1 Tesalonaika 2:6 - Yesus Aqa Anjam Bole

⁶ Iga wauoqnem di niŋgi ti tamo uŋgasari qudei ti na gago ñam soqtetgwajqa deqa iga wauosai.

1 Tesalonaika 2:6 ပူးပေါင်းရင်းမြစ်များ

Jon 12:43

Naŋgi degsib are qaleb. Di kiyaqa? Naŋgi tamo na naŋgo ñam soqtqajqa arearetnjroqnej. Naŋgi Qotei na naŋgo ñam soqtqajqa arearetnjrosaioqnej.

Jon 5:41

“E mandam tamo naŋgoq dena ñam koba oqajqa e deqa are qalsim anjam endi marosaieqnum.

Jon 5:44

Niŋgi nuŋgo segi was naŋgoq dena ñam koba oqajqa are qaleqnub. Ariya Qotei a segi qujai unu. Niŋgi aqaq dena ñam koba oqajqa are qalosaieqnub. Niŋgi kumbra degyeqnub deqa niŋgi kiersib e qa nuŋgo areqalo siŋgilatqab? Di keresai.

Jon 7:18

Tamo bei aqa segi areqalo na anjam marqas di a aqa segi ñam soqtqa osim deqa anjam marqas. Ariya Qotei agi e qariŋbej qaji aqa ñam e soqtqa osim deqa anjam mareqnum. Deqa e tamo bole. E gisaŋ tamo sai.

1 Korin 11:9

Qotei a uŋa qa osiqa tamo gereiyosai. A tamo qa osiqa deqa uŋa gereiyej.

2 Korin 13:10

Tamo Koba Qotei a na e siŋgila ebej deqa e aqa wau taqateqnum. E isaq endi sosim anjam neŋgreŋyonum. Di kiyaqa? E niŋgi qa bosiy e nuŋgo kumbra tingitetŋgwa osiy e anjam siŋgila na merŋgwasai. Tamo Koba Qotei na e niŋgi siŋgilatŋgwajqa deqa wau ebej. E niŋgi ugetŋgwajqa deqa wau ebosai.

2 Korin 4:5

Niŋgi quiye. Iga gago segi kumbra qa marosaieqnum. Iga endegsi mareqnum, “Kristus Yesus a gago Tamo Koba. Iga Yesus aqa anjam dauryeqnum deqa iga nuŋgo wau tamo unum.” Iga degsi segi mareqnum.

Galesia 1:10

Niŋgi kiersib are qaleqnub? E anjam endi neŋgreŋyonum di mandam tamo naŋgi e qa boleqajqa kio Qotei a e qa boleqajqa kio deqa neŋgreŋyonum e? Mandam tamo naŋgi e qa boleqajqa deqa e waueqnum e? Niŋgi quiye. Mandam tamo naŋgi e qa boleqajqa deqa e waueqnum qamu e Kristus aqa wau tamo bolesai qamu.

Galesia 5:26

Iga gago segi ñam laŋa soqtqasai. Iga Kristen tamo qudei naŋgo are ugetetnjroqnsim qotoqnqasai. Iga gago was iŋgi koba ti unub qaji naŋgi qa are ugeigwasai dego.

Galesia 6:13

Tamo naŋgi muluŋ aieqnub qaji naŋgi di Qotei aqa dal anjam geregere dauryosaieqnub. Ariya naŋgi niŋgi muluŋ breiŋgwa are qaleqnub. Osib dena naŋgi ñam koba oqajqa deqa.

1 Tesalonaika 2:9

O was qu, niŋgi qalie, iga niŋgi koba na sosim Qotei aqa anjam bole niŋgi merŋgoqnem bati deqa iga waukobaoqnem. Iga na niŋgi gulube eŋgwa uratosim deqa iga gago segi baŋ na qanam ti qolo ti tulaŋ siŋgila na wauoqnsim dena gago segi iŋgi iŋgi awaiyosim uyoqnem. Niŋgi na iga silali qa aqaryaigwajqa iga deqa merŋgosaioqnem.

1 Timoti 5:17

Kristen gate naŋgi wau bole yeqnub deqa ni na tamo uŋgasari naŋgi minjrimqa naŋgi na Kristen gate naŋgo ñam soqtetnjroqnsib naŋgi iŋgi iŋgi qa aqaryainjroqnebe. Kristen gate qudei naŋgi Qotei aqa anjam palontqajqa waukobaoqnsib Qotei aqa gam bole tamo uŋgasari naŋgi osornjreqnub. Deqa ni na tamo uŋgasari naŋgi minjrimqa naŋgi na Kristen gate naŋgi di tulaŋ geregereinjroqnebe.