1 Timoti 3:13 - Yesus Aqa Anjam Bole

¹³ Kristen naŋgo wau tamo naŋgi wau bole yoqnqab di naŋgi ñam bole ti sqab. Sosib naŋgi Kristus Yesus qa naŋgo areqalo siŋgilatoqnqab. Osib deqa naŋgi Yesus aqa anjam mare mare laqajqa ulaoqnqasai.

1 Timoti 3:13 ပူးပေါင်းရင်းမြစ်များ

Matyu 20:28

E Tamo Aŋgro. Niŋgi ijo kumbra qalieosib degsib dauryoqniye. Tamo naŋgi na e aqaryaibosib wauetbqajqa e deqa bosai. E na tamo naŋgi wauetnjrqa bem. E na tamo uŋgasari gargekoba naŋgi aqaryainjrsiy ijo segi ŋambile uratosiy naŋgi eleŋqai. E deqa bem.”

Matyu 25:21

Onaqa aqa tamo koba na minjej, ‘Ni kaŋgal tamo bolequja. Ni wau kiñala geregere taqatonum deqa e na wau gargekoba olo ino baŋq di uratitqa ni na taqatoqnqam. Deqa ni bosim e ombla areboleboleigim sqom.’

Luk 19:17

Onaqa aqa tamo koba na minjej, ‘Ni wau tamo bolequja. Ni wau kiñala geregere taqatonum deqa e na qure kokba 10-pela olo ino baŋq di uratitqa ni na taqatnjroqnqam.’

Aposel 21:35

Osi giloqnsib naŋgo ŋeio tal jojomyeqnabqa tamo uŋgasari kalil naŋgi minjiŋ ani oqetnjrnaqa naŋgi daurnjroqnsib murqumyoqnsib maroqneb, “Niŋgi na Pol qalsib moiotiye.” Naŋgi degsib maroqneb deqa qaja tamo naŋgi na Pol soqtosib naŋgo qawarq di atsib osi giloqneb.

Aposel 6:15

Onaqa tamo kalil koro sawaq dia awesoqneb qaji naŋgi gisaŋ anjam di qusib Stiven koqyeb. Aqa ulatamu laŋ aŋgro aqa ulatamu bulonaq uneb.

Aposel 6:5

Onaqa naŋgi kalil anjam di dauryosib tamo 7-pela giltnjreb. Bei aqa ñam Stiven. Stiven aqa areqalo kalil Yesus qa siŋgilatoqnej. A areqalo aiyeltosaioqnej. Qotei aqa Mondor a Stiven aqa are miligiq aioqnsiqa siŋgilatoqnej. Bei aqa ñam Filip. Bei Prokorus. Bei Nikanor. Bei Timon. Bei Parmenas. Bei Nikolas. Nikolas aqa qure utru Antiok. A nami Juda tamo sai. A bunuqna Jerusalem bosiqa Juda naŋgo louqa kumbra dauryosiq naŋgo miligiq aiej.

Aposel 6:8

Qotei a Stiven qa are tulaŋ boleiyoqnsiq deqa a siŋgila yeqnaqa a na tamo uŋgasari kalil Jerusalem di soqneb qaji naŋgo ŋamgalaq dia maŋwa gargekoba yoqnej.

1 Korin 16:15

O was qu, niŋgi tamo uŋgasari Stefanas aqa talq di unub qaji naŋgi qa qalie bole. Naŋgi tamo kalil Akaia sawaq di unub qaji naŋgi qa namoosib nami are bulyeb. Naŋgi naŋgo segi areqalo na Qotei aqa tamo uŋgasari naŋgi qa waueqnub. Deqa e niŋgi siŋgila na endegsi merŋgwai.

Filipai 1:14

E tonto talq endia unum deqa Kristen was gargekoba naŋgi kamba siŋgilaoqnsib Tamo Koba Qotei qa naŋgo areqalo siŋgilateqnub. Osib deqa naŋgi ulaosaieqnub. Naŋgi Qotei aqa anjam siŋgila na mareqnub.

1 Tesalonaika 2:2

Niŋgi qalie, iga niŋgi qa bosaisosimqa bati deqa iga Filipai qureq di sonamqa tamo naŋgi na iga jaqatiŋ egoqnsib ugeugeigoqneb. Ariya bunuqna iga nuŋgo qureq bonamqa gago Qotei na iga are siŋgilatetgej deqa iga jeu tamo naŋgi deqa ulaosai. Iga siŋgila na tigeloqnsim Qotei aqa anjam bole niŋgi merŋgoqnem.

1 Timoti 3:14

O Timoti, e ni qa urur bosiy numqajqa are koba unu. Ariya e are qalonum, e mati anjam endi neŋgreŋyosiy ni qa qariŋyqai.

2 Timoti 2:1

Ariya ijo aŋgro Timoti, Kristus Yesus a iga qa are tulaŋ boleiyeqnu aqa kumbra dena ni gaigai siŋgilatmoqneme.

Hibru 6:10

Niŋgi wau bolequja yoqnsib Qotei tulaŋ qalaqalaiyoqnsib aqa segi tamo uŋgasari naŋgi geregereinjroqneb. Niŋgi nami degyoqneb agi bini niŋgi degyeqnub. Qotei a tamo uge sai. A tamo bole deqa a nuŋgo kumbra di unoqnsiq olo are walyosaieqnu.