1 Tesalonaika 5:1 - Yesus Aqa Anjam Bole

¹ O was qu, Yesus a bati gembu bqas di tamo bei a qaliesai. Deqa iga anjam bei neŋgreŋyosim niŋgi qa qariŋyqa keresai.

1 Tesalonaika 5:1 ပူးပေါင်းရင်းမြစ်များ

Matyu 24:3

Yesus a na naŋgi degsi minjrsiqa Oliv manaq oqsiq goge di awesonaqa aqa aŋgro naŋgi aqa areq bosibqa lumu nenemyeb, “Ni iga merge. Bati gembu jeu tamo naŋgi bosib atra tal niñaqyqab? Mandam endi koboqa laqnim ni olo mandamq aioqnim kumbra kie namoqna bamqa iga unsim poigwas?”

Matyu 24:36

Osiqa Yesus a olo anjam endegsi minjrej, “Ijo bqajqa bati tamo qujai bei qaliesai. Laŋ aŋgro naŋgi qaliesai. E Qotei aqa Ŋiri e segi dego qaliesai. Ijo Abu a segi qalie.

Aposel 1:7

Onaqa Yesus na minjrej, “Niŋgi bati di qalieqa maraib. Di nuŋgo wau sai. Di ijo Abu aqa wau. A segi na bati di giltej unu.

2 Korin 9:1

Qotei aqa tamo uŋgasari Judia sawaq di unub qaji naŋgi aqaryainjrqajqa deqa silali koroiyeqnub. Wau di agi niŋgi qalieonub. Deqa e olo anjam olekoba tortoryqasai.

1 Tesalonaika 4:18

Deqa niŋgi na anjam di Qotei aqa tamo uŋgasari naŋgi minjroqnsibqa dena naŋgo are siŋgilatetnjroqniye.

1 Tesalonaika 4:9

E na niŋgi Qotei aqa tamo uŋgasari naŋgi qalaqalainjrqajqa deqa anjam bei neŋgreŋyqasai. Di kiyaqa? Qotei na qalaqalaiyo kumbra di niŋgi osorŋgekritej koboqo.

Jut 1:3

O ijo was bole, Qotei na iga kalil padalo sawaq dena eleŋej wau di aqa utru e na neŋgreŋyosiy niŋgi qa qariŋyqajqa are koba unu. Ariya e anjam bei dego neŋgreŋyosiy niŋgi qa qariŋyqa are qaleqnum. Anjam agiende. Jeu tamo naŋgi bosib Kristus aqa anjam bole ugeugeiyqa laqnib nuŋgo areqalo Kristus qa siŋgilateqnub qaji di niŋgi olo siŋgila na ojsibqa jeu tamo naŋgi di gotraŋnjroqniye. Iga Qotei aqa tamo uŋgasari unum deqa Qotei na gago areqalo tigeltetgonaqa iga Kristus aqa anjam bole gago areqaloq di siŋgilatejunum. Deqa tamo bei na anjam di olo bulyqa keresai.