1 Timoti 5:23 - Yesus Aqa Anjam Bole

²³ Ariya ni ma ti sosim mene jaqatiŋmeqnu deqa ni bunuqna ya segi uyaim. Ni ya ti wain ti turtsim uyoqne. Yim ino mene olo boleqas.

1 Timoti 5:23 ပူးပေါင်းရင်းမြစ်များ

Aposel 18:5

Onaqa bati bei Sailas wo Timoti wo naŋgi Masedonia sawa uratosib bosib Korin qureq dia Pol itosib naŋgi koba na soqneb. Deqa Pol a na aqa silali wau di uratosiqa Qotei aqa anjam segi wauoqnej. Osiqa Juda naŋgo Qotei tal miligiq giloqnsiqa naŋgi siŋgila na endegsi minjroqnej, “Yesus a bole Kristus Qotei na qariŋyej qaji.”

Efesus 5:18

Niŋgi ya uge uyoqnsib nanarioqnaib. Kumbra dena niŋgi ugeugeiŋgwas. Deqa niŋgi Qotei aqa Mondor aqa kumbra dauryoqnibqa a na niŋgi taqatŋgesqas.

1 Timoti 3:3

A ya uyoqnsim nanarioqnaiq. A urur minjiŋ oqim qotoqnaiq. A lawo soqnem. A silali koba ti sqajqa are qaloqnaiq.

1 Timoti 3:8

Kristen naŋgo wau tamo naŋgi dego areqalo bole ti sosib wauoqnebe. Naŋgi medabu aiyeltaib. Naŋgi ya uysib nanarioqnaib. Naŋgi na tamo naŋgo silali yainjrqajqa are koba qalaib.

1 Timoti 4:4

Iga qalie, iŋgi iŋgi kalil Qotei na atej qaji di bole. Deqa iga iŋgi bei getentqasai. Iga Qotei biŋiyoqnsim iŋgi iŋgi kalil di oqnqom.

Taitus 1:7

Ni qalie, Kristen naŋgo gate naŋgi Qotei aqa wau taqateqnub. Deqa ni tamo bei a gate atqa osimqa ni aqa kumbra endeqaji unsim ate. A tamo uŋgasari naŋgo ŋamgalaq di une saiqoji unu. A aqa segi ñam soqtosiq tamo uŋgasari naŋgi siŋgila na taqatnjro-saieqnu di ni unsim a gate ate. A urur minjiŋ oqetosaieqnu. A ya uysiq nanariosaieqnu. A qoto ani tamo sai. A silali koba oqnqajqa tulaŋ arearetosaieqnu.

Taitus 2:3

Ariya ni na uŋa qeli naŋgi anjam endegsim minjroqne, “Kumbra bole kalil Qotei a areareteqnu qaji di niŋgi dauryosib soqniye. Niŋgi yomuoqnaib. Wain uyoqnsib nanarioqnaib. Niŋgi na Kristen was naŋgi kumbra bole osornjroqniye.