1 Timoti 3:7 - Yesus Aqa Anjam Bole

⁷ Tamo bei a tamo uŋgasari Qotei qaliesai qaji naŋgo ŋamgalaq di ñam bole ti sqas di ni unsim a gate ate. A ñam bole ti sqasai di a gate sqa keresai. Di kiyaqa? Tamo qudei naŋgi a qa anjam uge marib gam dena Satan na a ugeugeiyqas.

1 Timoti 3:7 ပူးပေါင်းရင်းမြစ်များ

Mak 4:11

Nenemyonabqa a na kamba endegsi minjrej, “Yawo anjam di aqa utru agi merŋgwai. Niŋgi quiye. Qotei a tamo uŋgasari naŋgo Mandor Koba sosiq naŋgi taqatnjreqnu. Anjam di aqa utru uliejunu. Di e na babtitqa ijo aŋgro niŋgi segi utru qalieqab. Ariya tamo uŋgasari qala qalaq di unub qaji naŋgi yawo anjam segi minjroqnqai.

Aposel 10:22

Onaqa naŋgi na minjeb, “Qaja tamo gate aqa ñam Kornilius a tamo bolequja. A bati gaigai Qotei qa ulaoqnsiqa aqa anjam dauryeqnu. Juda tamo uŋgasari kalil naŋgi a qa mareqnub, ‘A tamo bolequja.’ Ni que. Ya bilaq Qotei aqa laŋ aŋgro bei Kornilius aqaq di brantosiq minjej, ‘Ni tamo qudei naŋgi qariŋnjrimqa aisib Pita minjib ino talq bosim anjam bei mermim quqwam.’”

Aposel 22:12

“Damaskus qureq dia tamo bei soqnej aqa ñam Ananaias. A Qotei aqa dal anjam dauryo qaji tamo. Juda tamo uŋgasari kalil Damaskus qureq di soqneb qaji naŋgi a qa maroqneb, ‘A tamo bolequja.’

Aposel 6:3

Deqa was qu, niŋgi tamo 7-pela nuŋgo ambleq dena giltnjriye. Tamo endeqaji giltnjriye. Naŋgo kumbra tulaŋ boledamu. Qotei aqa Mondor naŋgoq di sosiqa naŋgi siŋgilatnjreqnu. Naŋgi powo koba ti unub. Tamo deqaji giltnjrsib wau enjribqa naŋgi na iŋgi jeietŋgoqnqab.

1 Korin 10:32

Niŋgi na Juda tamo ti Grik tamo ti Qotei aqa segi tamo uŋgasari naŋgi ti kumbra uge bei enjraib. Yim naŋgi dena ululoŋosib uneq aio uge.

1 Korin 5:12

Deqa e kiersiy marqai? Tamo naŋgi Yesus qaliesai qaji naŋgo une qa e na peginjrqai e? Sai. Di ijo wau sai. Ariya Kristen tamo naŋgo une qa peginjrqajqa di nuŋgo wau tiŋtiŋ.

2 Korin 6:3

Tamo naŋgi gago wau endi uge qa maraib deqa iga na naŋgi kumbra uge bei enjrosaieqnum. Yim naŋgi uloŋosib uneq aio uge.

2 Korin 8:21

Di kiyaqa? Iga kumbra bole segi dauryqajqa deqa. Iga Tamo Koba Qotei aqa ŋamgalaq di segi kumbra bole yqajqa are qalosai. Iga tamo uŋgasari naŋgo ŋamgalaq di dego kumbra bole yqajqa are qaleqnum.

Kolosi 4:5

Niŋgi tamo Yesus qaliesai qaji naŋgo ambleq di sosibqa niŋgi areqalo bole dauryoqnsib kumbra bole bole yoqniye. Osib bati gaigai Kristus aqa kumbra naŋgi osornjrqajqa are qaloqniye.

1 Tesalonaika 4:12

Niŋgi kumbra bole degsib yoqnibqa niŋgi iŋgi bei qa truquiŋgoqnqasai. Deqa qala qaji tamo naŋgi nuŋgo kumbra di unsib deqa tulaŋ areboleboleinjrqas.

1 Tesalonaika 5:22

Osib kumbra uge kalil uratoqniye.

1 Timoti 3:6

Kristen tamo bunuj a gate ataim. A gate sqas di a diqosim marqas, “E tamo bolequja.” Yim Qotei na nami Satan ŋolawotej dego kere tamo di dego ŋolawotqas.

1 Timoti 5:14

Deqa e are qalonum, uŋa qobul meli naŋgi olo tamo osib aŋgrotoqnsib naŋgo segi tal gereiyoqnqab di kere. Naŋgi degyqab di jeu tamo naŋgi na naŋgo kumbra di unoqnsib deqa naŋgi Qotei aqa ñam misiliŋyqa keresai.

1 Timoti 6:9

Ariya tamo naŋgi silali koba oqajqa are qaleqnub qaji naŋgi Satan na walawalainjroqnsiq uneq breinjreqnu. Agi aliem na wagme naŋgi eleŋeqnu dego kere. Deqa tamo naŋgi di kumbra uge uge yqajqa are prugnjroqnimqa kumbra dena naŋgi tulaŋ ugetnjroqnim naŋgi torei padalqab.

2 Timoti 2:26

Nami Satan a siŋgila na tamo naŋgi di ojeleŋesonaqa naŋgi aqa anjam dauryoqneb. Ariya Qotei aqa wau tamo naŋgi lawo na naŋgi tingitnjribqa naŋgi Qotei aqa anjam bole qa poinjrimqa naŋgi olo areqalo bole ti sosib Satan aqa baŋq dena jaraiosib sawa boleq di sqab.

Taitus 2:5

Qalaqalainjroqnsib naŋgo areqalo geregere taqatosib Qotei aqa ŋamgalaq di une saiqoji sqab. Sosib naŋgo tal ti naŋgo iŋgi iŋgi ti geregere taqatosib naŋgo tamo ti naŋgo aŋgro ti naŋgi dego geregereinjroqnqab. Osib naŋgo tamo naŋgo sorgomq di geregere sosib naŋgo anjam dauryoqnqab. Naŋgi kumbra bole degsib yoqnibqa naŋgo tamo naŋgi na naŋgo kumbra di unoqnsib Qotei aqa anjam qa yomuoqnqasai.” O Taitus, ni na uŋa qeli naŋgi anjam degsim minjroqnime.

Taitus 2:8

Ni anjam bole segi tamo naŋgi minjroqnimqa naŋgi ino anjam di qusib uge qa marqa keresai. Jeu tamo naŋgi dego ino anjam di qusib deqa iga yomuigwa keresai. Naŋgi naŋgo segi areqalo uge qa jemainjrqas.

3 Jon 1:12

Tamo kalil naŋgi Demitrius a qa mareqnub, aqa kumbra bole. Qotei aqa anjam bole a dego tamo bulosiqa Demitrius aqa kumbra bole qa mareqnu. E dego a qa mareqnum, aqa kumbra bole. Ni qalie, ijo anjam di bole.