1 Timoti 1:19 - Yesus Aqa Anjam Bole

¹⁹ Gotraŋysimqa ino areqalo Yesus qa bole siŋgilat. Osim Qotei aqa ŋamgalaq di ni une saiqoji soqne. Tamo qudei naŋgi segi qalie, naŋgi une yeqnub. Ariya Qotei na naŋgo kumbra tingitetnjrqa laqnaq naŋgi olo urateqnub. Deqa naŋgi Yesus qa naŋgo areqalo siŋgilatqa asginjreqnaqa qobuŋ a sargumq di paraqas dego kere naŋgi areqalo uge ugeiysib laqnub. Kumbra dena naŋgi tulaŋ ugetnjrqas.

1 Timoti 1:19 ပူးပေါင်းရင်းမြစ်များ

Matyu 6:27

Niŋgi mandamq endia sokobaiyqajqa are koba qaloqnaib. Niŋgi are koba qalqab areqalo dena niŋgi nuŋgo segi soboleiyqajqa bati olo totoryqa keresai.

1 Korin 11:19

Di kiyaqa? E endegsi are qalonum. Niŋgi pupoabqa dena niŋgi poiŋgwas, nuŋgo ambleq di tamo yai naŋgi Qotei aqa kumbra bole tiŋtiŋ dauryeqnub.

Galesia 5:4

Niŋgi qudei mareqnub, “Iga dal anjam dauryqom gam dena Qotei na iga tamo bole une saiqoji qa mergwas.” Niŋgi degsib mareqnub di niŋgi Kristus uratonub. Qotei a niŋgi qa are tulaŋ boleiyeqnu aqa kumbra di dego niŋgi qoreiyonub.

1 Timoti 1:5

Ariya Qotei na iga aqa wau ojqajqa mergeqnu. Aqa wau agiende. Iga na tamo uŋgasari naŋgi Yesus aqa anjam minjroqnim naŋgi a qa naŋgo areqalo siŋgilatosib dena naŋgi Qotei aqa ŋamgalaq di une saiqoji sqab. Sosib kumbra dena naŋgo areqalo tigeltetnjroqnim naŋgi qalaqalaiyo kumbra dauryoqnqab.

1 Timoti 3:9

Naŋgi Qotei aqa ŋamgalaq di une saiqoji soqnebe. Sosib anjam bole Qotei na nami iga osorgej qaji di siŋgila na ojesoqnebe. Agi iga Qotei qa gago areqalo siŋgilateqnum qaji iga anjam bole di osorgej.

1 Timoti 6:12

Tamo naŋgi Kristus qa naŋgo areqalo siŋgilateqnub qaji naŋgi tamo naŋgi siŋgila na gurguroqnsib bubuŋeqnub dego kere. Deqa ni dego siŋgila na ururoqne. Osim dena ni ŋambile bole gaigai sqam. Bole, ni nami siŋgila na tigeloqnsim tamo gargekoba naŋgo ŋamgalaq dia Kristus aqa ñam ubtsim maroqnem. Bati deqa Qotei na ni ŋambile di oqajqa marsiq metmej.

1 Timoti 6:21

Naŋgi mareqnub, “Iga powo ti unum.” Di sai. Naŋgi Kristus qoreiyoqnsib a qa naŋgo areqalo siŋgilatqa urateqnub. O was qu, Qotei a niŋgi kalil qa are boleiyeme.

1 Timoti 6:9

Ariya tamo naŋgi silali koba oqajqa are qaleqnub qaji naŋgi Satan na walawalainjroqnsiq uneq breinjreqnu. Agi aliem na wagme naŋgi eleŋeqnu dego kere. Deqa tamo naŋgi di kumbra uge uge yqajqa are prugnjroqnimqa kumbra dena naŋgi tulaŋ ugetnjroqnim naŋgi torei padalqab.

2 Timoti 2:18

Naŋgi aiyel anjam bole qa gam uratosib gisaŋ anjam endegsib mareqnub, “Tamo uŋgasari kalil naŋgi nami subq na tigeleb koboqo. Deqa iga olo bunuqna subq na tigelqasai.” Naŋgo gisaŋ anjam dena naŋgi na tamo uŋgasari qudei nami Yesus qa naŋgo areqalo siŋgilateb qaji naŋgo areqalo olo ugetetnjreqnub.

2 Timoti 4:4

Deqa naŋgi anjam bole quqwajqa uratoqnsib-qa laŋa sa anjam quqwajqa dab atoqnqab.

Taitus 1:9

A Yesus aqa anjam bole iga na palonteqnum qaji di siŋgila na ojeqnu di ni unsim a gate ate. Atimqa a wau di ojsim a na kamba anjam bole kalil di palontoqnsim dena tamo uŋgasari naŋgo are tigeltetnjroqnim naŋgi dauryoqnqab. Tamo qudei naŋgi Yesus aqa anjam di gotraŋyoqnib a siŋgila na naŋgi minjroqnim naŋgi naŋgo segi une qa poinjroqnqas.

Hibru 3:14

Iga nami siŋgila na Qotei qa gago areqalo siŋgilatem. Ariya gago areqalo di iga olo tulaŋ siŋgila na ojsimqa gilsim gilsim moiqom. Iga degyqom di iga Kristus aqa segi tamo uŋgasari tiŋtiŋ sqom.

1 Jon 2:19

Jeu tamo naŋgi di nami gago ambleq di soqneb. Sosib olo bunuqna iga uratgosib jaraieb. Di kiyaqa? Naŋgi Kristen tamo bolesai deqa. Naŋgi Kristen tamo bole qamu naŋgi iga ti unum qamu. Ariya naŋgi iga uratgosib jaraieb deqa iga qalieonum, naŋgi Kristen tamo bolesai.

Uli Anjam 3:10

Ni ijo anjam geregere dauryoqnsimqa gulube kalil qoboiyoqnsim siŋgila na tigelejunum deqa e ni taqatmesoqnitqa Satan a bosim tamo uŋgasari kalil sawa sawa kalilq di unub qaji naŋgi gulube enjrqa batiamqa gulube di ni qa bqasai.

Uli Anjam 3:3

Anjam bole ni nami qusim dauryem qaji deqa olo are qale. Are qalsim anjam di geregere dauryosim are bulye. Ni ŋam sirosim tigelqasai di e bajiŋ tamo bul ni qa boqujatqai. Bati gembu e inoq bqai di ni qalieqa keresai.

Uli Anjam 3:8

Kumbra bole kalil ni yeqnum qaji di e qalieonum. Deqa ni unime. Ino ulatamuq dia e siraŋ bei waqtetmonum. Di tamo bei na getentqa keresai. E qalie, siŋgila kiñala inoq di unu. Ni ijo anjam geregere ojsim dauryeqnum. Ni ijo ñam uratosaieqnum.