1 Tesalonaika 4:14 - Yesus Aqa Anjam Bole

¹⁴ Yesus a moisiqa olo subq na tigelej anjam di iga gago areqaloq di siŋgilatejunum. Deqa iga qalieonum, mondoŋ Qotei a Yesus aqa siŋgila na Kristen tamo uŋgasari nami moreŋeb qaji naŋgi olo subq na tigeltnjrqas. Yimqa naŋgi Yesus dauryosib koba na olo mandamq aiqab.

1 Tesalonaika 4:14 ပူးပေါင်းရင်းမြစ်များ

Matyu 24:31

Yimqa e siŋgila na gul anjamosiy ijo laŋ aŋgro naŋgi qariŋnjritqa naŋgi sawa sawa kalil keretosib Qotei aqa segi tamo uŋgasari nami giltnjrej qaji naŋgi laŋ utru utruq dena koroinjrqab.”

Rom 14:9

Kristus a dego moisiq olo ŋambile osiq subq na tigelej. Di kiyaqa? A tamo ŋambile unub qaji ti tamo moreŋeb qaji naŋgi ti naŋgo Tamo Koba sqajqa deqa.

Rom 8:11

Qotei a na aqa Ŋiri Kristus Yesus subq na olo tigeltej. Qotei aqa Mondor a nuŋgo are miligiq di unu deqa Qotei na aqa Mondor aqa siŋgila na nuŋgo jejamu moiqas qaji di dego olo subq na tigeltosim niŋgi ŋambile eŋgwas.

1 Tesalonaika 3:13

Yimqa kumbra dena Qotei a nuŋgo are miligi siŋgilatetŋgimqa mondoŋ gago Tamo Koba Yesus a na Qotei aqa segi tamo uŋgasari kalil naŋgi laŋ qureq dena joqsim bosimqa niŋgi Qotei aqa segi kumbra bole dauryeqnub di a bosim unqas. Bati deqa niŋgi tamo uŋgasari tulaŋ boledamu tiŋtiŋ sosib gago Abu Qotei aqa ŋamgalaq di une saiqoji sqab. Bole.

1 Tesalonaika 4:13

Ariya was qu, tamo uŋgasari nami moreŋeb qaji naŋgi mondoŋ kumbra kie turqab di niŋgi qalieqajqa deqa merŋgwom. Tamo uŋgasari Qotei qaliesai qaji naŋgi subq na tigelqa bati qa tariŋosaieqnub. Deqa naŋgo was bei a moiqas di naŋgi tulaŋ are ugeinjrqas. Ariya niŋgi degsib tulaŋ are ugeiŋgaim deqa anjam endi merŋgwom.

1 Tesalonaika 4:17

Tigelabqa bati deqa iga tamo uŋgasari mandamq endia ŋambile unum qaji iga ti naŋgi ti turosim koba na laŋbiq na oqsim Tamo Koba Yesus itqom. Osim a ti gaigai sqom.

2 Tesalonaika 2:1

O was qu, mondoŋ gago Tamo Koba Yesus Kristus a laŋ qureq dena boqnimqa niŋgi ti iga ti aqa siŋgaq di koroqom. Iga deqa niŋgi anjam kiñala merŋgim quiye.

Uli Anjam 1:18

E ŋambile gaigai sqajqa utru. Nami e moiem. Bini ni e nube. E olo ŋambile unum. E bati gaigai ŋambile sqai. E segi na moio ti moio qure ti taqatejunum.

Uli Anjam 14:13

Onaqa tamo bei a laŋ goge dia tulaŋ koba leleŋonaqa e aqa kakoro quem. A na merbej, “Ni anjam endegsi neŋgreŋye, ‘Bini qa ti bunuq qa ti tamo uŋgasari kalil Tamo Koba Yesus qa naŋgo areqalo siŋgilateqnub qaji naŋgi di jeu tamo naŋgi na ñumoqnib moreŋoqnqab. Deqa naŋgi tulaŋ areboleboleinjrim sqab.’ O Jon, ni anjam degsi neŋgreŋye.” Onaqa Qotei aqa Mondor Bole a dego merbej, “Tamo uŋgasari Yesus qa naŋgo areqalo siŋgilateqnub qaji naŋgi tulaŋ areboleboleinjrim sqab. Di kiyaqa? Naŋgi qalieonub, naŋgi mandam qa wau kalil uratosib laŋ qureq oqsib dia aqaratosib sqab. Kumbra bole bole kalil naŋgi mandamq dia yoqneb qaji di aqa awai bole naŋgi laŋ qureq oqsib dia itqab.”