1 Timoti 1:20 - Yesus Aqa Anjam Bole

²⁰ Agi Himeneus wo Aleksander wo naŋgi aiyel kumbra uge degsib yeqnub. Deqa e na naŋgi aiyel Satan aqa baŋq di atem. Yim dena naŋgi endegsib qalieqab, “Bole, iga olo Qotei misiliŋyqasai.”

1 Timoti 1:20 ပူးပေါင်းရင်းမြစ်များ

Matyu 18:17

Ariya a naŋgo anjam dego quetnjrosaiamqa ni na Yesus aqa tamo uŋgasari kalil naŋgi metnjrim koroosib ni taqmosib ino was aqa une di olo minjqab. Ariya a naŋgo anjam dego quetnjrosaiamqa ni na a qoreiye. Une tamo ti takis o qaji tamo ti naŋgi qoreinjreqnub dego kere ni na ino was di qoreiye.

Aposel 13:45

Tamo uŋgasari tulaŋ gargekoba naŋgi Pol aqa anjam quqwajqa bosib koroonabqa Juda tamo kokba naŋgi na naŋgi unjrsibqa are minjiŋ oqetnjrnaqa Pol a anjam mareqnaqa naŋgi na aqa anjam gegentoqnsib a misiliŋyoqneb.

Aposel 19:33

Onaqa Juda naŋgi na tamo bei aqa ñam Aleksander osib koro sawa ambleq di tigeltonabqa tamo uŋgasari naŋgi a unsibqa mareb, “Tamo di aqa une qa kio iga bosim koroonum.” Onaqa Aleksander a tigelosiqa tamo uŋgasari naŋgi anjam bei minjrqa osiqa naŋgi kiriqajqa deqa aqa baŋ soqtej.

1 Korin 11:32

Ariya Tamo Koba Qotei a gago kumbra uge qudei unoqnsiq deqa iga gulube egeqnu di a gago kumbra tingitetgwajqa deqa. Yim mondoŋ iga tamo kalil mandamq endi unub qaji naŋgi ti une osim padalo uge.

2 Korin 10:6

Deqa iga niŋgi qa tariŋeqnum. Niŋgi gago anjam kalil dauryekritibqa ariya tamo kalil Qotei aqa anjam gotraŋyeqnub qaji naŋgi di iga na olo ŋolawotnjrqom.

2 Korin 13:10

Tamo Koba Qotei a na e siŋgila ebej deqa e aqa wau taqateqnum. E isaq endi sosim anjam neŋgreŋyonum. Di kiyaqa? E niŋgi qa bosiy e nuŋgo kumbra tingitetŋgwa osiy e anjam siŋgila na merŋgwasai. Tamo Koba Qotei na e niŋgi siŋgilatŋgwajqa deqa wau ebej. E niŋgi ugetŋgwajqa deqa wau ebosai.

2 Tesalonaika 3:15

Ariya a nuŋgo jeu tamo edegaib. Niŋgi endegsib maroqniye, “Tamo di a gago was. Deqa iga na Qotei aqa anjam minjimqa a are bulyqas.” Niŋgi degsib maroqniye.

1 Timoti 5:15

Ni qalie, uŋa qobul meli qudei naŋgi Qotei aqa gam bole uratoqnsib olo Satan dauryeqnub.

2 Timoti 2:14

O Timoti, ni na gaigai tamo uŋgasari naŋgo areqalo tigeltetnjroqnimqa naŋgi anjam deqa are qaloqnqab. Ni Qotei aqa ŋamgalaq di naŋgi endegsi minjroqne, “Niŋgi anjam kiñilala qudei qa laŋa laŋa ŋiriŋoqnsib ñam qudei qa anjam na qotoqnaib. Nuŋgo anjam dena tamo naŋgi aqaryainjrqa keresai. Anjam di tamo naŋgi quoqnsib dena naŋgo areqalo ugetetnjreqnu.” O Timoti, ni na naŋgi degsi minjroqne.

2 Timoti 2:17

Naŋgo anjam di ma uge bulosim tulaŋ kobaqujaosimqa tamo naŋgi ugeugeinjrqas. Tamo aiyel anjam uge mareqnub qaji agi Himeneus wo Filetus wo.

2 Timoti 3:2

Bati di tamo naŋgi naŋgo segi jejamu qa areboleboleinjroqnim sqab. Sosib silali koba oqnqajqa are prugnjroqnqas. Naŋgi naŋgo segi ñam soqtoqnsib diqoqnsib ŋiriŋ anjam koba maroqnsib tamo naŋgi misiliŋnjroqnqab. Naŋgi naŋgo ai wo abu wo naŋgo anjam gotraŋyoqnqab. Tamo uŋgasari qudei naŋgi na naŋgi kumbra bole bole enjroqnibqa di uratoqnsib olo naŋgi qa are boleinjrqasai. Naŋgi Qotei aqa kumbra kalil qoreiyoqnqab.

Hibru 12:5

Nami Qotei a nuŋgo are siŋgilatetŋgwa osiqa niŋgi anjam endegsi merŋgej, “O ijo aŋgro, e nuŋgo Tamo Koba. Deqa e na nuŋgo kumbra tingitetŋgwa marsiyqa gulube eŋgoqnit niŋgi gulube di qoboiyqa asgiŋgaiq. Osib are gulubeiŋgaiq. Niŋgi quiye. Tamo naŋgi e na qalaqalainjreqnum qaji naŋgi di e na olo tingitnjreqnum. Tamo naŋgi ijo segi aŋgro qa mareqnum qaji naŋgi e na gulube enjreqnum.” Qotei a na niŋgi aqa segi aŋgro sqa marsiqa anjam degsi merŋgej. Niŋgi anjam deqa olo are walŋgwo kio?

Uli Anjam 13:1

Onaqa e olo ŋam atsimqa wagme juwaŋ bei yuwalq dena brantonaq unem. Aqa gate 7-pela ti aqa qala 10-pela ti soqnej. Aqa qalaq di gate tatal 10-pela soqneb. Gate tatal di mandor kokba naŋgi na ateqnub deqaji bul. Aqa gateq di ñam qudei neŋgreŋyonab soqnej. Ñam di Qotei misiliŋyo qaji ñam.

Uli Anjam 3:19

Tamo naŋgi e qalaqalainjreqnum qaji di e na olo ŋiriŋtnjroqnsim gereinjreqnum. Deqa ni are siŋgilatosim ino segi kumbra gereiyosim are bulye.