1 Tesalonaika 4:4 - Yesus Aqa Anjam Bole

⁴ Niŋgi nuŋgo segi so geregere taqatosib areqalo uge uge nuŋgo are miligiq di unu qaji di uratekritiye. Niŋgi degyqab di niŋgi kumbra bole ti kumbra kalil Qotei a tulaŋ areareteqnu qaji de ti dauryoqnqab.

1 Tesalonaika 4:4 ပူးပေါင်းရင်းမြစ်များ

Aposel 9:15

Onaqa Tamo Koba Yesus na Ananaias minjej, “Ni ijo anjam mermonum qaji endi daurye. Sol a ijo wau tamo. E na a giltonum deqa a na ijo ñam osi walwelosim sawa sawa kalilq dia tamo uŋgasari Qotei qaliesai qaji naŋgi ti mandor kokba ti Israel tamo uŋgasari naŋgi ti ijo ñam minjroqnqas.

Rom 1:24

Naŋgi Qotei qoreiyeqnub deqa a na kamba naŋgi uratnjreqnaqa naŋgi kumbra tulaŋ uge uge jigat yoqnqajqa are prugnjreqnu. Kumbra dena naŋgi na naŋgo segi jejamu tulaŋ ugeugeiyeqnub.

Rom 12:1

Ariya was qu, Qotei a iga qa are tulaŋ boleiyosiq eleŋej deqa e niŋgi siŋgila na endegsi merŋgwai. Niŋgi nuŋgo segi jejamu osib Qotei atraiyiye. Osib deqa niŋgi ŋambile sosib Qotei aqa segi tamo uŋgasari tiŋtiŋ sqab. Deqa niŋgi kumbra Qotei a tulaŋ areareteqnu qaji di yoqniye. Niŋgi degyoqnqab di niŋgi Qotei aqa kumbra na bole louoqnqab.

Rom 6:19

O was qu, e mandam tamo naŋgo kumbra qa niŋgi yawo anjam merŋgeqnum. Di kiyaqa? Niŋgi ijo anjam endi geregere poiŋgosai deqa. Nami niŋgi na nuŋgo siŋga ti baŋ ti nuŋgo jejamu ti kalil naŋgi odnjreqnabqa naŋgi kumbra jiga ti kumbra uge ti naŋgo wau tamo sosib niŋgi kumbra ugeq di breiŋgoqneb. Ariya bini niŋgi na nuŋgo siŋga ti baŋ ti nuŋgo jejamu ti kalil di olo minjribqa naŋgi kumbra bole tiŋtiŋ aqa wau tamo sqab. Yim deqa niŋgi Qotei aqa segi tamo uŋgasari boledamu sosib aqa kumbra bole dauryoqnqab.

1 Korin 6:15

Nuŋgo segi segi jejamu di Kristus aqa jejamu qujai. Di niŋgi qaliesai kio? Deqa e Kristus aqa jejamu di osiy sambala uŋa aqa jejamuq di betertqai di kumbra bolesai.

1 Korin 7:2

Ariya nuŋgo ambleq di sambala kumbra kobaaim deqa niŋgi segi segi uŋa oiye. Uŋa niŋgi dego segi segi tamo oiye.

1 Korin 7:9

Ariya niŋgi nuŋgo segi jejamu taqatosib laŋa sqa keresaiamqa niŋgi uŋa oiye. Niŋgi tamo oiye. Niŋgi laŋa sosib olo sambala kumbra yqa are prugŋgwas di kumbra bolesai.

2 Korin 4:7

Iŋgi boledamu di gagoq di unu. Ariya iga siŋgila saiqoji unum. Iga web bul jagi na gereiyo qaji. Deqa tamo kalil naŋgi iga nugoqnsib endegsib qalieeqnub, “Siŋgila kobaquja iga uneqnum di Qotei aqa siŋgila. Di Pol aqa siŋgila sai. Siŋgila dena siŋgila kalil tulaŋ buŋnjrejunu.” Naŋgi degsib qalieeqnub.

Filipai 4:8

Ariya was qu, e anjam qujai bei unu. Anjam agiende. Niŋgi gaigai kumbra endeqa are qaloqniye. Kumbra bole ti kumbra tiŋtiŋ ti kumbra jiga saiqoji deqa ti kumbra Qotei a tulaŋ qalaqalaiyeqnu qaji deqa ti kumbra tamo naŋgi yeqnab iga unoqnsim deqa areboleboleigeqnu qaji kumbra deqa ti kalil are qaloqnsib soqniye.

Hibru 13:4

Tamo a uŋatqajqa di kumbra bole. Uŋa a tamotqajqa di dego kumbra bole. Deqa niŋgi kumbra di ugetaib. Niŋgi kumbra di geregere taqatosib dena niŋgi Qotei aqa ŋamgalaq di jiga saiqoji sqab. Niŋgi qalie, tamo uŋgasari sambala kumbra yeqnub qaji naŋgi Qotei na awai uge enjrqas.

1 Pita 3:7

O tamo, niŋgi areqalo bole dauryosib nuŋgo uŋgasari naŋgi ti geregere soqniye. Nuŋgo uŋgasari naŋgi tamo sai. Naŋgi uŋa. Naŋgo jejamu siŋgila sai. Deqa niŋgi lawo na naŋgi kumbra bole bole enjroqniye. Uŋgasari naŋgi dego ŋambile gaigai sqab. Niŋgi degsib qalieosib deqa nuŋgo uŋgasari naŋgi gereinjroqniye. Niŋgi kumbra degyqab di iŋgi bei na nuŋgo pail getentqa keresai. Qotei a nuŋgo pail quoqnqas.