1 Tesalonaika 5:25 - Yesus Aqa Anjam Bole

²⁵ O was qu, niŋgi iga qa pailyoqniye.

1 Tesalonaika 5:25 ပူးပေါင်းရင်းမြစ်များ

Rom 15:30

O was qu, niŋgi gago Tamo Koba Yesus Kristus a qa ti qalaqalaiyo kumbra Qotei aqa Mondor na iga osorgeqnu qaji deqa ti are qalsibqa e ombla na Qotei pailyqajqa waukobaoqniye. Osib niŋgi e qa dego Qotei pailyoqniye.

2 Korin 1:11

Ariya niŋgi na dego nuŋgo pail na iga aqaryaigoqniye. Yim Qotei a tamo uŋgasari gargekoba naŋgo pail quoqnsim deqa iga aqaryaigoqnqas. Yoqnim tamo uŋgasari gargekoba naŋgi Qotei aqa kumbra di unoqnsib a biŋiyoqnqab.

Filipai 1:19

Deqa was qu, e tulaŋ areboleboleiboqnim sqai. Di kiyaqa? E endegsi qalieonum. Niŋgi bati gaigai e qa Qotei pailyeqnub deqa Yesus Kristus aqa Mondor na e siŋgilatbeqnu. Gam dena Qotei na e aqaryaibosim tonto talq endena oqeq atim e bole sqai.

Kolosi 4:3

Niŋgi iga qa dego Qotei pailyoqniye. Niŋgi endegsib pailyoqniye, “O Abu, ni na Pol aqa wau qujai naŋgi ti gam waqtetnjroqnimqa naŋgi medabu waqtoqnsib Kristus aqa anjam nami uliesoqnej qaji di marsib laqnqab.” O was qu, jeu tamo naŋgi Kristus aqa anjam di quqwa asginjreqnu deqa naŋgi e ojsib tonto talq endia waibeb unum.

Filemon 1:22

Ijo anjam qujai bei agiende. E are qalonum, Qotei a nuŋgo pail qusim gam waqtetbimqa e niŋgi qa olo bqai. Deqa Filemon, ni ino talq di e ŋeiqajqa warum gereiyetbime.