1 Tesalonaika 2:18 - Yesus Aqa Anjam Bole

¹⁸ Iga niŋgi qa olo bqajqa are koba unu. E Pol e segi bati gargekoba niŋgi qa olo bqajqa yeqnam Satan na gam getentetgoqnej.

1 Tesalonaika 2:18 ပူးပေါင်းရင်းမြစ်များ

Matyu 4:10

Onaqa Yesus na minjej, “Satan, ni ulaŋ. Qotei aqa anjam bei nami endegsib neŋgreŋyeb unu, ‘Ino Tamo Koba Qotei a segi qa louoqnsimqa aqa sorgomq di soqne.’”

Rom 1:13

O was qu, niŋgi endegsib qalieoiye. Bati gargekoba e bosiy niŋgi nuŋgwajqa are qaleqnum. Ijo areqalo agiende. Tamo uŋgasari sawa bei beiq di unub qaji naŋgo ambleq dia e waueqnamqa naŋgi are bulyoqnsib Yesus qa naŋgo areqalo siŋgilateqnub dego kere nuŋgo ambleq dia dego wauoqnitqa niŋgi qudei are bulyoqnsib Yesus qa nuŋgo areqalo siŋgilatoqnqab. Ariya wau gargekoba na gam getentetbeqnu deqa agi unum.

Rom 15:22

O was qu, e wau di yeqnum dena e niŋgi qa bqajqa gam geteŋeqnu. Deqa e niŋgi qa bqa yeqnam keresaiibeqnu.

1 Korin 16:21

E Pol. E ijo segi baŋ na kaiye anjam endi neŋgreŋyosim niŋgi qa qariŋyonum.

Filipai 4:16

Agi e Tesalonaika qureq di sonamqa niŋgi e silali qa aqaryaiboqneb.

Kolosi 4:18

E Pol. Ijo anjam bosiq endi koboqo. Deqa e ijo segi baŋ na kaiye anjam endi neŋgreŋyosim niŋgi qa qariŋyonum. E tonto talq endi unum deqa niŋgi e uratbaib. Niŋgi e qa are qalsib soqniye. O was qu, Qotei a niŋgi qa are boleiyeme.

2 Tesalonaika 3:17

E Pol. E ijo segi baŋ na kaiye anjam endi neŋgreŋyosim niŋgi qa qariŋyonum. E ijo anjam kobotoqnsim qariŋyqa laqnsimqa e degyeqnum. Di ijo kumbra.

Filemon 1:9

Deqa e ni anjam tulaŋ siŋgila na mermqasai. Aqo ombla qalaqalaiyo kumbra dauryeqnum deqa e ni lawo na anjam mermqai. E Pol. E Kristus Yesus aqa anjam marsim laqnum qaji tamo. E Kristus aqa wau di ojeqnum deqa jeu tamo naŋgi na e ojsib tonto talq endia waibeb unum.

Uli Anjam 2:10

Bunuqna ni jaqatiŋ koba oqam. Ni deqa ulaaim. Ni que. Satan a na niŋgi qudei ojeleŋosim tonto talq breiŋgwas. Breiŋgimqa niŋgi ijo ñam geregere ojqab kio ijo ñam uratosib uloŋqab kio di Satan a nuŋgo areqalo unsim qalieqajqa deqa niŋgi tonto talq breiŋgwas. Niŋgi bati 10-pela gulube ti jaqatiŋ ti sqab. Ariya niŋgi e qa nuŋgo areqalo siŋgilatosib soqniye. Sosib sosib gilsib jeu tamo naŋgi na niŋgi liŋgib moreŋqab. Amqa e na niŋgi ŋambile eŋgwai. Ŋambile di nuŋgo awai boledamu.