1 Tesalonaika 2:15 - Yesus Aqa Anjam Bole

¹⁵ Nami Juda naŋgi na Tamo Koba Yesus qalsib moioteb. Qotei aqa medabu o qaji tamo naŋgi dego ñumoqnsib moiotnjroqneb. Osib naŋgi na iga dego wigonab iga nuŋgo qure uratosim jaraiem. Tamo naŋgi di kumbra Qotei a areareteqnu qaji di olo gotraŋyoqnsib tamo kalil naŋgi jeutnjreqnub.

1 Tesalonaika 2:15 ပူးပေါင်းရင်းမြစ်များ

Matyu 23:37

Osiqa Yesus a olo anjam endegsi minjrej, “O Jerusalem qure, O Jerusalem qure, ni na Qotei aqa medabu o qaji tamo naŋgi ñumsim moiotnjreqnum. Osim tamo naŋgi Qotei na ni qa qariŋnjreqnu qaji naŋgi meniŋ na ñumeqnaq moreŋeqnub. Bati gargekoba e na ino aŋgro naŋgi tuwe du du bul koroinjrqajqa yeqnam niŋgi urateqnub.

Matyu 27:25

Onaqa tamo uŋgasari naŋgi na minjeb, “Di kere. Uŋgum. Yesus a moiqas di gago une na moiqas. Gago aŋgro naŋgi dego une di o ti sqab.”

Matyu 5:12

Od, nuŋgo are tulaŋ boleboleiŋgim soqniye. Di kiyaqa? Nuŋgo awai bole laŋ goge di unu deqa. Nami jeu tamo naŋgi na Qotei aqa medabu o qaji tamo naŋgi dego degsib ugeugeinjroqneb.”

Luk 24:20

Ariya a kumbra degyeqnaqa atra tamo kokba ti gago gate kokba naŋgi ti a ojsib Rom naŋgo tamo kokba naŋgo baŋq di ateb. Atnabqa naŋgi na a osib tigeltosib minjeb, ‘Ni une tamo. Deqa ni moiqam.’ Degsi minjsib a osib ŋamburbasq di qalnab moiej.

Aposel 12:3

A degyonaqa Juda tamo kokba naŋgi tulaŋ areboleboleinjrej. Onaqa Herot a di qalieosiqa naŋgo are boletetnjrqajqa deqa olo Pita ojej. Bati di Juda naŋgo bem tiyosai qaji uyqajqa yori bati koba.

Aposel 2:23

Qotei na tamo di osiq nuŋgo baŋq di atej. A nami kumbra degyqa are qalsiq deqa anjam keretej. Onaqa niŋgi na Yesus osib tamo uge naŋgo baŋq di atnabqa naŋgi na osib ŋamburbasq di qalnab moiej. Nuŋgo kumbra dena niŋgi segi na Yesus qalsib moioteb.

Aposel 3:15

Ariya Yesus a segi ŋambile qa utru. Di niŋgi na qalnab moiej. Onaqa Qotei na Yesus olo subq na tigeltonaqa iga gago ŋamdamu na unem. Deqa bini iga a qa mare mare laqnum.

Aposel 4:10

Deqa niŋgi ti Israel tamo uŋgasari kalil ti ijo anjam endi qusib poiŋgem. Yesus Kristus Nasaret qaji agi niŋgi na ŋamburbasq di qalnab Qotei na olo subq na tigeltej qaji aqa ñam na tamo endi aqa jejamu boleosiq nuŋgo ulatamuq endia tigelesonaq niŋgi unonub.

Aposel 5:30

Di bole, niŋgi na Yesus ŋamburbasq di qalnab moiej. Moinaqa gago moma naŋgo Qotei a na olo subq na tigeltej.

Aposel 7:52

Nuŋgo moma naŋgi kumbra endegsib yoqneb. Naŋgi na Qotei aqa medabu o qaji tamo kalil naŋgi ugeugeinjroqnsib ñumoqneb. Bei uratosaioqneb. Kalil ñumoqneb. Qotei aqa medabu o qaji tamo naŋgi na nuŋgo moma naŋgi anjam endegsib minjroqneb, ‘Kumbra Tiŋtiŋ Yeqnu Qaji Tamo a bqas.’ Degsib minjreqnab naŋgi quqwa uratoqnsib naŋgi ñumoqneb. Ariya Yesus a bonaqa niŋgi na nuŋgo moma naŋgo kumbra di dauryosib Yesus osib jeu tamo naŋgo baŋq di atnabqa naŋgi na qalnab moiej.

1 Korin 10:5

Ariya gago moma gargekoba naŋgi kumbra uge uge yoqneb deqa Qotei a naŋgi qa arearetosai. Deqa a wadau sawaq dia naŋgi ñumnaq moreŋeb.

2 Korin 11:26

Bati gargekoba e sawa isaq siŋga na walweloqnem. Ya koba doqnsiqa e ya na padaltbqa jojomoqnej. E gamq di walweleqnamqa bajiŋ tamo naŋgi gam getentoqnsibqa e lubqa laqneb. Juda tamo naŋgi ti sawa bei bei qaji tamo naŋgi ti dego e lubqa laqneb. Qure qureq dia, wadau sawaq dia, yuwalq dia dego e padalqa jojomoqnem. Gisaŋ Kristen naŋgi na dego e ugeugeibqa laqneb.