1 Timoti 5:14 - Yesus Aqa Anjam Bole

¹⁴ Deqa e are qalonum, uŋa qobul meli naŋgi olo tamo osib aŋgrotoqnsib naŋgo segi tal gereiyoqnqab di kere. Naŋgi degyqab di jeu tamo naŋgi na naŋgo kumbra di unoqnsib deqa naŋgi Qotei aqa ñam misiliŋyqa keresai.

1 Timoti 5:14 ပူးပေါင်းရင်းမြစ်များ

Rom 14:13

Deqa iga gago Kristen was naŋgo kumbra laŋa tenemtosim naŋgi uge qa minjrqasai. Iga areqalo bei dauryqom. Gago Kristen was naŋgi une ataib deqa iga na naŋgi kumbra uge beiq breinjrqasai.

2 Korin 11:12

Ariya tamo qudei naŋgi naŋgo segi ñam soqtqajqa gam ŋameqnub. Yim naŋgi tamo kalil naŋgo ŋamgalaq di iga bul sqajqa deqa. Ariya e na olo naŋgo gam di getentetnjrqajqa waueqnum. E degyoqnsiy sqai.

1 Timoti 2:8

Deqa ni na Kristen tamo qure qure kalilq di unub qaji naŋgi minjroqnimqa naŋgi baŋ soqtoqnsib pailyoqnebe. Naŋgi mati naŋgo segi ŋambile Qotei yekritosib aqa kumbra boleq di sosib minjiŋ ti ŋiriŋ ti uratosib kumbra bole dena naŋgi pailyoqnebe.

1 Timoti 4:3

Tamo naŋgi di anjam uge endegsib tamo uŋgasari naŋgi minjroqnqab, “Niŋgi uŋataib. Niŋgi tamotaib. Niŋgi damu uyaib. Di getento kalil.” O Timoti, anjam di gisaŋ. Qotei a na iŋgi iŋgi kalil ateleŋej. Deqa iga a qa gago areqalo siŋgilateqnum qaji iga iŋgi iŋgi kalil di oqa marsim Qotei biŋiyosim oqom. Iga Qotei aqa anjam bole qalieonum deqa iga iŋgi di oqom.

1 Timoti 5:11

Ariya uŋa qobul meli naŋgi siŋgila bole unub deqa ni na naŋgo ñam ataim. Di kiyaqa? Naŋgi olo tamo oqajqa are prugnjreqnaqa Kristus qoreiyeqnub deqa.

1 Timoti 6:1

Ni na Kristen kaŋgal tamo kalil naŋgi minjrimqa naŋgi naŋgo wau qa gate naŋgo ñam soqtoqnsib naŋgo sorgomq di geregere soqnebe. Yimqa wau qa gate naŋgi naŋgo kumbra di unsib Qotei aqa ñam ti Kristus aqa anjam ti misiliŋyqa keresai.

Taitus 2:5

Qalaqalainjroqnsib naŋgo areqalo geregere taqatosib Qotei aqa ŋamgalaq di une saiqoji sqab. Sosib naŋgo tal ti naŋgo iŋgi iŋgi ti geregere taqatosib naŋgo tamo ti naŋgo aŋgro ti naŋgi dego geregereinjroqnqab. Osib naŋgo tamo naŋgo sorgomq di geregere sosib naŋgo anjam dauryoqnqab. Naŋgi kumbra bole degsib yoqnibqa naŋgo tamo naŋgi na naŋgo kumbra di unoqnsib Qotei aqa anjam qa yomuoqnqasai.” O Taitus, ni na uŋa qeli naŋgi anjam degsim minjroqnime.

Taitus 2:8

Ni anjam bole segi tamo naŋgi minjroqnimqa naŋgi ino anjam di qusib uge qa marqa keresai. Jeu tamo naŋgi dego ino anjam di qusib deqa iga yomuigwa keresai. Naŋgi naŋgo segi areqalo uge qa jemainjrqas.

Hibru 13:4

Tamo a uŋatqajqa di kumbra bole. Uŋa a tamotqajqa di dego kumbra bole. Deqa niŋgi kumbra di ugetaib. Niŋgi kumbra di geregere taqatosib dena niŋgi Qotei aqa ŋamgalaq di jiga saiqoji sqab. Niŋgi qalie, tamo uŋgasari sambala kumbra yeqnub qaji naŋgi Qotei na awai uge enjrqas.