di tamo qudei naŋgi Qotei aqa anjam niŋgi nami qusib dauryeb qaji di gotraŋyoqnsib olo bulbulyoqnsib naŋgo kumbra dena naŋgi na Kristen tamo uŋgasari naŋgi potoaiyeltnjroqnsib uneq breinjreqnub. Deqa e niŋgi siŋgila na endegsi merŋgwai. Niŋgi tamo deqaji naŋgi qa geregere ŋam atoqniye. Osib naŋgi qoreinjroqniye.

1 Tesalonaika 4:8

Deqa tamo bei a gago anjam endi gotraŋyqas di a tamo naŋgo anjam gotraŋyosai. A Qotei agi aqa Mondor Bole niŋgi eŋgeqnu qaji aqa anjam gotraŋyqo.

1 Timoti 1:10

Qotei a tamo naŋgi sambala kumbra yeqnub qaji naŋgi qa osiq dal anjam atej. Tamo deqaji qudei naŋgi uŋa wo ŋereŋqa uratoqnsib tamo bei wo bei wo ŋereŋoqnsib sambala kumbra yeqnub. Tamo qudei naŋgi na tamo qudei bajiŋeleŋoqnsib naŋgo segi kaŋgal tamo ateqnub. Tamo qudei naŋgi gisaŋ anjam koba mareqnub. Naŋgi anjam bei siŋgilatoqnsib olo puluoqnsib gisaŋ anjam segi mareqnub. Osib kumbra uge uge gargekoba yeqnub. Qotei a tamo deqaji naŋgi qa osiq dal anjam atej. Naŋgo kumbra uge deqaji na Qotei aqa anjam jeuteqnu.

1 Timoti 1:3

E Masedonia sawaq gilqa osimqa ni endegsi mermem, “Ni Efesus qureq di soqne.” Ariya bini e anjam di olo pulutsiy ni mermqai. Ni Efesus qureq di ololo soqne. Qure dia tamo qudei naŋgi Qotei aqa anjam marqa oqnsib gisaŋ anjam bei ti turtoqnsib tamo uŋgasari naŋgi minjreqnub. Deqa ni Efesus qureq di sosimqa tamo naŋgi di siŋgila na endegsi minjre, “Niŋgi gisaŋ anjam di tamo uŋgasari naŋgi minjraib.”

1 Timoti 1:6

Tamo qudei naŋgi kumbra di dauryqa urateb deqa naŋgi tulaŋ nanarioqnsibqa anjam laŋa laŋa mareleŋeqnub.

2 Timoti 1:13

O Timoti, anjam bole kalil e nami ni mermoqnem qaji di ni geregere siŋgilatsim dauryoqne. Osim Kristus Yesus qa ino areqalo siŋgilatoqnsim a qalaqalaiyoqne. Osim kumbra dena ni na tamo uŋgasari naŋgi Qotei aqa anjam minjroqne.

2 Timoti 4:3

Ni que. Bunuqna tamo gargekoba naŋgi Qotei aqa anjam quqwa asginjroqnimqa naŋgi anjam utru bei bei quqwajqa are prugnjroqnim naŋgo segi areqalo na tamo qudei naŋgi metnjroqnib bosib gisaŋ anjam minjroqnib qusib arearetnjroqnqas.

Taitus 1:1

E Pol. E Qotei aqa wau tamo. Yesus Kristus na e qariŋbej deqa e aqa anjam marsim laqnum. Tamo uŋgasari Qotei na aqa segi qa giltnjrej qaji naŋgi aqa anjam minjroqnitqa naŋgi Yesus qa naŋgo areqalo siŋgilatqajqa deqa qariŋbej. E na naŋgi aqaryainjritqa naŋgi Qotei aqa anjam qalie boleosib aqa kumbra dauryosib sqajqa deqa ti qariŋbej. Qotei aqa anjam di gisaŋ sai. Di anjam bole.

Taitus 1:9

A Yesus aqa anjam bole iga na palonteqnum qaji di siŋgila na ojeqnu di ni unsim a gate ate. Atimqa a wau di ojsim a na kamba anjam bole kalil di palontoqnsim dena tamo uŋgasari naŋgo are tigeltetnjroqnim naŋgi dauryoqnqab. Tamo qudei naŋgi Yesus aqa anjam di gotraŋyoqnib a siŋgila na naŋgi minjroqnim naŋgi naŋgo segi une qa poinjroqnqas.

Taitus 3:8

Qotei aqa anjam di tulaŋ boledamu. Deqa iga anjam di gago areqaloq di siŋgilatqom. O Taitus, ni Qotei aqa anjam di siŋgila na palontoqnimqa tamo uŋgasari Qotei qa naŋgo areqalo siŋgilateqnub qaji naŋgi quoqnsib kumbra bole bole yoqnqab. Kumbra deqaji na tamo uŋgasari naŋgi aqaryainjreqnu. Kumbra di bolequja.