1 Tesalonaika 3:4 - Yesus Aqa Anjam Bole

⁴ Agi iga nuŋgo ambleq di sosimqa endegsi merŋgoqnem, “Gulube gargekoba gagoq boqnqas.” Deqa niŋgi endegsib qalieoiye. Gulube oqajqa bati agi brantqo.

1 Tesalonaika 3:4 ပူးပေါင်းရင်းမြစ်များ

Matyu 24:25

“Niŋgi quiye. Kumbra kalil di brantosaisonaqa agi e namoqna merŋgonum.

Aposel 17:1

Naŋgi gilsib Amfipolis qureq di brantosib dena walwelosib Apolonia qureq gileb. Dena tigelosib gilsib Tesalonaika qureq di branteb. Dia Juda naŋgo Qotei tal bei soqnej.

Aposel 17:13

Onaqa Juda tamo uŋgasari Tesalonaika qureq di soqneb qaji naŋgi Pol a Beria qureq gilsiq dia dego Qotei aqa anjam maroqnej di qusibqa minjiŋ oqetnjrnaqa mareb, “Iga Pol qalqom.” Degsib marsibqa Beria qureq bosib dia tamo uŋgasari naŋgo are ugetetnjreb.

Aposel 20:24

“Di uŋgum. E ijo segi jejamu qa are qalosaieqnum. Wau kalil Tamo Koba Yesus na ebej qaji di yosiy kobotqajqa are qaleqnum. Wau di endegsi unu. E siŋgila na Yesus aqa anjam bole tamo uŋgasari naŋgi minjre minjre laqnqai. Anjam bole di aqa damu agiende. Qotei a tamo uŋgasari naŋgi qa are boleiyoqnsiqa naŋgi eleŋeqnu.

1 Tesalonaika 2:14

O was qu, tamo uŋgasari Judia sawaq dia Kristus Yesus beteryesosib Qotei aqa ñam qa koroosib loueqnub qaji naŋgo kumbra agi niŋgi dego degsib dauryeqnub. Agi Juda naŋgi na Qotei aqa tamo uŋgasari Judia sawaq di unub qaji naŋgi gulube koba enjroqneb dego kere niŋgi dego nuŋgo segi leŋ naŋgi na gulube koba eŋgeqnub.

1 Tesalonaika 2:2

Niŋgi qalie, iga niŋgi qa bosaisosimqa bati deqa iga Filipai qureq di sonamqa tamo naŋgi na iga jaqatiŋ egoqnsib ugeugeigoqneb. Ariya bunuqna iga nuŋgo qureq bonamqa gago Qotei na iga are siŋgilatetgej deqa iga jeu tamo naŋgi deqa ulaosai. Iga siŋgila na tigeloqnsim Qotei aqa anjam bole niŋgi merŋgoqnem.

2 Tesalonaika 2:5

Bati e nuŋgo ambleq di sosimqa e tamo uge deqa niŋgi merŋgoqnem. Niŋgi ijo anjam di olo are walŋgwo kio?

2 Tesalonaika 3:10

Niŋgi qalie, iga niŋgi koba na sosimqa endegsi merŋgoqnem, “Tamo a wauqasai di a iŋgi uyqasai dego.”